DIA MUNDIAL DI AIDS 2024: PARTISIPÁ I KIBRA E STIGMA!

Kralendijk, – Kordialmente Fundashon Mariadal ta invitá komunidat di Boneiru pa partisipá na e aktividatnan rònt di Dia Mundial di Aids.

E aña akí e evento ta den signo di e tema N=N (No por midié = No por transmitié). Esaki ta aksentuá e echo ku hende ku hiv ku keda tratá eksitosamente i kaminda no por midi e vírùs mas, no por transmití esaki pa medio di kontakto seksual. Huntu nos ta komprometé nos mes pa engrandesé konsientisashon i kibra e stigma rònt di hiv.

Programa di aktividat

 Nos ta organisá vários aktividat ku ta habrí pa tur hende:  

 Dia Habrí

Fecha: 2 di desèmber 2024

Lugá: Kaya Kòrsou

Orá: 15.00 or – 19.00 or

Durante e Dia Habrí bo por:

• Siña mas tokante hiv i e tema N=N (No por midié = No por transmitié);
• Partisipá na aktividatnan interaktivo;
• I haña informashon balioso for di ekspertonan.

Pasa un ratu pa stènt di informashon, kòmbersashon ku ekspertonan i storianan inspirativo.

  Konferensia N=N

Fecha: 7 di desèmber 2024

Lugá: Habitat

Ora: 09.00 or – 16.00 or

Huntu ku SOA-AIDS Hulanda, nos ta tira lus riba e konosementunan mas resien rònt di hiv i riba impakto di e tema N=N.

Pa mas informashon tokante e aktividat i pa registrá pa e konferensia, bishitá nos lenk: https://docs.google.com/forms/d/e/1FAIpQLSc2cxFcLJpYycRhZVZi0e6TZREDa1AFO-RmD4dzoBxaWR2r5Q/viewform

Kaminata

Fecha: 8 di desèmber 2024

Ora di salida: 06.30 or

Ruta:Pa 6:30 or nos ta ranka sali na Bachelor’s Beach i nos ta finalisá pa 8:30 or na e waf di Cargill. Un bunita ruta di solamente 5 kilometer. I e kos di mas mihó di tur esaki? E ta kompletamente grátis!

Bin ku bo kètsnan i bisti un tishùrt kòrá òf blanku pa huntu nos krea konsientisashon. Laga nos kana huntu pa e inisiativa importante akí! Nos ta topa ayanan? Sòru pa bo djòin nos i forma parti di e kaminata yen di nifikashon akí. Nos ta ranka sali riba djadumingu 8 di desèmber pa 6:30 or.

Huntu mas fuerte kontra hiv

 Fundashon Mariadal ta hasi un yamada riba tur hende pa partisipá na e aktividatnan akí. Laga nos demostrá ku na Boneiru nos ta para huntu den e lucha kontra hiv. Pa medio di bini huntu, nos ta engrandesé konsientisashon i nos ta edifiká un komunidat sin stigma.

Pasa un ratu, siña mas, i forma parti di e moveshon! 

FUENTE:FUNDASHON MARIADAL/LIVE99FM