TWIN OTTER DI DIVI DIVI AIR KU ATERISAHE DI EMERGENSIA.

Oranjestad, – Ayera alrededor di algun minüt pasa di 5:00 di atardi ku a bati alarma na aeropuerto di Aruba, ya ku e avion di Divi Divi Air ku a kaba di lanta vuelo for di Aruba pa Korsou a hañe den problema di kual mesora a pidi e personal di brantwer pa ta stand by.

Mester bisa ku ta trata di e avion Twin Otter registra bou di e number DVR 279 di Divi Divi Air ku a kaba di lanta vuelo 5:03 di atardi rumbo pa Korsou.

Tabata na momentu ku e avion a lanta buelo i tabata kue altura, ku e pilot ta informa toren di airport di Aruba ku lus a pega indikadó ku mester tin huma den e kabina pa kual nan mester hasi un aterisahe di emergensia.

Tin ku bisa ku danki DIOS ku e Twin Otter a baha sano isalvo i sin problema, kual por sierto tabata tin 21 pasahero na bordo. Nos por a komprendé for di nos fuentenan ku e kompania Divi Divi Air a manda un otro avion bai buska e pasaheronan i trese esakinan Korsou.

𝑭𝑼𝑬𝑵𝑻𝑬: 𝑳𝑰𝑽𝑬99𝑭𝑴