HULANDA: DIES TIM DI DISEÑO SELEKTÁ PA DISEÑÁ MUSEO NASHONAL DI SKLABITUT 

Amsterdam, – Un hurado independiente a selektá na nòmber di munisipio di Amsterdam, dies tim diseñadó pa e siguiente fase di premio internashonal di arkitektura pa e Museo Nashonal di Sklaibitut. A skohe e timnan for di un gran kantidat di kontribushon nashonal i internashonal. Ku esaki e promé fase di e kompetensia a terminá. 

Konsehal Touria Meliani (Arte i Kultura): “Ku selekshon di dies tim di diseño e Museo Nashonal di Sklabitut ta yega un paso mas serka. E museo lo bira un lugá kaminda storianan ku a keda supeksponé pa muchu tempu ta bira visibel, kaminda tin lugá pa rekonosementu, enkuentro i kombersashon, i kaminda hende por reflehá huntu riba un pasado kompartí ku ta funshoná ainda den presente. Mi ta satisfecho ku selekshon kuidadoso di e hurado i mi ta gradisí nan pa nan esfuersonan. Debí na e kombinashon riku di disiplina i perspektiva den e tim, mi ta konfia ku nos por sigui den e proseso pa hasi e museo aki un lugá ku ta hasi hustisia na pasado i ta signifikativo pa tur hende.”

Selekshon di hurado
E hurado presidí pa arkitekto di Estado, Francesco Veenstra a evaluá kontribushonnan pa entre otro: kalidat di diseño (proyekto di referensia), motivashon, koperashon, relevansia sosial i e manera ku timnan di diseño ta trata e nifikashon di pasado di sklabitut i su impakto riba e presente. Ademas, a analisá eksplísitamente e diversidat den e komposishon di e timnan, inkluyendo e perspektivanan salí di Sürnam i Karibe. E hurado a yega unánimamente na un selekshon di e dies timnan ku lo partisipa.  

Den e siguiente fase di e konkurso 
E dies timnan selektá lo traha riba nan vishon pa e edifisio di museo i parke na Kop van Java-eiland na Amsterdam. E enfoke no ta solamente riba e kalidat arkitektóniko i e koherensia espasial, pero tambe riba e importansia sosial di e museo i e forma ku ta duna lugá pa polifonia, enkuentro i reflekshon. 
 E mesun hurado independiente lo evaluá e kontribushonnan. Na final, lo selektá te ku sinku tim pa e fase di diseño. 

E sinku diseñonan aki tambe ta ser presentá na públiko den un eksposishon, pa e residentenan, esnan konserní i esnan interesá por tuma nota di e proposishonnan, diskutí nan entre nan i duna nan punto di bista.  

E timnan di diseño selektá (orden alfabétiko) 

2. Tim Blues Before Sunrise: Andrew Groarke, Fiona Kydd, Steve Rodney McQueen, Guillaume Schmidt, Karin Amatmoekrim, Barend Koolhaas
3. Tim BMGHK: David Kohn, Johanna Gibbons, Germane Barnes, Rosemarijn Hoefte, Ibrahim Mahama
4. Tim Collective Refraction: Inez Tan, Aura Luz Melis, Afaina de Jong, Stephanie Archangel, Mae-ling Lokko
5. Tim Home: Kunlé Adeyemi, Walter Hood, Stephen Small, Janice Deul, Julie Cook
6. Tim Inheritance/Erfenis: Mariam Issoufou, Justine Miething, Tigran Kostyantyn, Zahra’a Nasralla, Fatima Adam, Neo Maditla
7. Tim JA Projects: Jayden Ali, Bas Smets, Timoteus Anggawan Kusno, Mpho Matsipa-Okoye, Yanique Hurrie
8. Tim Loango Voices: Tania Concko, Tilman Latz, Iris Dupper, Françoise N’Thépé, Tinde van Andle, Raoul de Jong
9. Tim MASS SeARCH: Christian Benimana, Sierra Bainbridge, Kathrin Hanf, Arjan Braaksma, Alan Ricks
10. Tim NEW SOUTH: Meriem Chabani, Soline Portmann, Gloria Wekker, Yassine Ben Abdallah
11. Tim Our Voices: Lyongo Juliana, Adriaan Geuze, Ali Mangera, Frederik Vermeesch, Rose Mary Allen

Mas informashon 
Mas informashon tokante e konkurso internashonal di arkitektura pa Museo Nashonal di Sklabitut por wòrdu hañá na: https://www.amsterdam.nl/prijsvraag-nationaal-slavernijmuseum/ 

FUENTE: BESTUURSVOORLICHTING