TA BIRA TEMPU PA KOALISHON I KOLEGIO EHEKUTIVO KUMINSÁ HASI TRABOU DI LIMPIESA KONFORME REKOMENDASHON DI CBP BES

Kralendijk, – Ta bira tempu pa koalishon i Kolegio Ehekutivo kuminsá hasi trabou di limpiesa konforme rekomendashon di CBP BES i no solamente hasi Bonaire limpi ku sigur ta un obligashon di nos tur. Pues Konseho Insular i Kolegio Ehekutivo tambe tin e obligashon di limpia e situashon kanseroso riba tereno di atendé ku privasidat di kliente. Komunikashon korekto ku pueblo ta un obligashon.

Ki balor tin pa hasi Bonaire limpi limpi pero ta keda shushá ku datonan personal riba kaya pa medio di maneho di instansianan gubernamental. Riba pregunta di un periodista tokante e rekomendashon Clean Desk di CBP BES, diputado Abraham despues di a elogiá su Kolegio a mustra ku ya 80 porshento di e rekomendashonnan di CBP BES ta den ehekushon. Diputado a papia ku tin un shredder, un aparato ku ta kibra diferente dokumento na filigrana, den funshon, pero no tin kashi spesial pa warda otro tipo di dokumentu kaminda un òf dos persona tin akseso. Pa tur kos malu di MPB/UPB no a para trabou di shredder ku si ta bon pa kontinuá.

Kuminsá ku limpiesa den despacho di Sekretario Insular ku mester sa kon ta atendé ku pèrmitnan ku drenta. Diputado Den Heyer a splika ku asuntu di kompensashon pa artíkulo di skol, unifòrm pa skol básiko i sèn di buki pa formashon di MBO ta enkontrá problema i ku sigur no por kuminsá skol ku tur kos reglá. Diputado ta ridikulisá su mes pidiendo diskulpa pa mal funshonamentu di algun empleado i e hefe ku a faya, abusando nan poder. Diputado tin e obligashon pa atendé seriamente ku hefe i empleado(nan) iresponsabel ku ta hasi manera ta nan ta doño di sèn i hasi esnan den nesesidat dependiente i mantené pobresa. Empleadonan ta grita pa mas sèn, mas gratifikashon pero pa duna servisio lubidá. Traha den wikènt ta nifiká mas gastu ku si a hasi trabou na òrdu lo no tabata nesesario.

Ta yunan di ken ta bira víktima? Sigur no esnan di ámtenar, hefe, konsehal i diputadonan

FUENTE: ARTHUR SEALY/ LIVE99FM