SALUBRIDAT PÚBLIKO TA KONTENTU KU EKSITOSO KONFERENSIA ‘BON SALÚ’

Kralendijk, – Departamento di Salubridat Públiko ta kontentu ku e eksitoso konferensia ‘Bon Salú’ ku nan a organisá pa partnernan di kadena den kuido i bienestar na Boneiru. E konferensia a tuma lugá dia 4 i 5 di yüni 2024. Meta di e konferensia tabata pa pone énfasis riba importansia di un estilo di biba salú.

Un estilo di biba salú ta sòru pa prevenshon di malesa i ku malesanan ta bira ménos.

Na e konferensia e presentenan a para ketu na e pregunta tokante kiko siudadanonan tin mester pa krese i bira grandi na un manera salú. Tambe a bini dilanti kon importante ta ku diferente partido ta traha huntu pa stimulá un estilo di biba salú.

Ta importante ku polítikonan, gobernantenan i profeshonalnan den kuido i guianan ta traha huntu ku otro. Pa stimulá un estilo di biba salú, atenshon no mester ta dirigí solamente riba kada hende apart. Ta importante tambe pa dediká atenshon na ambiente di biba di e persona i di e komunidat.

Durante e konferensia a entregá e raportahe di salubridat 2019-2022 na diputado Nina den Heyer. Departamento di Salubridat Públiko ta formulá e raportahe ku echo i sifra tokante salú di nos poblashon.

FUENTE: OLB\LIVE99FM