DEKLARASHON DI HEFE DI KUERPO POLISIAL HULANDA KARIBENSE TOKANTE KASONAN TIROTEO RESIEN

Apresiabel abitantenan di Boneiru,

Kralendijk, – Nos isla resientemente a konosé vários kaso di tiroteo. E susesonan aki ta afektá nos tur profundamente. Violensia di tiramentu ta algu ku nos isla no a kustumbrá kuné, i el a afektá e trankilidat den nos komunidat. Agentenan di Kuerpo Polisial Hulanda Karibense (KPCN) ta reakshoná sin duda riba kada notifikashon ku nos risibí. Ku dedikashon, kurashi i un sentido grandi di responsabilidat, nan ta riska nan propio seguridat pa restablesé trankilidat i siguridat den nos komunidat.

Nos reshèrshinan ta traha dia i anochi, inkansablemente i ku presishon, pa solushoná e kasonan aki. E impakto ku e insidentenan aki tin riba komunidat ta grandi, pero e esfuersonan di nos kuerpo ta keda mesun fuerte. P’esei mi ta sumamente orguyoso di e determinashon i profeshonalismo ku kua nos agentenan, bou di sirkunstansianan tin biaha difísil, ta sigui lucha pa un Boneiru seif. Nan ta hasi e trabou aki ku hopi dedikashon, pero nos mester rekonosé ku nan no por hasi esaki nan so.

Manera gezaghèber a enfatisá anteriormente, nos mester di bo(so) ayudo. Ta hopi importante pa mèldu situashon sospechoso pa nos por tuma akshon efektivo. Kada tep ta balioso i bo notifikashon por ta e lenk ku falta den un investigashon.

E seguridat di nos isla ta i ta keda nos prioridat mas haltu, pero nos ta karga e responsabilidat aki huntu. Mi ta komprondé ku tin biaha por ta difísil pa mèldu situashonnan sospechoso, òf ku bo ta duda den nan seriedat. Pero mi ta sigurá bo ku kada notifikashon ta importante. Ta p’esei nos ta ofresé bo e posibilidat pa mèldu anónimo via e liña di tep 9310. Esaki ta garantisá ku bo identidat ta keda protehá, miéntras ku bo informashon por yuda nos aktua lihé i efektivamente.

Nos agentenan polisial lo sigui lucha pa un Boneiru seif, pero ku boso yudansa nos por logra mas ainda. Huntu nos lo sòru pa kita armanan for di riba kaya i ku nos komunidat ta keda protehá di e peliger inminente di violensia.

FUENTE: KPCN/LIVE99FM

NEDERLANDS:

Beste inwoners van Bonaire,

De afgelopen periode heeft ons eiland te maken gehad met meerdere schietincidenten. Deze gebeurtenissen raken ons allemaal diep. Schietgeweld is iets dat ons eiland niet gewend is, en het heeft de gemoedsrust van onze gemeenschap aangetast. Bij elke melding die wij ontvangen, reageren de agenten van het Korps Politie Caribisch Nederland (KPCN) zonder aarzeling. Met toewijding, moed en een groot verantwoordelijkheidsgevoel zetten zij hun eigen veiligheid op het spel om de rust en veiligheid in onze gemeenschap te herstellen.

Onze rechercheurs werken dag en nacht, onvermoeibaar en met precisie, aan het oplossen van deze zaken. De impact die deze incidenten hebben op de gemeenschap is groot, maar de inzet van ons korps blijft onveranderd sterk. Ik ben dan ook buitengewoon trots op de vastberadenheid en professionaliteit waarmee onze agenten, onder soms zware omstandigheden, blijven strijden voor een veilig Bonaire. Zij doen dit werk met volle overgave, maar we moeten erkennen dat zij dit niet alleen kunnen doen.

Zoals de gezaghebber al eerder benadrukte, hebben we uw hulp nodig. Het is van groot belang dat verdachte situaties gemeld worden, zodat wij effectieve actie kunnen ondernemen. Elke tip is waardevol en jouw melding kan de ontbrekende schakel zijn in een onderzoek.

De veiligheid van ons eiland is en blijft onze hoogste prioriteit, maar deze verantwoordelijkheid dragen we samen. Ik begrijp dat het soms moeilijk kan zijn om melding te maken van verdachte situaties, of dat u twijfelt aan de ernst ervan. Maar ik verzeker u dat elke melding belangrijk is. Daarom bieden wij u de mogelijkheid om anoniem meldingen te doen via de tiplijn 9310. Dit garandeert dat uw identiteit beschermd blijft, terwijl uw informatie ons toch kan helpen om snel en effectief op te treden.

Onze politieagenten zullen blijven strijden voor een veilig Bonaire, maar met uw hulp kunnen we nog meer bereiken. Samen zorgen we ervoor dat wapens van de straat worden gehaald en dat onze gemeenschap beschermd blijft tegen het dreigende gevaar van geweld.