PION DRECHÁ DEN KAYA GRANDI

Kralendijk,- Resientemente un dama a trompeká i kai den sentro di siudat i a lastimá su kurpa. Ainda e ta rekuperando di loke a sosodé.

Ta trata di Crusita Cicilia i despues ku el a kai, el a pidi pa medio di prensa, pa esnan konserní, hasi algu pa drecha e situashon na e sitio. El a pidi pa atendé e pion di betòn ku tabatin mei mei riba asera, den kaya Grandi, kaminda hende ta kana.

E ta masha kontentu, pa mira e siman aki, a trese un kambio, na su bista hopi bon. Por komprondé ku esei ta temporal i tin algu mas mihó ku ta bini despues na e sitio.

Mas hende ta kontentu, pasobra tabatin preokupashon pa mas hende no trompeká riba loke tabatin promé riba asera. Crusita: “Masha danki pa e atenshon.” Riba potrèt e pion kolo oraño i haltu na e sitio.     

FUENTE: FITTIPALDI PIETERSZ/LIVE99FM