WAF DI PISKADÓ NA PLAYA PABOU FINALISÁ I ENTREGÁ NA GOBIERNU DI BONEIRU

Kralendijk – Despues di ocho luna di trabou, proyekto di restourashon di Waf di Piskadó na Playa Pabou a keda finalisá i entregá na Gobiernu di Boneiru. E siman aki a pone e último plankinan di palu riba e pir, markando final di un proyekto ku tin komo meta pa brinda mas seguridat, durabilidat i fasilidat pa piskadónan i otro usuarionan di laman.

E proyekto a kuminsá na kuminsamentu di aña, ku e planifikashon pa finalisá e trabounan den seis luna. Debí na diferente trabou adishonal ku a surgi durante e proseso i e tempu di entrega di materialnan spesialisá, e proyekto a tuma dos luna mas ku e planifikashon original, loke a trese e durashon total na ocho luna.

Durante e trabounan, a kita e dèk di palu i desmantelá e konstrukshon di heru. A prepará i mehorá e stakanan, pa por a instalá un herante nobo di heru i pone un dèk nobo di palu, ku ta inkluí plankinan movibel ku por kita durante kondishonnan di mal tempu.

Diputado di Planifikashon i Desaroyo, sr. Dennis Martinus, a ekspresá ku Gobiernu di Boneiru ta sumamente kontentu ku por a kompletá un proyekto mas, dirigí spesífikamente na benefisio di piskadónan di Boneiru. Segun Diputado Martinus, piskadónan ta hunga un ròl sumamente importante den nos komunidat, spesialmente pa nan kontribushon na suministro di kuminda lokal. “Kolegio Ehekutivo ta sostené e trabou ku e piskadónan ta hasi. P’esei nos ta invertí tempu i dedikashon pa garantisá ku nan tin bon fasilidat pa por sigui hasi nan trabou”, segun diputado Dennis Martinus.

Ku e proyekto aki, Gobiernu di Boneiru ta mustra su sosten pa e sektor di peska i ta rekonosé e kontribushon diario di piskadónan na nos komunidat.

Presidente di Piskabon, sr. Ernest de Lanooy, a ekspresá su satisfakshon ku a kompletá e proyekto i a indiká ku e pir nobo lo alivia i fasilitá e trabou diario di e piskadónan. E piskadónan ta sali tur dia bai laman pa buska nan pan di kada dia, i pa nan ta sumamente importante pa tin un pir bon, sigur i adekuá kaminda nan por mara nan boto i hasi nan trabou. De Lanooy a resaltá ku loke ta importante ta ku e waf ta operashonal i ku boto por mara na e pir. Piskabon ta sumamente agradesí na tur persona i organisashon ku a kontribuí na e proyekto.

Segun sr. Ligwino (Gino) Leito, Direktor Interino di Planifikashon i Desaroyo, entrega di Waf di Piskadó ta un “milestone” pa Direktorado di Planifikashon i Desaroyo. E proyekto ta representá resultado di un proseso di trabou, koordinashon i kolaborashon pa mehorá e infrastruktura i fasilidatnan destiná pa piskadónan di Boneiru.

Ademas di e trabounan di konstrukshon, e siguiente paso ta koordinashon pa fasilidatnan di lus i awa, ku mester realisá den konsulta ku Piskabon. Tambe lo elaborá un maneho pa uso di e pir, ku lo duna mas klaridat tokante organisashon i uso di e infrastruktura, ku atenshon spesial na nesesidat di e piskadónan i otro usuarionan di laman. E meta ta pa hasi e pir mas práktiko, organisá i adekuá pa tur su usuarionan.

E mantenenshon i restourashon di Waf di Piskadó na Playa Pabou ta resultado di un kolaborashon entre Entidat Públiko Boneiru, Rijkswaterstaat, Piskabon, Streefkerk, STINAPA i Havenmeester. Ku e proyekto finalisá i entregá na Gobiernu di Boneiru, e partnernan a kontribuí na un infrastruktura ku ta destiná pa sigui sirbi piskadónan, usuarionan di laman i komunidat di Boneiru durante hopi aña.

FUENTE: OLB/LIVE99FM

NEDERLAND:

VISSERSPIER BIJ PLAYA PABOU AFGEROND EN OVERGEDRAGEN AAN HET OPENBAAR LICHAAM BONAIRE

Kralendijk – Na acht maanden werkzaamheden is het restauratieproject van de visserspier bij Playa Pabou afgerond en overgedragen aan het Openbaar Lichaam Bonaire. Deze week zijn de laatste houten planken op de pier geplaatst. Daarmee is een project voltooid dat als doel heeft de veiligheid, duurzaamheid en voorzieningen voor vissers en andere gebruikers van de zee te verbeteren.

Het project ging aan het begin van dit jaar van start, met als oorspronkelijke planning om de werkzaamheden binnen zes maanden af te ronden. Door verschillende aanvullende werkzaamheden die tijdens het project noodzakelijk bleken en de levertijd van gespecialiseerde materialen, heeft het project twee maanden langer geduurd dan oorspronkelijk gepland. Daarmee kwam de totale projectduur uit op acht maanden.

Tijdens de werkzaamheden is het houten dek verwijderd en is de bestaande staalconstructie ontmanteld. De palen zijn voorbereid en verbeterd, waarna een nieuw stalen frame kon worden geïnstalleerd en een nieuw houten dek is aangebracht. Dit dek bestaat onder andere uit verwijderbare houten planken die bij slechte weersomstandigheden kunnen worden weggehaald.

Gedeputeerde van Ruimtelijke Ordening en Ontwikkeling, de heer Dennis Martinus, sprak zijn tevredenheid uit over het feit dat het Openbaar Lichaam Bonaire opnieuw een project heeft kunnen afronden dat specifiek ten goede komt aan de vissers van Bonaire. Volgens gedeputeerde Martinus spelen vissers een zeer belangrijke rol binnen onze gemeenschap, met name door hun bijdrage aan de lokale voedselvoorziening. “Het Bestuurscollege ondersteunt het werk dat de vissers doen. Daarom investeren wij tijd en aandacht om ervoor te zorgen dat zij over goede voorzieningen beschikken om hun werk voort te kunnen zetten”, aldus gedeputeerde Dennis Martinus.

Met dit project laat het Openbaar Lichaam Bonaire zien dat het de visserijsector ondersteunt en de dagelijkse bijdrage van vissers aan onze gemeenschap erkent.

De voorzitter van Piskabon, de heer Ernest de Lanooy, sprak eveneens zijn tevredenheid uit over de afronding van het project. Volgens hem zal de vernieuwde pier het dagelijkse werk van de vissers verlichten en vergemakkelijken. De vissers gaan iedere dag de zee op om in hun dagelijks levensonderhoud te voorzien. Daarom is het voor hen van groot belang dat er een goede, veilige en geschikte pier is waar zij hun boten kunnen aanleggen en hun werkzaamheden kunnen uitvoeren. De Lanooy benadrukte dat het belangrijkste is dat de pier operationeel is en dat boten er kunnen aanmeren.

Volgens de heer Ligwino (Gino) Leito, interim-directeur van Ruimtelijke Ordening en Ontwikkeling, is de oplevering van de visserspier een belangrijke mijlpaal voor het Directoraat Ruimtelijke Ordening en Ontwikkeling. Het project is het resultaat van een proces van

samenwerking, coördinatie en inzet om de infrastructuur en voorzieningen voor de vissers van Bonaire te verbeteren.

Naast de uitgevoerde constructiewerkzaamheden is de volgende stap de coördinatie van de voorzieningen voor elektriciteit en water. Dit zal in overleg met Piskabon worden gerealiseerd. Ook wordt een beheersplan voor het gebruik van de pier opgesteld. Dit plan moet duidelijkheid bieden over de organisatie en het gebruik van de infrastructuur, met bijzondere aandacht voor de behoeften van vissers en andere gebruikers van de zee. Het doel is om de pier zo praktisch, goed georganiseerd en geschikt mogelijk te maken voor alle gebruikers.

Het onderhoud en de restauratie van de visserspier bij Playa Pabou zijn het resultaat van een samenwerking tussen het Openbaar Lichaam Bonaire, Rijkswaterstaat, Piskabon, Streefkerk, STINAPA en de Havenmeester. Met de afronding en overdracht van het project aan het Openbaar Lichaam Bonaire hebben de betrokken partners bijgedragen aan een infrastructuur die bedoeld is om vissers, andere gebruikers van de zee en de gemeenschap van Bonaire nog vele jaren van dienst te zijn.