KOMISHON NOBO TA TUMA SIGUIENTE PASO PA FUTURO DI VÒLIBÒL NA BONEIRU.

Kralendijk – Djaluna 30 di yüni 2025 a tuma lugá e di dos enkuentro di komunidat di vòlibòl, organisá pa INDEBON.

Durante e nochi importante akí, a presentá ofisialmente e miembronan di e komishon nobo, ku e lunanan ku ta bini ta bai guia e proseso pa yega na un direktiva nobo i fuerte pa e deporte di vòlibòl na Boneiru.

E komishon nobo ta konsistí di seis miembro komprometí: Silvin Lomp, Ottmar Martie, Jenilee Schotborgh, Vaughan Astwood, Jehan Martis i Ildriana Cicilia.

E variashon akí di konosementu i trayektoria, ta ofresé un base fuerte pa un aserkamentu transparente, inovadó i dirigí riba futuro.

E komishon tin e tarea, pa huntu ku e komunidat di vòlibòl, krea e kondishonnan nesesario pa elekshon hustu i lantamentu di un direktiva nobo ku ta bai sigui desaroyá e deporte.

Esaki ta sosodé ku transparensia total i teniendo kuenta ku tur hende interesá den e deporte di vòlibòl na Boneiru.

INDEBON ta hasi un yamada na e komunidat di vòlibòl pa yuda e komishon asina huntu por konstruí na un struktura fuerte di vòlibòl pa awor i den futuro.

Huntu nos ta pone e pasonan pa kresementu, desaroyo i konekshon duradero di e deporte di vòlibòl na Boneiru.

FUENTE: OLB/INDEBON/LIVE99FM

NEDERLANDS:

NIEUWE COMMISSIE NEEMT VOLGENDE STAP VOOR DE TOEKOMST VAN VOLLEYBAL OP BONAIRE

Kralendijk – Op maandag 30 juni 2025 vond de tweede bijeenkomst van de volleybalcommunity plaats, georganiseerd door INDEBON.

Tijdens deze belangrijke avond werden de leden van de nieuwe commissie officieel gepresenteerd, die de komende maanden het proces richting een nieuw, stevig bestuur van de volleybalsport op Bonaire gaan begeleiden.

De nieuwe commissie bestaat uit zes betrokken leden: Jehan Martis, Ildriana Cicilia, Silvin Lomp, Ottmar Martie, Jenilee Schotborgh en Vaughan Astwood. Het team is divers samengesteld.

Deze variatie in kennis en achtergrond biedt een stevige basis voor een transparante, vernieuwende en toekomstgerichte aanpak.

De commissie heeft als opdracht om, samen met de volleybalcommunity, de randvoorwaarden te scheppen voor eerlijke verkiezingen en de oprichting van een nieuw bestuur dat de sport verder zal ontwikkelen.

Dit gebeurt in volledige openheid en met oog voor alle belanghebbenden binnen de volleybalsport op het eiland. INDEBON benadrukt dat groei van volleybal op Bonaire en daarbuiten het gezamenlijke doel is.

INDEBON roept de volleybalcommunity op om de commissie te helpen en ondersteunen. Waar mogelijk zal INDEBON ook ondersteunen en faciliteren, zodat samen gebouwd kan worden aan een sterke volleybalstructuur voor nu en in de toekomst. Samen zetten we stappen naar duurzame groei, ontwikkeling en verbinding binnen de volleybalsport op Bonaire.