DEKLARASHON GEZAGHÈBER SOLIANO 15 DI NOVÈMBER 2024 

Kralendijk – Mi kier enfatisá ku Entidat Públiko Boneiru i tur e órganonan  di gobièrnu ta para pa un komunidat sigur i un ambiente di biba salú pa tur siudadano.

Nos ta hasiendo lo máksimo pa garantisá  esaki.  Entidat Públiko Boneiru tambe ta konsiente di e urgensia i nesesidat pa yega  na solushon riba término kòrtiku pa e problemanan agudo. Manera sushi biomédiko, asbèst, almasenamentu di zeta i tambe fuente di kandela bou di tera na lèntfel. Nos ta konsiente tambe di urgensia pa yega na un solushon duradero pa e forma ku nos ta prosesá sushi na Boneiru.

Bestuurscollege a kuminsá  un trayekto urgente pa atendé ku e problemanan agudo ku a presentá na lèntfel di Lagun for di luna di desèmber 2023 i na ougùstùs di e aña akí. Esaki a resultá den un medida riguroso esta un  ‘voornemen last onder bestuursdwang’ pa Selibon dia 29 di ougùstùs 2024. Esaki ta nifiká ku a duna Selibon sierto tempu pa solushoná e problema agudo. Selibon a tuma e situashon na serio.

Direktiva di e kompania a i ta hasi lo máksimo pa kumpli ku petishon di EPB pa solushoná e problemanan agudo. Loke nan no a finalisá,  segun palabrashon ku EPB,  entidat públiko Boneiru ta tuma ofer pa por finalisá nan mas pronto posibel.  Bestuurscollege su esfuerso ta keda dirigí riba solushon i kolaborashon pa solushoná e problemanan agudo i e proseso pa yega na un plan integral tambe ta kanando. 

E kompania hulandes renombrá  Royal Haskoning ta koordiná esaki.

Djárason 13 di novèmber último, Representante di Reino suplente a ekspresá ofisialmente den un karta su intenshon ku e ta bai aktua na lugá di Bestuurscollege  i ta asumí responsabilidat ku BC tin. Esta pa duna pèrmit i kontrolá kon ta prosesá sushi na lèntfel. Den e periodo despues di e rapòrt di ILT, partidonan a hiba kòmbersashon riba un modelo di eskalashon ku Representante di Reino suplente a fiha.  Esaki ta konsistí di 6 fase di eskalashon.

E  intenshon ku Representante di Reino interino a ekspresá, ta basá riba entre otro e último rapòrt di inspekshon di ILT. E inspekshon akí a tuma lugá di 27 pa 30 di ougùstùs último. 

Entidat públiko Boneiru a entregá su punto di bista riba e intenshon  ekspresá den e karta di 13 di novèmber 2024. Entidat públiko Boneiru tabatin ménos ku 24 ora disponibel pa reakshoná riba esaki.  Awe, 15 di novèmber 2024, representante di reino suplente  a entregá e desishon ku e ta tuma ofer e responsabilidat i outorisashon di Bestuurscollege pa dunamentu di permit i supervishon i  mantenshon di prosesamentu di sushi na lèntfel di Lagun.

Bestuurscollege a tuma e desishon di hasi uso di e derechi pa entamá un proseso di apelashon. Konsiderando e loke EPB a hasi, lo tabata na su lugá si representante di Reino interino lo a komuniká i kooperá mas intensivo ku Bestuurscollege. 

Komo gezaghèber mi ke enfatisá ku mester solushoná e problema urgentemente. I ku e solushon riba término kòrtiku,  mediano i término largu ta mihó sirbí ku kooperashon i kolaborashon entre tur instansia envolví. Seguridat, salubridat públiko i protekshon di naturalesa ta nos meta komun den esaki.

FUENTE:OLB/LIVE99FM

NEDERLANDS:

VERKLARING GEZAGHEBBER SOLIANO 15 NOVEMBER 2024

Kralendijk – Ik wil benadrukken dat het openbaar lichaam Bonaire en alle overheidsorganen staan voor een veilige gemeenschap en een gezonde leefomgeving voor alle burgers.

Wij doen ons best om dit te garanderen. Ook het openbaar lichaam Bonaire is zich bewust van de urgentie en noodzaak om op korte termijn tot een oplossing te komen voor de acute problemen. Zoals biomedisch afval, asbest, de opslag van olie en ondergrondse brandhaarden bij de vuilstortplaats bij Lagun.  Wij zijn ons ook bewust van de urgentie om tot een duurzame oplossing te komen voor de manier waarop wij op Bonaire afval verwerken.

Het Bestuurscollege is een spoedtraject begonnen om de acute problemen aan te pakken die zich vanaf december 2023 en augustus dit jaar bij Lagun hebben voorgedaan. Dit heeft geleid tot een rigoureuze maatregel, namelijk een ‘voornemen last onder bestuursdwang’ voor Selibon op 29 augustus 2024. Het  betekent dat Selibon wat tijd heeft gekregen om het acute probleem op te lossen. Selibon heeft de situatie serieus genomen.

De directie van het bedrijf heeft er alles aan gedaan en doet er alles aan om te voldoen aan het verzoek van het OLB om de acute problemen op te lossen. Wat ze nog niet hebben afgerond, neemt het OLB volgens afspraak op zich om  zo snel mogelijk af te ronden. De inspanningen van het Bestuurscollege zijn nog steeds gericht op oplossingen en samenwerking om de acute problemen aan te pakken, het proces om tot een integraal plan te komen is al in werking gezet. Het gerenommeerde Nederlandse bedrijf Royal Haskoning coördineert dit.

Afgelopen woensdag 13 november, heeft de waarnemend Rijksvertegenwoordiger in een brief officieel zijn intentie uitgesproken om in plaats van het Bestuurscollege op te treden en de verantwoordelijkheid van het BC op zich te nemen. Dus om vergunningen af te geven, en te controleren hoe het afval bij de vuilstortplaats wordt verwerkt. In de periode na het ILT-rapport, hebben partijen gesproken over een escalatiemodel dat door  de plaatsvervangend Rijksvertegenwoordiger is opgesteld. Dit model bestaat uit 6 escalatiefasen.

De intentie die de waarnemend Rijksvertegenwoordiger heeft uitgesproken, is onder andere gebaseerd op het laatste inspectierapport van het ILT. Deze inspectie heeft van 27 tot 30 augustus van dit jaar plaats gevonden. Het openbaar lichaam Bonaire heeft haar standpunt gegeven over de intentie die in de brief van 13 november 2024 is verwoord. Het openbaar lichaam Bonaire had minder dan 24 uur de tijd om hierop te reageren. Vandaag, 15 november 2024, heeft de plaatsvervangend Rijksvertegenwoordiger het besluit overhandigd dat hij de verantwoordelijkheid en bevoegdheid van het Bestuurscollege overneemt voor het verlenen van vergunningen en het toezicht en het onderhoud van de afvalverwerking bij de vuilstortplaats Lagun. 

Het Bestuurscollege heeft besloten gebruik te maken van het recht om in beroep te gaan.  Op grond  van alle vermelde ontwikkelingen en hetgeen het OLB al  heeft gedaan, zou het op zijn plaats zijn geweest als de waarnemend Rijksvertegenwoordiger intensiever met het Bestuurscollege had gecommuniceerd en samen gewerkt.  

Als gezaghebber wil ik benadrukken dat het probleem met spoed opgelost moet worden. En dat de oplossing op de korte, middellange en lange termijn het beste gediend is met samenwerking tussen alle betrokken instanties. De veiligheid, volksgezondheid en de bescherming van de natuur zijn daarbij ons gemeenschappelijk doel.