in

UN BONERIANO DI BONERIANO A GANA PASASHI DI  CORENDON!

KRALENDIJK–Djaluna kuminsamentu di e siman aki, Fittipaldi Pietersz di korant BONERIANO a gana un pasashi grátis pòrnada pa Hulanda bulando ku Corendon.
Un dia despues ku e promé buelo pa Boneiru di Corendon a bira realidat, e kompania menshoná a selebrá nan presensia na Boneiru. A organista un fiesta i a invitá tur esnan enbolbí den e trabou pa atendé e promé buelo, huntu ku miembronan di prensa. Durante e anochi a menshoná ku ta bai saka ganadó di pasashi pa Hulanda. Na final di e fiesta, Luis Moka tabatin e honor pa saka e karchi ku e number ganadó. Promé a resultá un dama hulandes Europeo i e di dos ganadó, a bai pa e Boneriano de pura sepa Fittipaldi di korant BONERIANO. Tur hende tabata kontentu, pasobra nan deseo tabata pa un boneriano gana un pasashi.

Fittipaldi su eksperensia


“MA GANAAAA…  4 ora so ma drumi. Masha kontentu mi ta di a gana un pasashi grátis pòrnada pa biaha pa Hulanda. Danki na Corendon, korant BONERIANO i mi amigunan ku tabata huntu ku mi anochi na mesa. Momentu mi a yega e selebrashon di Corendon na Boneiru, Norman Serphos a duna mi un ticket meskos tabata e kaso tur hende. Mi no a tira bista kiko e number tabata. Asina mi ta, mi no ta gusta sa e number adelantá. Durante e fiesta nan a menshoná e premio grandi ku e hende por gana, esta un pasashi pa Hulanda. Momentu nan tabata bai saka e ganadó, mi a bai serka di esenario, pa mi saka potrèt di ganadó. Promé Luis Moka a saka un Hulandes Europeo i e di dos biaha el a saka mi number, esta e otro pida di mi karchi. #3691. Pues na lugá ku ami ta saka potrèt di e ganado pa korant, otro hende mester a saka mi potrèt pa pone den korant. Imaginá. Riba potrèt e hulandes Europeo i e Boneriano.

FUENTE: FITTIPALDI PIETERSZ/LIVE99FM

What do you think?

Written by Redakshon

Leave a Reply

Your email address will not be published. Required fields are marked *

GIPHY App Key not set. Please check settings

AKSHON DI MMHB TA KONDUSÍ NA DETENSHON

KOMIENSO DI E PROYEKTO PILOTO “FAMIA FUERTE” PA SOSTEN FAMILIAR INTENSIVO