BOTO DI BONEIRU TA ZINK NA 5 MIA FOR DI KOSTA.

Kralendijk,- Den ora nan di  mainta, Sentro Operashonal Marítimo di Wardakosta (MOC) a risibí un yamada relashoná ku un emergensia riba laman serka di Boneiru.

Ta trata di un boto piskadó ku 2 Boneriano a bordo. Nan boto a kuminsá zink i inmediatamente nan a tuma kontakto ku Wardakosta via kanal 16 (VHF radio).

MOC a notifiká personal di helikòpter di Wardakosta pa sali den direkshon di e boto pa asistí. Tambe a notifiká outoridatnan na Boneiru tokante e kaso.

Mientrastantu, dos boto ku tabata serka, a tende e mensahe via radio i a nabegá rápidamente den direkshon di e boto pa yuda e dos persona nan.  Na momento ku nan a yega, un di e boto nan a logra di saka nan for di awa.

Riba tera na Boneiru, a forma un tim di Duana, Polis militar (Koninklijke Marechaussee)  i tambe Wardakosta, ku a sali riba e boto di duana mihó konosí komo ‘Kini Kini’  pa yuda e dos piskadó nan.  Outoridatnan a tuma nan over for di e boto ku a saka nan for di awa, i a hiba nan bek tera.

E dos piskadó nan ta den bon kondishon i no mester di asistensia médiko.

FUENTE: WARDAKOSTA/LIVE99FM

NEDERLANDS:

DE BOOT BONEIRU ZINT 5 KILOMETER VAN DE KUST.

Kralendijk,- Vrijdagochtend ontving het Maritiem Operatie Centrum (MOC) van de Kustwacht een melding over een noodsituatie op zee nabij Bonaire.

Het ging om een vissersboot met twee Bonairianen aan boord. Hun boot begon te zinken en zij namen direct contact op met de Kustwacht via kanaal 16 op de VHF-radio.

Het MOC heeft het Kustwacht helikopter personeel op de hoogte gebracht om direct in de richting van de boot te vertrekken voor mogelijke assistentie. Ook werden de autoriteiten op Bonaire geïnformeerd over het geval.

Ondertussen hoorden twee boten die zich in de buurt van het incident bevonden het bericht via kanaal 16 van de VHF radio, en voeren snel in de richting van de zinkende boot om de twee personen te helpen. Toen zij arriveerden, slaagde één van de boten erin om de twee mannen uit het water te halen.

Op Bonaire werd een team gevormd bestaande uit Douane, Koninklijke Marechaussee en Kustwacht personeel.

Zij vertrokken onmiddellijk met de douaneboot ‘Kinikini’, om de twee vissers te ondersteunen. De autoriteiten namen de mannen over van de andere boot die hen had gered, en brachten hen terug aan land. De twee vissers verkeren in goede gezondheid en hebben geen medische hulp nodig.