PARKE ISIDEL TA SELEBRA SU PROMÉ AÑA DI EKSISTENSIA KU UN ANOCHI FESTIVO.

Kralendijk –Awe 19 di mei Parke Isidel ta eksistí un aña i djabièrnè 23 di mei ta selebrá esaki ku un anochi festivo pa henter nos komunidat.

For di 5 or di atardi te mei anochi 12 or tur hende ta bon biní pa disfrutá di músika, kuminda dushi kantu di laman, aktividat pa mucha i un presentashon spesial di dokumental. Entrada ta grátis i nos ta invitá nos bishitantenan pa bini ku nan propio stul òf un paña pa habri abou pa un anochi relahante na aire liber.

E selebrashon no ta solamente un enkuentro ameno, pero tambe un momentu pa para ketu na un aña yen di logro. Den koperashon ku Tourism Corporation Bonaire a pone e ‘Bonaire Sign’ ikóniko den e parke, i a kuminsá un kolaborashon ku Kámara di Komèrsio ku ta stimulá empresarionan lokal. Apertura di e bahada pa hende ku limitashon huntu ku klientenan di FKPD a aksentuá e echo ku e parke ta aksesibel i seif pa tur bishitante. Tambe a nombra tres manehadó di parke ku diariamente ta sòru pa supervishon, mantenshon i hospitalidat.

Parke Isidel tabata e orguyoso sitio wéspet pa Ride for the Roses, kaminda deporte i solidaridat tabata sentral. Banda di esaki e restorant Seaside Krioyo Fusion, manehá pa un empresario lokal, a habri su portanan. Un otro momentu spesial tabata produkshon di un propio dokumental ‘E último biahe di Isidel’ den kolaborashon ku Fundashon Históriko Kultural Boneriano (FuHiKuBo), den kua desaroyo i nifikashon di e parke ta sentral.

Tambe a presentá e dokumental ‘Piskadó pa Semper’ den kolaborashon ku Wereld Natuurfonds i FuHiKuBo. Huntu ku Biblioteka Públiko Boneiru i SKAL, e departamento di kultura di entidat públiko Boneiru, diferente anochi di arte i kultura a keda organisá den e parke, entre otro ‘Spoken Word’ i ‘Nochi ku luna yen’.

Logro
Durante selebrashon di e promé aniversario dia 23 di mei, nos bishitantenan por gosa di músika ‘live’ di DJ Jewelz i FMK (Formashon Musikal Kiroyo), un sukulento barbekiú i un bar bon surtí, un ‘bouncer’ pa e muchanan i presentashon di e dokumental ‘90 Aña di aviashon na Boneiru’, produsí pa FuHiKuBo den kolaborashon ku Bonaire International Airport.

Naturalmente ta parti bolo tambe pa tur hende ku ta presente. “Den un aña di tempu Isidel Beach Park a krese i bira un sitio di enkuentro, relahamentu i konekshon pa nos hendenan í nos bishitantenan”, segun Adely Susana-Jansen, direktor di Bonaire Overheidsgebouwen NV, ku ta doño i gerente di e parke.

“Nos ta invitá tur hende pa selebrá e logro akí huntu ku nos i wak padilanti den direkshon di loke ta biniendo ainda.” Banda di e bista bèk riba un promé aña eksitoso, ku konfiansa Isidel Beach Park ta wak padilanti.

Den e periodo binidero tin entre otro apertura di e ‘slipway’ pa boto i un punto pa karga outo eléktriko planiá. Nos ta trahando tambe riba lansamentu di un propio wèpsait i ‘app’ mobil, i introdukshon di un Tarheta di Privilegio (Privilege Card) pa bishitantenan regular ku di awor en adelente por hasi nan reservashonnan i alabes paga esakinan den forma digital.

FUENTE: BOG/LIVE99FM

NEDERLANDS:

ISIDEL BEACH PARK VIERT 1-JARIG BESTAAN MET FEESTELIJKE AVOND

Kralendijk –Isidel Beach Park bestaat vandaag 19 mei één jaar en dat wordt op vrijdag 23 mei gevierd met een feestelijke avond voor de hele gemeenschap.

Van 17:00 tot 00:00 uur is iedereen welkom om te genieten van muziek, lekker eten aan zee, activiteiten voor kinderen en een bijzondere filmvertoning. De toegang is gratis en bezoekers worden uitgenodigd om hun eigen stoel of picknickkleed mee te nemen voor een ontspannen avond in de buitenlucht.

De viering is niet alleen een gezellig samenzijn, maar ook een moment om stil te staan bij een jaar vol mijlpalen. Zo werd de iconische ‘Bonaire Sign’ in het park geplaatst in samenwerking met Tourism Corporation Bonaire, en ontstond er een samenwerking met de Kamer van Koophandel die lokale ondernemers stimuleert. De opening van de mindervalidehelling samen met cliënten van FKPD benadrukte dat het park toegankelijk en veilig is voor alle bezoekers. Ook werden drie parkbeheerders aangesteld die dagelijks zorgen voor toezicht, onderhoud en gastvrijheid.

Isidel Beach Park was trots gastlocatie voor de Ride for the Roses, waarbij sport en solidariteit centraal stonden. Daarnaast opende een het restaurant Seaside Krioyo Fusion, gerund door een lokale ondernemer, haar deuren. Een ander bijzonder moment was de productie van een eigen documentaire

‘E ultimo biahe di Isidel’ in samenwerking met Fundashon Históriko Kultural Boneriano (FuHiKuBo), waarin de ontwikkeling en betekenis van het park centraal staan. Ook de documentaire ‘Piskadó pa Semper’ werd in samenwerking met Wereld Natuurfonds en FuHiKuBo vertoond. Samen met de Openbare Bibliotheek Bonaire en SKAL, de cultuurafdeling van het openbaar lichaam werden ook verschillende kunst- en cultuuravonden in het park georganiseerd, waaronder ‘Spoken Word’ en ‘Nochi ku luna yen’.

Mijlpaal

Tijdens de jubileumviering op 23 mei kunnen bezoekers genieten van livemuziek van DJ Jewelz en FMK (Formashon Musikal Kiroyo), een goed verzorgde barbecue en bar, een bouncer voor de kleintjes en de vertoning van de documentaire ‘90 Aña di aviashon na Boneiru’, geproduceerd door FuHiKuBo in samenwerking met Bonaire International Airport.

Uiteraard wordt er ook taart geserveerd voor alle aanwezigen. “Isidel Beach Park is in één jaar tijd uitgegroeid tot een plek van ontmoeting, ontspanning en verbinding voor onze mensen én bezoekers,” aldus Adely Susana-Jansen, directeur bij Bonaire Overheidsgebouwen N.V., eigenaar en beheerder van het park.

“We nodigen iedereen uit om samen met ons deze mijlpaal te vieren en vooruit te kijken naar wat nog komt.” Naast de terugblik op een succesvol eerste jaar, kijkt Isidel Beach Park met vertrouwen vooruit.

In de komende periode staan onder meer de opening van de bootsleephelling en een oplaadpunt voor elektrische auto’s gepland. Ook wordt gewerkt aan de lancering van een eigen website en mobiele app, en de introductie van een Privilege Card voor vaste bezoekers die voortaan digitaal hun reserveringen kunnen doen en betalen.