JCI YUB TA REPRESENTÁ BONEIRU NA NIVEL INTERNASHONAL.

Kralendijk,- Durante 7 pa 10 di mei, JCI a organisá e Conferencia di Amérika, ku ta un evento di gran importansia kaminda Amérika i Karibe ta uni pa traha huntu. JCI YUB huntu ku JCI Dutch Caribbean a forma parti di un delegashon ku a pone Boneiru na mapa internashonal.

E konferensia akí a sirbi komo un plataforma pa lidernan hoben i eksperto pa deskubrí mas tokante nan mes, kompartí konosementu i krea relashon importante.

Jeny Molina a haña e oportunidat pa partisipa den e kompetensia di debatimentu, representando Boneiru huntu ku dos otro miembro di JCI Dutch Caribbean. Serginho Finies a forma parti di e prestijioso JCI American Leadership Academy, un eksperensia uniko.

JCI YUB ta orguyoso di e esfuersonan di nos miembronan i ta kontinuá pa pone Boneiru ta dilanti den esená internashonal di liderato hoben.

FUENTE: JCI YUB/LIVE99FM