KI TA BAI PASA RIBA DJAMARS PROMÉ DI YÜLI.

Kralendijk,- Despues di 42 dia ta tuma lugá selebrashon di 162 aña ku a abolí sklabitut. Despues ku Gobièrnu Hulandes a pidi diskulpa i pordon a pone 200 mion pa atendé ku proyekto pa ilustrá impakto di sklabitut den nos komunidat.

Bonaire tin derecho riba 11 mion. Ki ta bai pasa riba djamars promé di yüli. Liberashon di sklabitut ta muchu mas importante ku Dia di Rincon, Dia di Bonaire i Regata.

Riba promé di yüli Komunidat di Bonaire a bira liber di sklabitut i a bira fundeshi di e aktual komunidat.

Dikon no por tene un selebrashon anochi riba sitio di parker ku ora di Regata i dia di Bonaire sí por. Laga pueblo partisipá i reflehá riba e kultura ku a kontinuá despues di 1863.

Promé di yüli mester ta di pueblo ku kanto i baile i poesia mará na historia di liberashon di sklabitut. Tin kantikanan di  Tutti Frutti (kas di bara di nos arkitektura), kòrtadó di sentebibu (trabou duru den plantashi), kantikanan di Kanto Orkidia, e poesia Keho di katibu di Pierre Lauffer.

Laga nos ban duna honor na  desendientenan di esnan hasí katibu. Mi ta optimismo pero sin speransa ku un dia e 11 mion lo bai pa desendientenan di katibu.

FUENTE:ARTHUR SEALY/LIVE99FM