KORSOU:EN BISTA DI SU VULNERABILIDAT PA SHÒK MESTER TUMA AKSHON PA HASI TURISMO MAS RESILIENTE

Willemstad/Philipsburg, – Aktualmente, sektor di turismo ta e pilá ekonómiko prinsipal
tantu na Kòrsou komo na Sint Maarten, no solamente debí na su kontribushon direkto i
indirekto na PIB i empleo, sino tambe konsiderando e entrada di divisa ku e ta generá. Sin
embargo, un preokupashon ku ta bini padilanti hopi ta ku ekonomia fuertemente dependiente
di turismo ta vulnerabel pa shòk. E kaida sin presedente den e industria di turismo i biahe komo
resultado di e pandemia di COVID-19 a lanta e preokupashon akí asta mas. ‘Ku un ekonomia
mas diversifiká, ku mas sektor prinsipal banda di turismo impulsando kresementu, Kòrsou i Sint
Maarten lo bira ménos sensitivo pa shòk’, asina Presidente di Centrale Bank van Curaçao en
Sint Maarten (CBCS), Richard Doornbosch, a trese padilanti den e Boletin Ekonómiko pa yüni 2024

No opstante, echo ta ku hopi bes e esfuersonan pa desaroyá un sektor nobo ta tarda
pa duna fruta. P’esei, miéntras nos ta sigui traha pa amplia e base di nos ekonomia, ta esensial
pa enfoká riba resilensia di sektor turístiko, ya ku aktualmente ta esei ta nos pilá ekonómiko.’

Vulnerabilidat pa shòk
Por lo general, Sint Maarten su ekonomia semper a dependé di turismo, miéntras ku Kòrsou su
ekonomia a bin dependé mas i mas di turismo den transkurso di e último dos dékadanan, segun
kontribushon di su pilánan ekonómiko anterior, manera sektor di refinashon i di servisio finansiero
internashonal, a bin ta mengua. ‘Un komparashon en grandes rasgos entre e ekonomianan den
Karibe ku ta dependé di turismo, inkluso Kòrsou i Sint Maarten, ta indiká ku, aparentemente, e echo
ku un ekonomia ta altamente spesialisá den turismo no ta bai kompañá nesesariamente ku un nivel
mas abou di prestashon ekonómiko. No opstante, tin indikashon ku kresementu di ekonomianan
ku ta dependé fuertemente di turismo ta fluktua ku mas frekuensia, debí ku nan ta mas vulnerabel
pa shòk’, Doornbosch a splika.
Pa definishon, e shòknan akí ta difísil di pronostiká i kontrolá. ‘Tin diferente otro shòk ku, maske
nan por laga di ta mes fuerte ku e pandemia di COVID-19, lo por afektá sektor di turismo riba
término kòrtiku i mediano’, Doornbosch a atvertí. ‘Un shòk asina por ta un oumento di inflashon
ku lo frena poder di kompra di e konsumidónan i redusí loke nan gasta na, por ehèmpel, restorant,
hotel i demas aktividat relashoná ku turismo. Tambe, e industria akí por ser afektá pa oumento
drástiko den preis di krudo riba merkado internashonal ku por hiba na oumento den kosto di
transporte, i pa interupshon den kadena di suministro ku por afektá disponibilidat di material, loke
na su turno por okashoná retraso den konstrukshon di infrastruktura relashoná ku turismo. Por
último, si desaster natural debí na kambio klimátiko bira mas frekuente i mas grave, esei tambe por
tin efekto devastador riba sektor di turismo’.

Maneho pa turismo sostenibel

Ku esei na mente, Doornbosch ta ofresé diferente rekomendashon pa hasi sektor di turismo mas

resiliente i sostenibel. ‘Pa por tin mas resilensia den turismo, dato, análisis i sifra indikadó ta

indispensabel. Na momento ku un shòk inesperá presentá, un aserkamentu basá riba evidensia i

dato ta krusial pa e aktornan prinsipal, manera gobièrnu i sektor empresarial, por tuma medida

efektivo. P’esei mes, e echo ku Kòrsou ta desaroyando ‘kuenta satélite di turismo’ (Tourism Satellite

Accounts) pa por midi impakto di turismo ta un desaroyo positivo. Mirando ku e frontera ku parti

franses di Sint Maarten ta un frontera habrí, Banko a kuminsá interkambiá informashon ku e

outoridatnan franses di e parti ei di e isla, pa por tin mihó análisis di e impakto di turismo riba

ekonomia di Sint Maarten.’

Diversifikashon di e merkadonan for di kua nos turistanan ta bini i di e servisionan ku nos ta ofresétambe por hasi turismo bira mas resiliente kontra shòk. Fuera di esei, e empresanan ku ta parti die kadena di suministro di turismo, spesialmente empresa chikitu i mediano, mester ta mihó ekipápa enfrentá shòk eksterno. E akshonnan di maneho ku mester tuma den e área akí, manera mehoráakseso na finansiamentu i redusí burokrasia i kosto atministrativo ta bon konosí. Otro manera ku eempresanan den e kadena di suministro di turismo por bira mas resiliente ta probechando mas die posibilidatnan ku digitalisashon ta ofresé. Den e kuadro akí, gobièrnu por hunga un papel komofasilitadó,’ Doornbosch a agregá.Por último, pa sektor di turismo por bira mas resiliente, mester atendé e defisiensianan ku tinaktualmente riba merkado laboral di Kòrsou i di Sint Maarten. Un di e karakterístikanan prinsipal diindustria di turismo ta ku e ta un sektor di trabou intensivo.

Pero pa por desaroyá i ofresé servisiokompetitivo, kalidat di rekurso humano ta un faktor indispensabel. ‘Algun di e retonan ku sektor diturismo ta enfrentando ta un falta di forsa laboral ku e preparashon nesesario, aktividat di negoshiinformal i e persepshon ku trabou den turismo ta generalmente temporal i mal pagá. Pa atendé kue retonan akí, gobièrnu i sektor empresarial lo mester traha huntu pa ofresé mas formashon di fishidirigí riba turismo i integrá turismo den kuríkulo di skol. Tambe, mester reevaluá e restrikshonnanku tin aktualmente pa entrada di trahadó for di estranheria. Ademas, mester bini ku kampaña padrecha imágen di sektor di turismo komo fuente di trabou’, segun Doornbosch.‘Ehekushon di un plan integral pa desaroyo di turismo ku partisipashon di tur e stakeholdernanprinsipal ta parse di ta e mihó ruta pa yega na un implementashon efektivo di tur e akshonnannesesario pa turismo por hasi un kontribushon sostenibel na ekonomia di Kòrsou i di Sint Maarten,generando asina kresementu inklusivo i prosperidat’, asina Doornbosch a konkluí.

E teksto kompleto di e Boletin Ekonómiko di yüni 2024 ta disponibel riba wèpsait di CBCS na
https://www.centralbank.cw/publications/economic-bulletins/2024.

Willemstad, 26 di yüni 2024
FUNETE:CENTRALE BANK VAN CURAÇAO EN SINT MAARTEN/LIVE99FM