ARUBA: DIVI DIVI AIR TA REKONOSE INCIDENTE DURANTE VUELO 3R279 FOR DI ARUBA PA KÒRSOU.

Oranjestad, – Maneho di Divi Divi Air ta rekonose un incidente durante di vuelo 3R279 for di Aruba ku destinashon Kòrsou, esaki riba djamars 13 di ougustus. E siguridat i bienestar di nos pasahero i tripulashon ta semper nos prioridad prinsipal.

Durante e vuelo, e tripulashon a notá un poko di huma leve. Mesora e tripulashon ku ta instruí pa aktua apropia segun e protokol di siguridat a bira bèk pa aeropuerto di Aruba. Na momentu ku e avion a aterisá, e personal di DDA a sigurá ku tur e pasahero nan afektá a risibí e sosten nesesario for di e personal di tera, ku tabata asistí den reservashon of kualke otro forma di asistensia.

Nos avionan ta wordu mantené segun e stadardnan di mas haltu i e miembronan di tripulashon ta profeshonalnan i ku ta kualifiká. Nos ta tuma un insidente manera esaki hopi serio i nos ta komprometé pa kontinua na elevá nos medidanan di siguridat. Nos ta pidi diskulpa pa kualke molèster kousá pa e insidente aki i nos ta gradisí e pasaheronan pa nan komprenshon i kooperashon, i nos tripulashon pa nan profesionalismo.

Maneho di Divi Divi Air

FUNETE: Divi Divi Air/LIVE99FM