DI 11 KOMPETENSIA DI LESA BÒI ANTOIN

Kralendijk: Dia 14 di yüni ùltimo, Fundashon Lesa Ta Dushi (FLTD) a organisá Kompetensia di Lesa  Bòi Antoin pa 11 aña konsekutivo. Meta di e kompetensia akí ta pa stímulá lesamentu na Papiamentu serka nos muchanan.

Na komienso di e aktividat, a hiba palabra presidente di (FLTD)  sra. Mazarella Jansen ku a elaborá kòrtiku riba tur e aktividatnan ku (FLTD) ta hasi pa e muchanan akí Bonaire, i a para ketu kon importante spònsernan ta kontribuí pa logra esakinan.

FLTD ta organisá Kompetensia di Lesa Bòi Antoin, kompetensia di ortografia den idioma papiamentu i hulandes, FLTD tin intenshon pa organisá diletrá palabra pa skolnan sekundario.

FLTD ta organisá durante siman di buki,  kompetensia di Huki di Buki mas atraktivo entre skolnan básiko. Tambe (FLTD) ta organisá workshop kon ta skirbi buki pa mucha pa tur habitante di Bonaire.  FLTD ta entregá diferente buki na krèsh, skolnan básiko i skol sekundario, tambe na muchanan di ménos rekurso. ( FLTD a regalá rèki di buki na krèshnan.

FLTD ta stimulá mayornan pa nan yunan bira miembro di biblioteka di Bonaire.  I den luna di novèmber aki FLTD ta bai organisá un simposio  pa trahadónan di krèsh, dosentenan di Idioma i mayornan pa siña nan kon  stimulá  lesamentu serka nos hóbennan. FLTD a  aserká tur krèsh i direktiva di skolnan ku informashon tokante e simposio.

Sra. Diputado Nina Den Heyer tambe a hiba palabra, I a elogiá e trabou  ku FLTD ta hasiendo pa e komunidat di Bonaire i a pidi e mayornan pa no duna e yunan tablèt pero duna nan un buki. Tambe Diputado Nina a primintí  komo gobièrnu di lo sostené FLTD ku nan siguiente proyekto kual ta e simposio i publikashon di un buki nobo pa mucha.

E di 11 Kompetensia di Lesa Bói Antoin tabatin 19 partisipante. Kua a kompetí

den 3 diferente kategoria.  Den kada kategoria huradonan a saka tres mihó lesadó di buki.

E ganadónan ta:

Den e kategoria pa mucha entre 7 i 8 aña.

1e Skol Amplio  Papa Cornes, Vione Burnet.

2do  Kolegio San Luis Betran, Raziëla Richards,

3er Basis School De Pelikaan, Z’ Hannah Koots, 

Den e kategoria  pa muchanan entre 9 pa 10 aña.

1e Basis School  De Pelikaan River Pourier.

2do Kolegio Kristu Bon Wardadó Su- Antaly Reina.

3er Kolegio Rayo di Solo Amy Fladers,

Den e kategoria pa muchanan entre  11 pa 12 aña.

1e Kolegio Kristu Bon Wardadó Jedidja Schaffers

2de Kolegio Luis Betran  Akeamie Feliz

3er Kolegio Rayo di Solo, D – Jayley Frans

Durante di e atardi aki, Fundashon Lesa Ta Dushi a homenagiá dos persona ku tur aña di nobo ta yuda  FLTD. Ta trata di  Sra Xiomara Frans-Muller i Sra

Niyana Faneite.

Fundashon Lesa ta Dushi ta mira atras riba un aktividat eksitoso i kier yama danki na tur dosente i mayornan ku a kurashá i prepará e muchanan pa partisipá. Un danki na nos miembronan di prensa ku tur aña di nobo ta kubri e evento aki i hasié popular bou di nos hóbennan.

I na tur nos spònsernan: Stichting Professionele Kinderopvang Bonaire  ( SPKB)  ku ta pone nan edifisio na nos disposishon gratuitamente, Cargill Salt Bonaire ku ta  FLTD su spònser mayoritario den e kompetensia akí i spesialmente sr. Daniel Deanda ku  tur aña ta presente te final pa wak presentashon dje muchanan, Akademia Papiamentu Bonaire ku ta yuda nos ku hurado tur aña tambe ta regalá material pa nos entregá e partisipantenan. Un danki na  Sra. Monica Clarinda outor di e buki  Nona bèk den tempu 4,  i Sr. Delno “DENCHI” Tromp  outor di e buki, E kabritu ku djent’i oro.  

E partisipantenan a lesa e bukinan akí durante di e kompetensia i alabes e ganadónan risibí e bukinan komo regalo. Hurado pa e kompetensia akí tabata sr. Delno Tromp mes, Elsmarie Beukenboom i Xiomara Frans-Muller. I Presidente di hurado tabata Sra. Niyana Faneite.

FLTD ta pidi tur direktiva di skol básiko i skol sekundario, direktiva di  Krèsh pa reservá  fechanan 21 i 22 novèmber 2025 pa e simposio di FLTD. Kon stimulá nos muchanan / hóbennan pa lesa mas.

 FUENTE: FLTD/LIVE99FM