BHRO I HUMAN RIGHTS INTERNATIONAL TA SELEBRÁ LOGRO HISTÓRIKO DI EVENTONAN SIGNIFIKANTE DI DERECHO HÙMANO NA BONEIRU

Kralendijk, – Bonaire Human Rights Organization (BHRO), akreditá pa Nashon Uni huntu ku United for Human Rights International, ta anunsia ku orguyo e finalisashon éksitoso di un seri di eventonan históriko di derecho hùmano ku a fortalesé konsenshi di komunidat i ku a pone Boneiru riba e mapa global di derechonan hùmano.

1 – Tayer “Nos Tambe Tin Derecho” – Un evento pa prome biaha I historiko na Boneiru

Riba 6 di Desember, BHRO huntu ku United for Human Rights International a organisa e promé  charla I tayer di Derecho Humano di Boneiru. Partisipantenan a tuma parti den entrenamento interaktivo, presentashonan kultural i un test formal pa sertifikashon—ku komo resultado Boneiru tin su promé Defensornan di Derechonan Hùmano sertifiká.

Ku esaki, Boneiru ta bira ofisialmente e di 191 país na mundu ku ta implementá e Programa di United for Human Rights.

“Esaki ta un momentu históriko,” segun Fundado di BHRO, James Finies. Boneiru awor ta para ku orguyo huntu ku 190 otro país nan komprometé ku edukashon i empoderamento di derecho hùmano.

2 – Youth Ride 4 Rights  – Un Moveshon riba Wil

Riba 10 di Desember, mucha, mayornan i miembronan di komunidat a uni ku BHRO i Human Rights International pa e Youth Ride 4 Rights, un paseo riba wil riba di e malekon di Boneiru pa selebrá Día Internashonal di Derecho Hùmano. E evento a manda un mensahe fuerte ku derecho hùmano ta pa tur hende, i espesialmente pa hubentut.

3. Lansamentu di e borchi di Informashon nobo na Kaya Grandi

Tambe riba 10 di Desember  – Dia Internashonal di Derecho Humano i den kuadro di derecho humano no:19 – derecho di libertat di ekspreshon, BHRO a desvela un borchi di informashon nobo na Kaya Grandi.

E sitio akí tin un sinifikashon profundo—e borchi original, pone un dekada pasa, a bira un símbolo di e forsa, determinashon i resilensia di e pueblo Boneiriano.

E borchi renoba ta honra e legado aki I mientrastantu ta marká un era nobo di edukashon i visibilidat públiko i empoderamento pa konsenshi di derecho hùmano riba nos isla.

E logronan akí ta lansa e Kampaña di Derecho Hùmano di sinku (5) aña di BHRO, alinjá ku e “Metanan Desaroyo Sustenibel di Nashonan Uni”—espesialmente SDG 16: Paz, Hustisia I  Institushonanan fuerte.

BHRO ta ekspresá su mas profundo agradesimentu na United for Human Rights International, partnernan lokal, boluntarionan i henter komunidat Boneiriano pa hasi e eventonan akí berdaderamente históriko.

FUENTE: BONAIRE HUMAN RIGHTS ORGANIZATION