Kralendijk – Riba djasabra 26 di òktober for di 19.00 or te 22.00 or nuebe habitante talentoso di Boneiru ta duna presentashon di nan ‘spoken word’ ku nan mes a traha.
E wéspet prinsipal ta Ralph Winedt di Kòrsou. E partisipantenan ta presentá nan punto di bista personal i úniko tokante libertat, i Winedt ta guia nan den esaki.
Ralph Winedt ta un nòmber establesé den paisahe literario di Kòrsou. No opstante su edat hóben el a konkistá un posishon stabil den Kòrsou su sektor di arte i kultura.
Komo artista di palabra el a presentá riba tur podio importante na e isla ei. E mes tambe ta organisá evento ku e kolektivo di eskritor ‘Carrying Narratives’.
E 10 ‘spoken word’-nan ta na papiamentu, ingles i hulandes.
Miluska Hansen ta e maestro di seremonia durante e anochi akí. E ta duna un tradukshon kòrtiku di e ‘spoken word’ si tin hende den públiko ku no por sigui e vershon mas largu di e ‘spoken word’ den e otro idioma.
E presentashon di ‘spoken word’ akí ta tuma lugá den Parke Isidel. E organisadónan ta spera ku e di dos presentashon akí, meskos ku esun anterior, lo lanta kuriosidat i interes di e públiko.
Nan ta spera tambe ku e presentashon lo tin un karakter íntimo ku espasio pa profundisá mas den e ‘spoken word’.
E biaha akí tambe públiko por partisipá aktivamente. Tur hende por ehèmpel por skirbi un frase i entregá esaki. Winedt ta konopá e frasenan na otro pa yega na e ‘spoken word’ di mas largu di Boneiru tokante libertat. Banda di esaki tin dos aktuashon spesial i sorprendente planiá. Bo ke sa kua? E ora ei reservá bo lugá rápidamente i bira testigu di un anochi kaminda kreatividat i interakshon ta bini huntu.
Na unda: Parke Isidel, Boneiru
Ki dia: djasabra 26 di òktober, 19.00 or – 22.00 or
Entrada: grátis
Reservashon: mand un app na 7006302 òf klek riba https://forms.gle/hnt8DM98FqiLWEHK6 Biblioteka Públiko Boneiru den kolaborashon ku Fundashon di Kurason ta organisá e presentashon akí
FUENTE:BIBLIOTEKA PÚBLIKO BONEIRU/LIVE99FM
NEDERLANDS:
SPOKEN WORD VOORSTELLING ADEMT 26 OKTOBER HET THEMA VRIJHEID OP BONAIRE
Kralendijk,- Op zaterdag 26 oktober van 19.00 tot 22.00 uur presenteren negen getalenteerde bewoners van Bonaire hun zelfgemaakte spoken words.
Hoofdgast is Ralph Winedt uit Curaçao. De deelnemers presenteren hun persoonlijke, unieke kijk op vrijheid, Winedt begeleidt hen daarbij.
Ralph Winedt is een begrip in het literaire landschap van Curaçao. Ondanks zijn jonge leeftijd is hij niet meer weg te denken uit de Curaçaose kunst- en cultuursector.
De woordkunstenaar heeft op alle belangrijke podia op het eiland gestaan. Hij organiseert ook zelf evenementen met het schrijverscollectief ‘Carrying Narratives’.
De tien spoken words zijn in het Papiaments, Engels en in het Nederlands. Miluska Hansen is de MC van de avond.
Ze geeft een korte vertaling van de spoken word als iemand in het publiek de langere versie van de spoken word in de andere taal niet kon volgen.
Deze spoken word voorstelling vindt plaats in Parke Isidel.
De organisatoren hopen dat deze tweede voorstelling net als de vorige keer de nieuwsgierigheid en interesse van het publiek zal prikkelen. Ze hopen ook dat de voorstelling een intiem karakter heeft met ruimte om dieper op de spoken word in te gaan.
Het publiek kan ook deze keer actief meedoen. Iedereen kan bijvoorbeeld een zin opschrijven en dat inleveren.
De zinnen worden door Winedt aan elkaar geregen tot de langste spoken word van Bonaire over vrijheid. Daarnaast zijn er twee speciale, verrassende acts gepland. Wil je weten welke? Reserveer dan snel je plek, wees getuige van een avond waar creativiteit en interactie samen worden gebracht.
Waar: Parke Isidel, Bonaire
Wanneer: zaterdag 26 oktober, 19.00 – 22.00 uur
Toegang: gratis
Reserveren: app naar 7006302 of klik op https://forms.gle/hnt8DM98FqiLWEHK6
Deze voorstelling wordt georganiseerd door Biblioteka Públiko Boneiru in samenwerking met Fundashon di Kurason.

GIPHY App Key not set. Please check settings