AWE E KOLUMNA TA DEDIKÁ NA 10 AÑA UNION SINDIKAL BONERIANO.

Kralendijk,- 21 di yüni 1976, eksaktamente 50 aña pasá Organisashon Internashonal di Labor, ILO a adoptá na Ginebra Suisa un resolushon den kual ta promové paisnan afiliá na ILO, di kual Ulanda tambe, pues nos na Boneiru komo parti integral di Ulanda for di 2017 pa instituí un plataforma di konsulta tripartit riba nivel nashonal.

E instituto aki ta rekerí un diálogo efektivo i konstruktivo entre gobièernu, dunadónan di trabou i trahadónan, representá pa nan sindikato. E konvenshon aki a keda ratifiká pa 156 pais miembro, entre nan Ulanda. Ela keda nombrá komo Konvenshon Konsulta Tripartit number 144 pa atendé e kriterianan internashonal di labor.

Na aprel último, aki na Boneiru e UNION SINDIKAL BONERIANO, USIBO a kumpli 10 aña di eksistensia. Ta bon pa e klase trahadó pero tambe e lidernan sindikal di awe konosé e historia di USIBO .

1 di mei 2012, aki tur kos a kuminsá.  Lidernan sindikal  determiná, dediká ku a pone tur interes personal un banda pa sirbi ún interés a bin huntu den selebrashon di Dia di Labor, esta 1 di mei 2012. E kousa ku nan tur shete a pone dilanti tabata i ta te ainda   defendé, protehá i duna e klase trahadó un bos; eksigí rèspèt, rekonosementu i rekompensa hustu. Ademas a pone komo meta, mehorashon di e desaroyo sosial-ekonómiko di Boneiru. I pa logra esaki a palabrá ku lo sigui e rekomendashon di konvenshon 144 di ILO, esta instituí un plataforma tri-partit ku partispashon di gobièrnu, dunadónan di trabou i sindikalismo den unión.

Na aprel2016, pues 10 aña pasá a funda USIBO ofishalmentedilantinotarioArends kue meta prinsipal: reforsáe posishondi trahadónanengeneral, promovérèspèt, rekonosementuirekompensahustoiprotekshondi nan derecho ribae merkadolaboral i tambe riba nivel nashonal, kontribuí na un desaroyo sosial-ekonómiko sano i duradero pa Boneiru. Shete sindikato, esta AFBW, ABVO, BPWU, FEDEBON, NAPB-BES, PWFC i SIMABO a komprometé nan mes pa sigui e konvenshon di ILO. Pues un organisashon di UNION SINDIKAL BONERIANO ku huntu boluntariamente e shete sindikatonan ku bendishon di nan miembresia a lanta USIBO pa sirbi INTERES DI E KLASE TRAHADÓ I SU FAMIA. Awe 10 aña después tur e sindikatonan ku a lanta USIBO ta forma parti di e UNION ainda i ta sirbiendo e meta basá riba e prinsipo di ILO ainda? Na kada un pa reakshoná i duna e motibu real.

Union Sindikal Boneriano (USIBO)  ta un  UNION sindikal relativamente hóben pero ku hopi influensha. E organisashon ta boga pa bos i rekonosementu di e klase trahadó; solidaridat i koperashon ku gobièrnu i dunadó di Trabou; protekshon di derechonan laboral i mehorashon di desaroyo sosial riba Boneiru; modernisashon di leinan ku ta reglal kondishon- i sirkumstansianan laboralkonservashon i promoshon di e historia sindikal i honra lidernan ku ta destaká.

“ Dies aña  USIBO ku esnan fiel na e prinsipio sindikal a lucha pa solidaridat, hustisia i bos di e klase trahadó. Un bunita logro. Un desena ku partisipashon kompleto, fuerte i ku ánimo. Un prestashon ku ta bale la pena. Dies aña sali pa otro ta nifiká dies aña konstruí un mihó futuro”.

AFBW, NAPB-BES I SIMABO i e kuerpo di Konseheronan, Chaly Anthony, Chaly Mercelina,  Alex Molina i boso sirbidó, danki ku apesar ku tin kos pa drecha, boso si a keda komprometé na e kousa ku 1 di mei 2012 huntu ku tur otro sindikato na Boneiru nos boluntariamente a palabrá, esta pone tur interes personal un banda i traha na interés di e klase trahadó i su famia di Boneiru i asina nos si a kumpli i ta kumpliendo ku konvenshon 144 di e Organisashon Internashonal di Labor, ILO.

BOSO MERESÉ PABIEN, REKONOSEMENTU PA E TRABOU BALIOSO PA NOS KOMUNIDAT EN GENERAL I PA E KLASE TRAHADÓ I SU FAMIA EN PARTIKULAR.

FUENTE: NORWIN NÒCHI WILLEM