PREPARASHON PA ATAKE SIBERNÉTIKO TABATA SENTRAL DURANTE E EKSITOSO DI SINKU EDISHON DI .BQ CYBERSECURITY CONVENTION

Kralendijk – For di djárason 28 te ku djabièrnè 30 di òktober 2026, a tuma lugá e di sinku edishon di .BQ Cybersecurity Convention na Boneiru. Durante tres dia di enkuentro, profeshonalnan di seguridat sibernétiko i representante di diferente organisashon a interkambiá konosementu i eksperensia tokante seguridat digital i kriminalidat sibernétiko. Sentral tabata kon organisashonnan por protehá nan mes mihó kontra menasa digital i kon nan por traha huntu ora un insidente sibernétiko presentá.

Seguridat digital ta importante pa tur hende. Por ehèmpel, un atake sibernétiko por tin konsekuensia pa tráfiko di pago, e prestashon di servisio di organisashonnan i protekshon di datonan personal. Pa medio di kompartí konosementu i práktika huntu, organisashonnan por prepará mihó pa e tipo di situashonnan aki i limitá e posibel konsekuensianan pa habitantenan.

Tres dia di kompartí konosementu i traha konhunto

E enkuentro a ranka sali djárason 28 di òktober ku diferente aktividat den e kuadro aki, entre otro seshon di konosementu di ‘Nationaal Cyber Security Centrum’ (NCSC) i e ‘Capture the Flag-challenge’. A konkluí e dia ku un ‘sunsetborrel’, di kua e partisipantenan a haña oportunidat pa forma kontakto i interkambiá eksperensia.

Djaweps 29 di òktober tabata den kuadro di e enfoke stratégiko di seguridat sibernétiko. Ministerio di Asuntunan Interno i Relashonnan den Reino (BZK) a organisá e programa. E partisipantenan a partisipá na un asina yamá ‘tabletop-oefening’ bou di guia di e kompania di seguridat sibernétiko ‘Northwave’. Durante esaki a simulá un insidente sibernétiko i e partisipantenan mester a determiná huntu kiko ta e medidanan nesesario pa atendé e situashon. A práktika entre otro toma di desishon, komunikashon durante krísis i kolaborashon entre organisashonnan. E práktika aki a demostrá klaramente kon fundamental un bon preparashon, ròl di krísis i kolaborashon mutuo ta ora di atendé insidentenan sibernétiko.

Djabièrnè 30 di òktober énfasis tabata riba e parti tékniko di seguridat sibernétiko. Diferente eksperto a sòru pa presentashon, tayer i demonstrashon tokante menasa digital i medidanan di seguridat aktual. Durante e dia aki, tópikonan manera ‘hacking’ étiko, detektá punto debil den sistemanan digital i e kombatimentu di kriminalidat sibernétiko, a bini na diskushon.

Dos studiante di MBO a gana e ‘Capture the Flag-challenge’

Un parti spesial di e enkuentro tabata e partisipashon di dies studiante lokal di MBO di e estudio di ICT. Huntu ku nan dosente nan a tuma parti na e ‘Capture the Flag-challenge’, un kompetensia tékniko di kua e partisipantenan mester a solushoná diferente enkargo riba tereno di ICT i seguridat sibernétiko.

Dos studiante a gana e reto aki. Un bunita logro ku ta demostrá ku Boneiru tin talento hóben riba tereno di ICT i seguridat digital. E partisipashon a ofresé e studiantenan ademas e oportunidat pa apliká nan konosementu den práktika i akumulá eksperensia ku seguridat sibernétiko.

Traha huntu na seguridat digital

E .BQ Cybersecurity Convention ta un kolaborashon entre Kuerpo Polisial Hulanda Karibense (KPCN), Maduro & Curiel’s Bank Bonaire (MCB Bonaire), Ministerio di Asuntunan Interno i Relashonnan den Reino (BZK) i ‘Nationaal Cyber Security Centrum’ (NCSC).

Ku e enkuentro aki, partnernan ke oumentá e konsientisashon tokante menasa digital i fortifiká e kolaborashon entre diferente organisashon. Un bon preparashon i kolaborashon ta fundamental pa atendé insidentenan sibernétiko di un forma efektivo i limitá e konsekuensianan pa komunidat  mas tantu posibel

FUENTE: KPCN/LIVE99FM

NEDERLAND:

VOORBEREIDING OP CYBERAANVALLEN CENTRAAL TIJDENS SUCCESVOLLE VIJFDE EDITIE VAN DE .BQ CYBERSECURITY CONVENTION

Kralendijk – Van woensdag 28 tot en met vrijdag 30 oktober 2026 vond de vijfde editie van de .BQ Cybersecurity Convention plaats op Bonaire. Tijdens deze driedaagse bijeenkomst wisselden cybersecurityprofessionals en vertegenwoordigers van verschillende organisaties kennis en ervaringen uit over digitale veiligheid en cybercriminaliteit. Centraal stond hoe organisaties zich beter kunnen beschermen tegen digitale dreigingen en hoe zij kunnen samenwerken wanneer zich een cyberincident voordoet.

Digitale veiligheid is belangrijk voor iedereen. Een cyberaanval kan bijvoorbeeld gevolgen hebben voor het betalingsverkeer, de dienstverlening van organisaties en de bescherming van persoonsgegevens. Door kennis te delen en gezamenlijk te oefenen, kunnen organisaties zich beter voorbereiden op dergelijke situaties en de mogelijke gevolgen voor inwoners beperken.

Drie dagen kennisdeling en samenwerking

De convention ging op woensdag 28 oktober van start met verschillende nevenactiviteiten, waaronder kennissessies van het Nationaal Cyber Security Centrum (NCSC) en de Capture the Flag-challenge. De deelnemers sloten de dag af met een sunsetborrel, waar zij de gelegenheid kregen om contacten te leggen en ervaringen uit te wisselen.

Donderdag 29 oktober stond in het teken van de strategische aanpak van cybersecurity. Het ministerie van Binnenlandse Zaken en Koninkrijksrelaties (BZK) organiseerde het programma. Onder begeleiding van cybersecuritybedrijf Northwave namen deelnemers deel aan een zogenoemde tabletop-oefening. Tijdens deze oefening simuleerden zij een cyberincident en bepaalden zij gezamenlijk welke maatregelen nodig waren om de situatie aan te pakken. De deelnemers oefenden onder meer met besluitvorming, crisiscommunicatie en samenwerking tussen organisaties. De oefening maakte duidelijk hoe belangrijk een goede

voorbereiding, heldere crisisrollen en onderlinge samenwerking zijn bij het aanpakken van cyberincidenten.

Op vrijdag 30 oktober lag de nadruk op de technische kant van cybersecurity. Verschillende experts verzorgden presentaties, workshops en demonstraties over actuele digitale dreigingen en beveiligingsmaatregelen. Zij besteedden onder meer aandacht aan ethisch hacken, het ontdekken van zwakke plekken in digitale systemen en het bestrijden van cybercriminaliteit.

Twee mbo-studenten winnen Capture the Flag-challenge

Ook tien lokale mbo-studenten van de ICT-opleiding namen deel aan de convention. Samen met hun docent deden zij mee aan de Capture the Flag-challenge, een technische wedstrijd waarbij deelnemers verschillende opdrachten op het gebied van ICT en cybersecurity moesten oplossen.

Twee van de studenten wisten de challenge te winnen. Met deze mooie prestatie lieten zij zien dat Bonaire jong talent heeft op het gebied van ICT en digitale veiligheid. De wedstrijd bood de studenten bovendien de kans om hun kennis in de praktijk toe te passen en ervaring op te doen met cybersecurity.

Samen werken aan digitale veiligheid

Het Korps Politie Caribisch Nederland (KPCN), Maduro & Curiel’s Bank Bonaire (MCB Bonaire), het ministerie van Binnenlandse Zaken en Koninkrijksrelaties (BZK) en het Nationaal Cyber Security Centrum (NCSC) werken samen binnen de .BQ Cybersecurity Convention.

Met deze bijeenkomst willen de partners het bewustzijn over digitale dreigingen vergroten en de samenwerking tussen verschillende organisaties versterken. Een goede voorbereiding en samenwerking zijn belangrijk om cyberincidenten effectief aan te pakken en de gevolgen voor de samenleving zoveel mogelijk te beperken.