BONEIRU TA STIMULÁ PA ANDA NA UN MANERA KONSIENTE I RESPONSABEL KU INFORMASHON

Kralendijk –For di 24 te ku 31 di òktober mundialmente e Global Media and Information Literacy Week (Siman Mundial di Abilidat relashoná ku Medionan di Komunikashon i Informashon) ta tuma lugá. E siman akí ta pone énfasis riba importansia di e abilidatnan ku hende tin mester pa haña, evaluá i komprendé informashon, i kompartí esaki na un manera responsabel.

Den un tempu kaminda informashon ta plama rápidamente pa medio di medionan sosial i plataformanan digital, ta importante pa kontrolá fuente i hasi distinshon entre echo, opinion i informashon engañoso. Pa e motibu akí Entidat Públiko Boneiru ta enkurashá habitantenan pa pensa na un manera krítiko promé ku nan kompartí mensahe.

Informashon konfiabel mester ta komprendibel i aksesibel tambe pa tur hende. Komunikashon multilingual, entre otro komunikashon na papiamentu, ta kontribuí na un situashon kaminda habitantenan por partisipá na e kòmbersashon públiko.

“Tur hende ta hunga un ròl den kombatimentu di informashon engañoso. Pa medio di kontrolá fuente, pensa na un manera krítiko i kompartí informashon na un manera responsabel, nos ta fortifiká konfiansa i konektividat den nos komunidat”, segun diputado di Komunidat i Kuido Timoteo Silberie.

Den esaki skolnan, organisashonnan kultural, organisashonnan di hóben i medionan di komunikashon por hunga un ròl importante. Nan por sostené habitantenan na momentu di desaroyá abilidat digital, pensa na un manera krítiko i hasi uso responsabel di medionan di komunikashon.

Kontrolá e fuente. Pensa na un manera krítiko. Kompartí na un manera responsabel. Huntu nos ta edifiká un Boneiru bon informá i konektá. 

FUENTE: OLB/LIVE99FM

NEDERLAND:

BONAIRE STIMULEERT BEWUST EN VERANTWOORD OMGAAN MET INFORMATIE

Kralendijk – Van 24 tot en met 31 oktober wordt wereldwijd de Global Media and Information Literacy Week gehouden. Deze week benadrukt het belang van vaardigheden waarmee mensen informatie kunnen vinden, beoordelen, begrijpen en verantwoord delen.

In een tijd waarin informatie zich snel verspreidt via sociale media en digitale platforms, is het belangrijk om bronnen te controleren en onderscheid te maken tussen feiten, meningen en misleidende informatie. Het Openbaar Lichaam Bonaire moedigt inwoners daarom aan om kritisch na te denken voordat zij berichten delen.

Ook moet betrouwbare informatie voor iedereen begrijpelijk en toegankelijk zijn. Meertalige communicatie, waaronder communicatie in het Papiamentu, draagt eraan bij dat meer inwoners kunnen deelnemen aan het publieke gesprek.

Gedeputeerde van Samenleving en Zorg Timoteo Silberie: “Iedereen speelt een rol bij het tegengaan van misleidende informatie. Door bronnen te controleren, kritisch na te denken en informatie verantwoord te delen, versterken wij het vertrouwen en de verbondenheid binnen onze gemeenschap.”

Scholen, bibliotheken, culturele organisaties, jongerenorganisaties en media kunnen hierbij een belangrijke rol vervullen. Zij kunnen inwoners ondersteunen bij het ontwikkelen van digitale vaardigheden, kritisch denken en verantwoord mediagebruik.

Controleer de bron. Denk kritisch. Deel verantwoordelijk. Samen bouwen wij aan een goed geïnformeerd en verbonden Bonaire.