NA ÒKTOBER PASA ANGUA KONTRA GRIP I ANGUA KONTRA CORONA

Kralendijk – Den e di tres i di kuater siman di òktober, hendenan lokal riba 60 aña i hendenan ku ta pasa wenter na Boneiru riba 60 aña por pasa e angua kontra grip i e angua kontra corona gratuitamente.

Nan por skohe pa pasa solamente e angua kontra grip, solamente e angua kontra corona òf tur dos angua pareu. Hendenan mas yòn ku 60 aña ku diabétis, problema ku pulmon, keho di kurason ets. tambe por pasa e anguanan. Den e di tres siman i e di kuater siman di òktober, Departamento di Salubridat Públiko i dòkternan di kas ta tene 2 dia pa pasa angua na un lugá sentral.

Pronto ta anunsiá e fechanan i lugá di e dos dianan pa pasa angua. Despues di e dos dianan di pasa angua na un lugá sentral, por pasa e angua kontra corona i esun kontra grip na ora fiho na ofisinanan di dòkter di kas. Na òktober ta sigui mas informashon tokante esaki. Den práktika ta resultá ku ta seif pa pasa e angua kontra grip i e angua kontra corona na mes momentu. Den un kaso asina, e dos anguanan ta funshoná bon.

Ta ofresé e angua kontra grip i e angua kontra corona pa protehá hendenan riba 60 aña i hendenan hopi malu bou di 60 aña. Nan por bira hopi malu si nan haña grip òf corona i hasta bai hòspital. Riba konseho di ministerio di Salubridat Públiko, Bienestar i Deporte, VWS, Konseho di Salú i Departamento di Salubridat Públiko na islanan BES ta ofresé e angua kontra grip i e angua kontra corona.

FUENTE:OLB/LIVE99FM

NEDERLANDS:

IN OKTOBER  PRIKKEN TEGEN GRIEP EN PRIKKEN TEGEN CORONA

Kralendijk – In  de derde en de vierde week van oktober kunnen lokale 60-plussers en overwinteraars ouder dan 60 jaar gratis de griepprik en de coronaprik halen.

Ze kunnen kiezen om alleen de griepprik, alleen de coronaprik of de twee prikken tegelijk te halen. Mensen jonger dan 60 jaar met diabetes, longproblemen, hartklachten etc. kunnen de prikken ook krijgen. De afdeling Publieke Gezondheid en de huisartsen houden in de derde week en vierde week van oktober 2 prikdagen op een  centrale plek.

De datums en de plaats van de twee prikdagen worden nog bekend gemaakt. Na de twee prikdagen op een centrale plek zijn de corona – en de griepprik op vaste tijden bij de huisarts te halen. In oktober volgt meer informatie hierover.  In de praktijk blijkt dat het veilig is om de griepprik en de coronaprik tegelijk te krijgen. De twee prikken werken dan goed.

De gratis griepprik en de coronaprik worden aangeboden om 60-plussers en ernstig zieken onder de 60 te beschermen. Zij kunnen flink ziek  worden als ze griep of corona krijgen en zelfs in het ziekenhuis belanden.  De griepprik en de coronaprik  worden op advies van het ministerie van Volksgezondheid, Welzijn en Sport, VWS, de Gezondheidsraad en de Afdeling Publieke Gezondheid op de BES-eilanden aangeboden.