JCI YUB TA LANSÁ E PROYEKTO “FRESH START”

Kralendijk, Boneiru – Djadumingu 26 di Òktober 2025, na Social Coffe, JCI Young United Bonaire (JCI YUB) ta invitá tur famia pa partisipá den e proyekto “Fresh Start – Community Empowerment Series.”

JCI YUB ta inisiá ku un proyekto pa stimulá konfiansa den nos hubentut, poniendo énfasis riba e prinsipio ku tur mucha den nos komunidat ta konta.

Ku sumo plaser, JCI ta hasi inisio di su promé edishon di Fresh Start, un inisiativa ku ta duna oportunidat pa hoben nan bini i risibí un kambio pa kuminsá skol den un otro manera, ku un sentimiento di renovashon i dignidat.

E proyekto ta pone énfasis riba hoben ku hopi biaha no tin fasil akseso na e tipo di oportunidat aki. Den su promé edishon, e inisiativa lo ta dirigí na mucha hombernan, pero JCI YUB ta planiá pa inkluí tambe mucha muhé den edishon futuro. Ku e ayudo kontinuá di individuonan i empresanan lokal, e proyekto lo por sigui krese i lanta nos komunidat mas fuerte.

E aktividat ta destiná na e siguiente orario:

• 9:00 AM – 12:00 PM: Mucha edat 8–12 aña

• 1:00 PM – 4:00 PM: Mucha edat 13- 16 aña

Durante e evento, e mucha hombernan lo risibí un kòrta di kabei grátis, pa duna nan un “fresh start” bèk skol ku konfiansa i felisidat.

E proyekto “Fresh Start” ta e promé di un seri di bishita na komunidat, ku lo sigui den otro bario di Boneiru, pa kontinuá duna bèk i inspirá nos komunidat henter.

Registro ta grátis,

👉 registrá bo yu, bisiña of famia ku realmente mester di e oportunidat aki: https://docs.google.com/forms/d/1HkpZQXbYGlR4-GdTFYijuZbfKannPRYjOOTQZ5bxxPo/viewform

Komo individuo òf empresa ku ke kontribuí den e proyekto aki i yuda pa nos por kontinuá duna bèk na tur bario di Boneiru, bo por tuma kontakto ku JCI YUB via jci.yub@gmail.com pa duna bo aporte den e manera ku bo ta sinti pa hasi.

JCI – 110 aña di liderashon, kresementu i inspirashon na komunidat.

FUENTE: JCI YUB/LIVE99FM