RIJKSWATERSTAAT I ENTIDAT PÚBLIKO BONEIRU TA PONE PUNTONAN DI MIDI DEN AWANAN DI BONEIRU

Kralendijk,- Den e di tres siman di òktober 2024, Rijkswaterstaat (RWS), den kolaborashon estrecho ku entidat públiko Boneiru (EPB) ta kuminsá ku konstrukshon di tres punto di midi den awanan di Boneiru.

Nan ta pone e puntonan di midi akí den haf di Kralendijk den bisindario di Waf Nello Craane (waf di sùit), na Sand Dollar i riba un bui destiná pa midimentu na altura di Kaya Tilburg.

Ku e puntonan di midi akí, kontinuamente nan ta akumulá informashon tokante kalidat di  awa. Nan ta ehekutá midimentu, manera:

• Konduktividat i temperatura: Konduktividat ta indiká kuantu salu tin den awa, i pa e motibu akí e ta un midí pa e grado di salu den un sierto kantidat di awa.
• Kon trubel e awa ta: Esaki ta indiká kon transparente òf trubel e awa ta.

E midimentunan akí ta parti di e Plan di Maneho pa Naturalesa i Medio Ambiente Hulanda Karibense (2020 – 2030). E informashonnan ku nan akumulá nan ta usa den un modelo ku Deltares ta desaroyá. E modelo akí ta yuda pa komprendé e fuentenan i e transporte di nutriente i lodo for di tera pa laman mas mihó. 

Diputado Cicilia di Entidat Públiko Boneiru ta pone énfasis riba importansia di e proyekto akí: “Konservashon di nos refnan di koral ta di gran importansia pa futuro di Boneiru. Ku e midimentu akí nos ta haña un mihó konosementu di e kalidat di awa i nos por tuma akshon den un forma mas dirigí pa protehá nos ekosistema marino.”

E proyekto ta un kolaborashon entre Rijkswaterstaat i Entidat Públiko Boneiru, kaminda ámbos organisashon ta hasi esfuerso pa konservashon i protekshon di Boneiru su ekosistema marino. Ta importante pa niun hende no mishi òf stroba e buinan ku aparato pa midi i tampoko e sitionan na kosta.

Kontakto:

Pa mas informashon bo por tuma kontakto via nmbp@bonairegov.com. 

FUENTE:OLB/LIVE99FM  

NEDERLANDS:

RIJKSWATERSTAAT EN OLB PLAATSEN MEETPUNTEN IN DE WATEREN VAN BONAIRE

Kralendijk,- In de derde week van oktober 2024 start Rijkswaterstaat (RWS), in nauwe samenwerking met het openbaar lichaam Bonaire (OLB), met de aanleg van drie meetpunten in de wateren van Bonaire. Deze meetpunten worden geplaatst in de haven van Kralendijk nabij de Zuidpier, bij Sand Dollar, en op een meetboei ter hoogte van Kaya Tilburg.

Met deze meetpunten worden voortdurend gegevens verzameld over de waterkwaliteit. Er worden metingen uitgevoerd zoals:

• Geleidbaarheid en temperatuur: Geleidbaarheid geeft aan hoeveel zouten er in het water zitten, en is dus een maat voor het zoutgehalte.
• Troebelheid: Dit geeft aan hoe helder of troebel het water is.

Deze metingen zijn onderdeel van het Natuur- en Milieu Beleidsplan Caribisch Nederland (2020-2030). De verzamelde gegevens worden gebruikt in een model dat door Deltares wordt ontwikkeld. Dit model helpt om de bronnen en het transport van voedingsstoffen en slib van het land naar de zee beter te begrijpen.

Gedeputeerde Cicilia van het Openbaar Lichaam Bonaire benadrukt het belang van dit project: “Het behoud van onze koraalriffen is van groot belang voor de toekomst van Bonaire. Met deze metingen krijgen we beter inzicht in de waterkwaliteit en kunnen we gerichter actie ondernemen om ons mariene ecosysteem te beschermen.”

Het project is een samenwerking tussen RWS en het OLB, waarbij beide organisaties zich inzetten voor het behoud en de bescherming van het mariene ecosysteem van Bonaire.

Het is belangrijk dat niemand de geplaatste meetboeien en wallocaties aanraakt of verstoort.

Contact:

Voor meer informatie kunt u contact opnemen via nmbp@bonairegov.com.