RIBA PETISHON UN BIAHA MAS CHARLA PA MAYORNAN TOKANTE USO SEIF DI MEDIONAN SOSIAL SERKA MUCHA

Kralendijk – Dia 11 i 12 di desèmber Biblioteka Públiko Boneiru riba petishon un biaha mas ta organisá un charla grátis pa mayornan tokante mucha i uso seif di medionan sosial.

E eksperto di medionan sosial Flavina Wanga ta tene e charla na sentro di bario Amboina. Riba djárason 11 di desèmber e charla ta di 19:00 or pa 21:00 or na hulandes i riba djaweps 12 di desèmber di 9:00 or pa 21:00 or na papiamentu.

Wanga ta duna e mayornan vários tep útil tokante kon nan por guia nan yunan ku uso di medionan sosial. Den e charla e ta trata tópikonan tambe manera tèrmentu via medionan sosial (cyberbullying), sexting (interkambiá mensahe, potrèt, video etc. ku kontenido seksual), i hende ku ta lòk mucha online. Entrada pa tur dos charla ta grátis.

Mayornan por registrá via app na e number di telefòn 770 6302 òf via un email na eventsbibliotekapubliko@bonairegov.com 

Den luna di òktober Wanga a tene un charla kaba tokante uso seif di selular, tèblet, internèt etc. serka mucha. E interes pa esaki tabata hopi grandi.

Pa e motibu akí biblioteka a disidí pa bolbe organisá e charla. Na Boneiru pa basta tempu kaba tin preokupashon tokante uso di telefòn selular serka hóbennan. For di investigashon ta resultá ku mas ku 90% di nos hóbennan ta hasi uso diario di medionan sosial.

Hopi mayor ta haña difísil pa tene bon supervishon riba esaki. Nan ta haña fastioso tambe pa guia nan yu ku uso di medionan sosial.

Ku su empresa ‘Konsiente’ pa seis aña kaba Wanga ta ofresé tayer na Kòrsou tokante medionan sosial i hóbennan pa mayornan, dosentenan i otro edukadornan. El a krea tayer tambe ku ta spesial pa hóbennan pa siña nan kon na un manera responsabel i seif nan por hasi uso di medionan sosial.

E meta ta pa siña nos muchanan i hóbennan tuma desishon korekto ora nan ta online.    

FUENTE:OLB/LIVE99FM

NEDERLANDS:

OP VERZOEK WEER LEZING VOOR OUDERS OVER VEILIG GEBRUIK VAN SOCIAL MEDIA BIJ KINDEREN

Kralendijk – Op 11 en 12 december organiseert Biblioteka Públiko Boneiru op verzoek weer een gratis lezing voor ouders over het veilig gebruik van social media bij kinderen.

De lezing wordt door social media deskundige Flavina Wanga bij sentro di bario Amboina gehouden. Op woensdag 11 december wordt de lezing van 19:00 tot 21:00 in het Nederlands gehouden en op donderdag 12 december van 9:00 tot  21:00 uur in het Papiaments.

Wanga geeft de ouders nuttige tips hoe zij hun kinderen kunnen begeleiden bij het gebruik van social media. In de lezing behandelt ze ook onderwerpen als cyberpesten, sexting, online kinderlokkers. De toegang is voor beide lezingen gratis.

Ouders kunnen zich per app aanmelden bij het nummer 770 6302 of een mail sturen naar eventsbibliotekapubliko@bonairegov.com 

In de maand oktober heeft Wanga al een lezing over veilig gebruik van mobiele telefoons, tablets, internet etc bij kinderen gegeven. De belangstelling hiervoor was heel groot. Daarom heeft de bibliotheek besloten om de lezingen weer te organiseren.

Op Bonaire zijn er al langere tijd zorgen over het gebruik van mobiele telefoons bij jongeren. Uit onderzoek blijkt dat meer dan 90% van de jongeren dagelijks gebruik maakt van social media. Veel ouders vinden het moeilijk om goed hierop toezicht te houden. Ze vinden het ook lastig om hun kind bij het gebruik van social media te begeleiden.

Wanga verzorgt met haar bedrijf ‘Konsiente’ al zes jaar op Curaçao workshops over social media en jongeren voor ouders, docenten en andere opvoeders.

Ze heeft ook  workshops opgezet die speciaal zijn voor jongeren om hen te leren hoe ze op een verantwoorde en veilige manier  social media kunnen gebruiken. Het doel is dat kinderen en jongeren leren om de juiste beslissingen te nemen als ze online zijn.