SALI HUNTU NA UN MANERA SEIF DURANTE DIA DI RINCON: ‘SALI I YEGA SEIF’ TA UNI FORSA

Kralendijk – Durante selebrashon di Dia di Rincon dia 28, 29 i 30 di aprel e kampañanan Sali Seif i Yega Seif ta uni forsa den un solo mensahe kla i raspá: gosa, pero yega kas bèk na un manera seif tambe. Bou di e nòmber konhunto “Sali i yega seif”, nan ta pidi èkstra atenshon pa komportashon responsabel, tantu ora di salimentu komo den tráfiko.

Diferente ‘gadget’ i visibilidat durante Dia di Rincon

Durante e festividatnan nan ta parti diferente ‘gadget’ pa fiha atenshon riba e mensahe di selebrá i yega kas bèk na un manera seif. Ku esaki Entidat Públiko Boneiru, den un forma aksesibel i rekonosibel, ke drenta den kontakto ku públiko i engrandesé konsientisashon.

Karanan konosí di e kampaña di tráfiko

E kampaña di tráfiko Yega Seif ta hasi uso di tres karakter konosí: Mamai, Hèlmpi i Kapitan. E personahenan akí na un manera aksesibel i kultural ta duna bida na siguridat den tráfiko.

• Mamai ta para pa sabiduria i responsabilidat
• Hèlmpi ta hasi siguridat agradabel i visibel, spesialmente pa nos hóbennan
• Kapitan ta simbolisá e shofùr konsiente ku no ta bebe i ku ta hiba otronan kas na un manera sigur

Pa medio di nan storianan, nan ta sòru pa eskoho importante den tráfiko bira algu rekonosibel ku tur hende na Boneiru por papia tokante di dje. 

Sali Seif

Sali Seif ta bai tokante buska dibertishon na un manera seif i e tin komo meta pa yuda nos habitantenan hasi eskoho konsiente i seif. Den e periodo di Dia di Rincon, gustosamente nos ke dediká atenshon na prevenshon di kalor i zonido. Pa e motibu akí GGD Boneiru ta bai parti wairu i dòpi reusabel pa orea. Riba djamars 28 di aprel nos ta pone dòpi pa orea disponibel pa e parada di mucha. Dia 29 i 30 di aprel bo por akudí na nos stènt pa nos ‘gadget’-nan i pa mas informashon tokante e tópikonan akí.

Dikon ‘Sali Seif’ i ‘Yega Seif’ ta traha huntu

Salimentu i tráfiko ta inseparablemente konektá ku otro, sigur durante un evento grandi manera Dia di Rincon. Kaminda Sali Seif ta enfoká riba gosa na un manera seif i responsabel durante salimentu, Yega Seif su enfoke ta riba komportashon seif den tráfiko. Pa medio di traha huntu, ta surgi un solo mensahe fuerte i kontinuo: for di e momentu ku bo sali fo’i kas, te na momentu ku bo yega kas bèk atrobe.

E kolaborashon akí ta aksentuá ku siguridat no ta stòp na fiesta, pero ku netamente despues di fiesta e ta di gran importansia. E meta ta pa redusí riesgo i sòru pa tur hende por partisipá na un manera seif na e festividatnan i yega kas bèk seif atrobe.

Kiko abo por hasi?

Tur hende por kontribuí na un Dia di Rincon seif. P’esei bo mester hasi eskoho konsiente: 

• No kore outo bou di influensia di alkohòl òf droga
• Bebe sufisiente awa. Palabrá adelantá ken no ta bebe alkohòl, pues ken lo ta Kapitan
• Kompartí outo ku amigu òf famia
• Hasi uso di transporte ku bùs òf taksi
• Tira bista pa otro i hala atenshon di otro riba komportashon ku no ta seif 
• Sòru pa freskura, bo por akudí na nos stènt pa un wairu tambe 
• Protehá bo oido ora tin músika duru i buska dòpi pa orea na nos stènt   
• Pone bo telefòn un banda ora bo ta kore outo

Huntu nos ta sòru pa tur hende yega kas sano i salvo atrobe.

Gosa, pero na un manera seif

Dia di Rincon ta un momentu di orguyo, kultura i konektividat. Laga nos gosa huntu di músika, tradishon i bon ambiente, ku bista pa otro i pa nos siguridat. 

Sali i yega seif – pasobra ta te ora tur hende ta bèk na kas seif, un fiesta eksitoso a kaba.

FUENTE: OLB/LIVE99FM

NEDERLAND:

SAMEN VEILIG OP PAD TIJDENS DIA DI RINCON: ‘SALI I YEGA SEIF’ BUNDELT KRACHTEN

Kralendijk – Tijdens de viering van Dia di Rincon op 28, 29 en 30 april slaan de campagnes Sali Seif en Yega Seif de handen ineen met één duidelijke boodschap: geniet, maar kom ook veilig thuis. Onder de gezamenlijke noemer “Sali i yega seif” wordt er extra aandacht gevraagd voor verantwoord gedrag, zowel tijdens het uitgaan als in het verkeer.

Gadgets en zichtbaarheid tijdens Dia di Rincon

Tijdens de festiviteiten worden gadgets uitgedeeld om de boodschap van veilig vieren en veilig thuiskomen onder de aandacht te brengen. Hiermee wil OLB op een laagdrempelige en herkenbare manier in contact komen met het publiek en bewustwording vergroten.

Herkenbare gezichten van de verkeerscampagne

De verkeerscampagne Yega Seif maakt gebruik van drie herkenbare karakters: Mamai, Hèlmpi en Kapitan. Deze personages brengen verkeersveiligheid op een toegankelijke en culturele manier tot leven.

• Mamai staat voor wijsheid en verantwoordelijkheid
• Hèlmpi maakt veiligheid leuk en zichtbaar, vooral voor jongeren
• Kapitan symboliseert de bewuste bestuurder die niet drinkt en anderen veilig thuisbrengt

Door hun verhalen worden belangrijke keuzes in het verkeer herkenbaar en bespreekbaar gemaakt voor iedereen op Bonaire.

Sali Seif

Sali Seif gaat over veilig uitgaan en heeft als doel om de bevolking te helpen om bewuste en veilige keuzes te maken. In de periode van Dia de Rincon willen we graag aandacht besteden aan hittepreventie en geluid. GGD Bonaire zal daarom waaiers en herbruikbare oordopjes uitdelen. Op dinsdag 28 april stellen we oordopjes beschikbaar voor de kinderparade. Op 29 en 30 april kun je terecht bij onze stand voor de gadgets en voor meer informatie over deze onderwerpen.

Waarom ‘Sali Seif’ en ‘Yega Seif’ samenwerken

Uitgaan en verkeer zijn onlosmakelijk met elkaar verbonden, zeker tijdens grote evenementen zoals Dia di Rincon. Waar Sali Seif zich richt op veilig en verantwoord genieten tijdens het uitgaan, focust Yega Seif op veilig gedrag in het verkeer. Door samen op te trekken ontstaat één sterke, doorlopende boodschap: van het moment dat je vertrekt tot het moment dat je weer thuiskomt.

Deze samenwerking benadrukt dat veiligheid niet stopt bij het feest, maar juist ook daarna van groot belang is. Het doel is om risico’s te verkleinen en ervoor te zorgen dat iedereen veilig kan deelnemen aan de festiviteiten én weer veilig thuis arriveert.

Wat kun jij doen?

Iedereen kan bijdragen aan een veilige Dia di Rincon. Maak daarom bewuste keuzes:

• Rijd niet onder invloed van alcohol of drugs
• Drink voldoende water – Spreek vooraf af wie de BOB (Kapitan) is
• Carpool met vrienden of familie
• Maak gebruik van busvervoer of een taxi
• Let op elkaar en spreek elkaar aan op onveilig gedrag
• Houd jezelf koel, bij de stand kun je ook terecht voor een waaier
• Bescherm je gehoor bij harde muziek en haal oordoppen bij de stand
• Leg je telefoon weg tijdens het rijden

Samen zorgen we ervoor dat iedereen heelhuids thuiskomt.

Geniet, maar doe het veilig

Dia di Rincon is een moment van trots, cultuur en verbondenheid. Laten we samen genieten van muziek, tradities en gezelligheid, met oog voor elkaar en voor onze veiligheid.

Sali i yega seif – want een geslaagd feest eindigt pas als iedereen veilig thuis is.