DCMH TA PRESENTÁ BISTA REGIONAL KONHUNTO DI KUIDO PA SALÚ MENTAL PA PARTI KARIBENSE DI REINO

Kralendijk / Oranjestad / Willemstad / Philipsburg /,- Ku e Regiobeeld GGZ Caribisch Gebied 2024, e federashon Dutch Caribbean Mental Health (DCMH) ta duna pa promé bia un bista konhunto di kuido di salú mental di den e region.

Ku e komunikado di prensa akí, nos ke kompartí e rapòrt ku e resultadonan di e investigashon akí.

E análisis ta mustra ku rekoudashon di dato kolaborativo ta posibel i ta duna bista balioso pa maneho i práktika. Apesar di diferensianan den registrashon i kobertura, a pone un fundeshi sólido pa monitoreo struktural di kuido di salú mental riba e islanan.

Resultadonan klave:

• Na 2024, a kolektá dato di kasi 8.400 kliente, repartí riba sinku isla i sinku instansia.
• Hende muhé ta forma 56% di e klientenan.
• 30% ta bou di 25 aña di edat i 30% ta riba 55 aña di edat.
• E diagnósisnan mas komun ta trastornonan sikótiko (p.e., skitsofrenia), siguí pa trastornonan depresivo, trastornonan neurodesaroyo, trastornonan relashoná ku trouma i strès.

E resultadonan ta enfatisá e importansia di kolaborashon kontinuo, mehorashon di kalidat di dato, i maneho ku ta atendé e nesesidatnan spesífiko di e poblashon di Karibe.

Instansianan partisipante

Sinku instituto di kuido mental a kontribuí na e mónitòr regional:

• Fundacion Salud Mental Aruba Respaldo (Aruba)
• Stichting Geestelijke Gezondheidszorg Curaçao (GGZ Curaçao)
• Stichting Opvangtehuis Brasami (Verslavingskliniek Brasami)
• Fundashon Perspektiva i Sosten Integral (PSI) – Skuchami (Kuido di Salú Mental Ambulatorio)
• Mental Health Caribbean (MHC)(islanan BES)

E rapòrt ta representá un paso importante pa un sistema sostenibel pa rekohé dato i desaroyo di polítika denter di kuido di salú mental den Karibe. E ta promové kolaborashon entre institutonan, stipuladónan di maneho, i profeshonalnan di kuido di salú pa traha huntu pa un Reino Karibense mas salú i resiliente.

Klek riba e lenk akí pa lesa e relato kompletu.

FUENTE: MHC/LIVE99FM