Kralendijk – E último simannan e kantidat di kaso di dengue na Boneiru a subi. Esaki departamento di Salubridat Públiko ta duna di konosé.
For di komienso di aña nobo ya kaba a konstatá 24 kaso di dengue. Den e último tempu masha hopi áwaseru a kai na nos isla, i esaki a kondusí na un oumento di e kasonan di dengue. Departamento di Salubridat Públiko ku énfasis ta hasi un yamada riba tur hende pa tuma medida pa evitá ku dengue ta sigui plama.
Un persona ku dengue mayoria biaha tin keho leve. Pero por sosodé tambe ku un hende ku dengue ta haña keho grave i ku e mester keda interná den hòspital. Esaki a pasa algun biaha na Boneiru den e lunanan tras di lomba. Tin kuater tipo di dengue.
Na Boneiru, banda di tipo 2, awor a konstatá tipo 3 tambe. Un hende ku tabatin dengue, ta protehá kontra e tipo ei, pero no kontra e otro tiponan.
Dengue ta plama via hende. E sangura Aedes aegypti, konosí tambe komo e sangura di dengue, ta transmití e vírùs. No ta tur sangura Aedes aegypti ta kargadó di e vírùs di dengue. Ora bo tin dengue i e sangura di dengue pika bo, despues di esei e sangura por hasi un otro hende malu.
Ta importante pa e sangura di dengue no haña chèns pa pika hende. Bisti paña ku koló kla ku ta tapa bo kurpa bon. Usa un ‘spray’ òf un krema kontra sangura ku ta kontené minimalmente 30% di DEET. Un produkto ku DEET ta sòru pa un protekshon di 5 pa 6 ora.
Hasi uso di skrin di manera ku sangura no por drenta bo kas. Tene tur bentana i porta será. Prinsipalmente mainta tempran i tramèrdia e sangura di dengue ta aktivo. P’esei drumi semper bou di un muskitero òf sòru pa bo kamber di drumi ta liber di sangura.
E sangura di dengue ta biba i brui prinsipalmente den kas i kurá di hende. E sangura ta pone su webunan den ophetonan ku ta kontené awa ku ta para ketu, manera baki di plèstik, tayer di outo, bòter, bleki i hèmber ku awa di yobe aden. Deshasí di e artefaktonan akí. Asina bo ta evitá ku e sangura di dengue por brui den nan.
Tapa tur baki òf barí ku bo ta warda awa aden pa mata òf bestia. Pa esaki bo ta usa un paña òf skrin kontra sangura ku bo ta span ku un elastik rònt di e parti ku ta habrí.
E inspektornan di departamento di Salubridat Públiko ta kontrolá tur kaminda na nos isla pa wak si tin lugá di brui di e sangura di dengue. Nan ta trata e lugánan di brui ku produktonan kontra insekto. E inspektornan ta duna informashon tambe tokante kiko hende por hasi pa evitá ku sangura di dengue ta brui den nan kurá òf den nan kas.
Pa konseho tokante molèster di sangura, tratamentu di barí di awa i renbak, yama e number di telefòn 715 – 5324 di departamento di Salubridat Públiko.
FUENTE: OLB/LIVE99FM
NEDERLANDS:
AANTAL GEVALLEN VAN DENGUE TOEGENOMEN
Kralendijk – De afgelopen weken is het aantal gevallen van dengue op Bonaire gestegen. Dat laat de afdeling Publieke Gezondheid weten.
Sinds het nieuwe jaar zijn al 24 gevallen van dengue vastgesteld. De laatste tijd is er heel veel regen op het eiland gevallen, dit leidde tot een stijging van gevallen van dengue. De afdeling Publieke Gezondheid roept iedereen met klem op om maatregelen te nemen om te voorkomen dat dengue zich verder verspreidt.
Een persoon met dengue heeft meestal lichte klachten. Maar het kan ook dat iemand met dengue ernstige klachten krijgt en in het ziekenhuis wordt opgenomen. Dat is de afgelopen maanden op Bonaire een aantal keer gebeurd. Er zijn vier typen van dengue. Op Bonaire is naast type 2 nu ook type 3 vastgesteld. Iemand die dengue heeft gehad, is beschermd tegen dat type maar niet tegen de andere typen.
Dengue verspreidt zich via mensen. Het virus wordt overgedragen door de Aedes aegypti mug, ook wel bekend als de denguemug. Niet elke Aedes aegypti mug draagt het denguevirus. Als je dengue hebt en de denguemug prikt jou, kan de mug daarna iemand anders ziek maken.
Het is belangrijk dat de denguemug geen kans krijgt om iemand te prikken. Draag kleren in lichte kleuren die het lichaam goed bedekken. Gebruik een spray of crème tegen muggen met minimaal 30% DEET erin. Een middel met DEET zorgt voor een bescherming van 5 tot 6 uur.
Gebruik screens en horren zodat muggen het huis niet in kunnen. Houd ramen en deuren gesloten. De denguemug is vooral vroeg in de ochtend en in de namiddag actief. Slaap daarom altijd onder een muskietennet of zorg dat de slaapkamer muggenvrij is.
De denguemug leeft en broedt vooral in huizen en tuinen van mensen. De mug legt haar eitjes in voorwerpen met stilstaand water erin zoals plastic bakjes, autobanden, flessen, blikje, emmers met regenwater. Het is belangrijk om regelmatig te controleren of er voorwerpen in het huis of de tuin zijn met stilstaand water erin. Ruim deze voorwerpen op, zo voorkom je dat de denguemug daarin kan broeden.
Sluit bakken of tonnen met opgeslagen regenwater voor planten of dieren . Gebruik hiervoor een doek of muggengaas met een elastieken band die om de opening wordt gespannen.
De inspecteurs van de afdeling Publieke Gezondheid controleren op het hele eiland of er broedplaatsen van de denguemug zijn.
De broedplaatsen worden met middelen tegen insecten behandeld. De inspecteurs geven ook informatie wat mensen kunnen doen om te voorkomen dat denguemuggen bij hen in de tuin of in het huis broeden.
Voor advies over overlast van muggen, het behandelen van regentonnen en regenbakken, bel het nummer 715-5324 van de afdeling Publieke Gezondheid.

GIPHY App Key not set. Please check settings