BUKI QUINGO FLAMINGO A BAI SKOL

Elsmarie Beukenboom i Delno Tromp ku a publiká e buki Quingo Flamingo resientemente a bishitá tur skol básiko. 

Aki e outornan a entregá nan buki pa den klas i pa den biblioteka.  

E buki ta na e idiomanan papiamentu, ingles i hulandes. Esnan ku a risibí e eskritornan a keda hopi kontentu ku e regalo.  

Asina skol por tin mas buki pa lesa un maestro a ekspresá. Pasobra e buki ta den mas idioma por us’e den lès di idioma tambe un otro ta bisa.  

E buki Quingo Flamingo ku a keda finansiá pa Cargill Bonaire ta un seri di 4 buki.  

Manera logra finansiamentu e eskritornan lo publiká e otro 3 bukinan.  

Tur e bukinan lo ta tokante bestia den nos naturalesa i nan lo ta pa mucha di skol básiko. 

FUENTE: DELNO L. A. TROMP/LIVE99FM