BONEIRU TA ATENDÉ KU FOKONAN DI KANDELA NA LÈNTFEL LAGUN

Kralendijk – E siman akí Entidat Públiko Boneiru a kuminsá atendé ku e fokonan di kandela na lèntfel Lagun. Esaki ta tuma lugá huntu ku Selibon i Afvalzorg.

E fokonan di kandela ta bou di tera i nan a resta despues di e kandelanan grandi di e último lunanan.

Aunke e kandelanan akí ta chikitu awor akí, tòg Entidat Públiko Boneiru ta atendé mesora ku nan. Di e manera akí Entidat Públiko Boneiru ke logra pa e situashon na e lèntfel ta seif i bou di kontròl atrobe. Despues di esei por sigui traha riba mehorashon di maneho di e sitio pa depositá sushi.

A kompartí informashon ku e bisindario

Dia 24 di yüni 2025 tabatin un enkuentro (un asina yamá ‘townhall meeting’) kaminda nan a duna splikashon di e plan na habitantenan di e bisindario i otro interesadonan. Durante e enkuentro akí e hendenan a haña informashon klarito i aktual tokante e trabounan planiá. Tambe nan por a hasi pregunta.

Traha na un manera seif

Durante un kontròl anterior, nan a haña mas òf ménos 15 foko di kandela. Nan a investigá esakinan ku midimentu di temperatura i kámara infrakòrá. Asina nan sa eksaktamente na unda e kandelanan ta i kon grandi nan ta.

Nan ta atendé na un manera seif i trankil ku e fokonan di kandela, i nan ta traha solamente entre 8 or di mainta i 3 or di tramèrdia. Di e manera akí tin ménos molèster posibel pa e bisindario.

E trabounan ta kuminsá na e parti kaminda tin konstrukshon i paso pa paso nan ta bai den direkshon di entrada di e lèntfel. E sistema di atendé ku e kandelanan ta konsistí di koba, paga dirigí ku awa i tapa e sitionan ku greis. E método akí ta sòru pa e riesgonan keda chikitu.

Entidat Públiko Boneiru ta traha tambe riba un mihó prosesamentu di shushi

Banda di pagamentu di e fokonan di kandela, Entidat Públiko Boneiru ta trahando tambe riba mehorashonnan permanente den maneho di shushi. Di e manera akí nan ke evitá kandela nobo den futuro. Ta bini mas atenshon pa prosesamentu rápido òf almasenamentu seif di desperdisio peligroso, manera tayer i plèstik.

Tin molèster? Tuma kontakto

Hendenan ku durante e trabounan tin molèster di huma, holó òf algu otro, por tuma kontakto ku Entidat Públiko Boneiru. Number di telefòn: +599 717 8580

FUENTE: OLB/LIVE99FM

NEDERLANDS:

BONAIRE PAKT BRANDHAARDEN OP STORTPLAATS LAGUN AAN

Kralendijk -Het Openbaar Lichaam Bonaire (OLB) is deze week begonnen met het aanpakken van brandhaarden op de stortplaats Lagun. Dit gebeurt samen met Selibon en Afvalzorg.

De brandhaarden zitten onder de grond en zijn overgebleven na de grote branden van de afgelopen maanden.

Hoewel deze branden nu klein zijn, pakt het OLB ze toch meteen aan. Zo wil het OLB de situatie op de stortplaats weer veilig en onder controle krijgen. Daarna kan er verder gewerkt worden aan het verbeteren van het beheer van de stortplaats.

Informatie gedeeld met de buurt

Op 24 juni 2025 was er een bijeenkomst (townhall meeting) waar het plan is toegelicht aan de buurtbewoners en andere belanghebbenden. Tijdens deze bijeenkomst kregen mensen duidelijke en actuele informatie over de geplande werkzaamheden. Ook konden zij vragen stellen.

Werken op een veilige manier

Bij een eerdere controle zijn ongeveer 15 brandhaarden gevonden. Die zijn onderzocht met temperatuurmetingen en infraroodcamera’s. Zo weet men precies waar ze zitten en hoe groot ze zijn.

De brandhaarden worden op een veilige en rustige manier aangepakt. Er wordt alleen gewerkt tussen 08:00 en 15:00 uur. Zo is er zo min mogelijk overlast voor de omgeving.

De werkzaamheden beginnen aan de kant van de bebouwing en gaan stap voor stap naar de ingang van de stortplaats. De aanpak bestaat uit graven, gericht blussen met water en het afdekken van de plekken met diabaas (een soort steen). Deze methode zorgt ervoor dat de risico’s klein blijven.

OLB werkt ook aan betere afvalverwerking

Naast het blussen van de brandhaarden, werkt het OLB ook aan blijvende verbeteringen in het afvalbeheer. Zo wil men in de toekomst nieuwe branden voorkomen. Er komt meer aandacht voor het snel verwerken of veilig opslaan van gevaarlijk afval, zoals banden en plastic.

Overlast? Neem contact op

Mensen die tijdens de werkzaamheden last hebben van rook, geur of iets anders, kunnen contact opnemen met het OLB. Telefoonnummer: +599 717 8580