BONEIRU TA PARTISIPÁ NA KUMBRE DI KLIMA PA STIMULÁ KONSTRUKSHON SOSTENIBEL I NATURALESA INKLUSIVO

Kralendijk – Dia 4 i 5 di novèmber 2026 Entidat Públiko Boneiru ta partisipá na e kumbre di klima ‘Gebouwde Omgeving 2026’. Durante e enkuentro akí gobièrnunan, institutonan di konosementu i profeshonalnan ta bini huntu pa interkambiá konosementu i eksperensia tokante temanan manera konstrukshon sostenibel, adaptashon na klima, desaroyo naturalesa inklusivo i un ambiente di biba resiliente pa futuro.

Na nòmber di Boneiru, Carlos J.J. Pourier, konsehero di maneho Ordenamentu Teritorial i Bibienda Popular na Entidat Públiko Boneiru, ta bai partisipá na e kumbre. Pa medio di e partisipashon akí Boneiru ke optené konosementu tokante desaroyonan inovativo i bon ehèmpelnan di práktika riba tereno di konstrukshon naturalesa inklusivo i sostenibel. E konosementu akumulá por kontribuí na desaroyo mas aleu di maneho i proyektonan ku ta enfoká riba un strukturashon sostenibel i resiliente pa klima di nos isla.

Banda di esaki e kumbre di klima ta brinda oportunidat pa establesé kontakto i traha huntu ku organisashonnan i ekspertonan den Reino Hulandes ku ta okupá nan mes ku desafionan teritorial i sosial similar.

Ku su partisipashon Entidat Públiko Boneiru ta suprayá importansia di konstrukshon responsabel i sostenibel. Boneiru ke stimulá kompanianan lokal di konstrukshon, desaroyadónan i otro partidonan envolví pa kada bes dediká mas atenshon na sostenibilidat, resiliensia pa klima i konservashon di balornan natural na momentu di  desaroyonan nobo.

Entidat Públiko Boneiru ta mira konstrukshon sostenibel i naturalesa inklusivo komo un kondishon esensial pa un Boneiru resiliente pa futuro. E partisipashon na e kumbre di klima ‘Gebouwde Omgeving 2026’ ta brinda un oportunidat balioso pa optené konosementu nobo i tradusí esaki den práktika na nos isla, huntu ku kompanianan lokal di konstrukshon, desaroyadónan i otro partnernan. Di e manera akí por traha riba un espasio ku konstrukshon ku no solamente ta reakshoná riba e desafionan di kambio klimatológiko, sino ku ta kontribuí tambe na kalidat di bida, biodiversidat i desaroyo sostenibel di Boneiru.

Despues ku e kumbre di klima finalisá lo kompartí e konosementu i eksperensianan mas prinsipal den e organisashon i ku e stakeholdernan relevante na Boneiru.

FUENTE: OLB/LIVE99FM

NEDERLAND:

BONAIRE NEEMT DEEL AAN KLIMAATTOP OM DUURZAAM EN NATUURINCLUSIEF BOUWEN TE STIMULEREN

Kralendijk – Op 4 en 5 november 2026 neemt het Openbaar Lichaam Bonaire deel aan de Klimaattop Gebouwde Omgeving 2026. Tijdens deze bijeenkomst komen overheden, kennisinstellingen en professionals samen om kennis en ervaringen uit te wisselen over thema’s als duurzaam bouwen, klimaatadaptatie, natuurinclusieve ontwikkeling en een toekomstbestendige leefomgeving.

Namens Bonaire zal Carlos J.J. Pourier, Beleidsadviseur Ruimtelijke Ordening en Volkshuisvesting bij het Openbaar Lichaam Bonaire, deelnemen aan de top. Door deelname wil Bonaire kennis opdoen van innovatieve ontwikkelingen en goede praktijkvoorbeelden op het gebied van natuurinclusief en duurzaam bouwen. De opgedane inzichten kunnen bijdragen aan de verdere ontwikkeling van beleid en projecten die gericht zijn op een duurzame en klimaatbestendige inrichting van het eiland.

Daarnaast biedt de klimaattop de mogelijkheid om contacten te leggen en samen te werken met organisaties en deskundigen binnen het Koninkrijk die zich bezighouden met vergelijkbare ruimtelijke en maatschappelijke uitdagingen.

Met de deelname benadrukt het Openbaar Lichaam Bonaire het belang van duurzaam en verantwoord bouwen. Bonaire wil lokale bouwbedrijven, ontwikkelaars en andere betrokken partijen stimuleren om bij nieuwe ontwikkelingen steeds meer aandacht te besteden aan duurzaamheid, klimaatbestendigheid en het behoud van natuurlijke waarden.

Het Openbaar Lichaam Bonaire ziet natuurinclusief en duurzaam bouwen als een belangrijke voorwaarde voor een toekomstbestendig Bonaire. De deelname aan de Klimaattop Gebouwde Omgeving 2026 biedt een waardevolle kans om nieuwe kennis op te doen en deze te vertalen naar de praktijk op het eiland, samen met lokale bouwbedrijven, ontwikkelaars en andere partners. Op die manier kan worden gewerkt aan een gebouwde omgeving die niet alleen inspeelt op de uitdagingen van klimaatverandering, maar ook bijdraagt aan de leefbaarheid, biodiversiteit en duurzame ontwikkeling van Bonaire.

Na afloop van de klimaattop zullen de belangrijkste inzichten en ervaringen worden gedeeld binnen de organisatie en met relevante stakeholders op Bonaire.