PA YUDA MAYORNAN PAPIA KU NAN YUNAN TOKANTE RELASHON, SEKSUALIDAT I SALÚ SALÚ SIN MIEDU TA ORGANISÁ: WORKSHOP ‘MI YU, MI TAREA!’

Kralendijk,- Ta importante pa papia ku nos yunan tokante relashon, seksualidat i salú, pero e no ta fásil.

Hopi mayor i dunadó di kuido ta haña difísil pa determiná kon i ki ora nan mester trata e tópikonan aki ku nan yunan.

Pa brinda sosten den esaki, Fundashon Mariadal, den kolaborashon ku GGD Boneiru, Biblioteka Públiko Boneiru i EQ, ta organisá e workshop interaktivo ‘Mi yu, mi tarea!’ riba djarason 11 di novèmber 2026.

Partisipashon ta grátis. Nos yunan ta krese den un mundu kaminda nan ta haña nan mes kontinuamente konfrontá ku informashon tokante relashon, seksualidat i salú via medionan sosial, amigu i nan ambiente.

No ta tur informashon ta konfiabel òf adekuá pa nan edat. P’esei ta importante pa yunan sa ku nan por akudí na kas tambe ku nan preguntanan, dudanan i eksperensianan.

Durante e workshop, mayor- i dunadónan di kuido lo risibí konseho práktiko i instrumento pa yuda hiba kombersashon ku yunan di un manera habrí, respetuoso i den un ambiente di konfiansa.

Lo pone atenshon na kon pa krea un ambiente sigur, kaminda yunan ta sinti nan mes liber pa hasi pregunta i kompartí nan sintimentunan, sin miedu di ser husgá.

Ku e workshop aki, e organisashonnan kolaboradó ke sostené mayor- i dunadónan di kuido den e ròl importante ku nan ta hunga den edukashon i desaroyo saludabel di nan yunan.

Dor di papia tokante tópikonan difísil, mayornan por kontribuí na konfiansa den nan mes, nan kapasidat pa defendé nan mes i bienestar di nan yunan.

E workshop lo tuma lugá djarason 11 di novèmber 2026, di 18:00 pa 20:30, na Biblioteka Boneiru.

E workshop ta habrí pa tur mayor i dunadó di kuido ku ke haña mas konseho i instrumento pa hiba e kombersashonnan aki na kas.

FUENTE: FUNDASHON MARIADAL/LIVE99FM

NEDERLAND:

OM OUDERS TE HELPEN MET PRATEN OVER RELATIES, SEKSUALITEIT EN GEZONDHEID MET HUN KINDEREN SALÚ SIN MIEDU ORGANISEERT: WORKSHOP ‘MI YU, MI TAREA!’

Kralendijk,- Praten met kinderen over relaties, seksualiteit en gezondheid is belangrijk, maar niet altijd eenvoudig.

Veel ouders en verzorgers vinden het lastig om te bepalen hoe en wanneer zij deze onderwerpen bespreekbaar kunnen maken.

Om hen hierbij te ondersteunen, organiseert Fundashon Mariadal, in samenwerking met GGD Bonaire, Openbare Bibliotheek Boneiru en EQ, op woensdag 11 november 2026 de interactieve workshop ‘Mi yu, mi tarea!’.

Deelname is gratis. Kinderen groeien op in een wereld waarin zij via sociale media, vrienden en hun omgeving voortdurend in aanraking komen met informatie over relaties, seksualiteit en gezondheid.

Niet alle informatie is even betrouwbaar of passend bij hun leeftijd. Juist daarom is het belangrijk dat kinderen ook thuis terechtkunnen met hun vragen, twijfels en ervaringen.

Tijdens de workshop krijgen ouders en verzorgers praktische tips en handvatten om op een open, respectvolle en vertrouwde manier met hun kinderen in gesprek te gaan. Er wordt aandacht besteed aan het creëren van een veilige omgeving waarin kinderen zich vrij voelen om vragen te stellen en hun gevoelens te delen, zonder angst om veroordeeld te worden. Met deze workshop willen de samenwerkende organisaties ouders en verzorgers ondersteunen in hun belangrijke rol bij de opvoeding en de gezonde ontwikkeling van hun kinderen. Door moeilijke onderwerpen bespreekbaar te maken, kunnen ouders bijdragen aan het zelfvertrouwen, de weerbaarheid en het welzijn van hun kinderen. De workshop vindt plaats op woensdag 11 november 2026, van 18:00 tot 20:30 uur, in Bibliotheek Bonaire. Deelname is gratis en staat open voor ouders en verzorgers die meer handvatten willen om deze gesprekken thuis te voeren.