KRÍTIKA RIBA MANEHO DI BONAIRE TA UN SUMPIÑA DEN WOWO DI E “YOUNG PROFESSIONALS” DEN KONSEHO INSULAR I KOLEGIO EHEKUTIVO. 

Kralendijk,- Si mustra ku ekonomia, turismo, informashon no ta kos di kanta makamba bo ta negativo.

Si trese dilanti ku sektor di konstrukshon ta reklamá, ku abitantenan di Lagun ta sklama pa atendé lèntfil na drechi bo ta negativo. Konseho Insular no ta rel ni trel riba Señora diputado den Heyer su ponensia ku na Bonaire ta reina negativismo.

Awor ta bai reuní riba ekspreshonnan di Thiery Baudet. Dikon no ta tuma posishon kontra akusashon direkshon  di esnan kritiko. Konseho Insular tambe ta fuente di negativismo pa no aktua kontra e manera anti pueblo di goberná.

For di òktober 2023 ta otro tin falta riba tur tereno i no Kolegio Ehekutivo ni Konseho Insular.Tantu Konseho Insular komo Kolegio Ehekutivo a krea  un grupo di aliado ku e mes pensamentu i interes ekskluyendo esnan ku otro pensamentu i denominá nan komo negativo.

Esaki no ta nada otro ku polítika di tribu ku e pensamentu ku ta e tribu tin e derecho sagrado pa dikta kiko ta identidat, kultura, idioma, norma i balor di Bonaire. Nan ta personanan; tremendo, orguyoso, arogante, superior i inosente.

Ta bringa idea ku no ta kuadra ku esun di tribu. Realidat ta ku nan ta traha na Kralendijk I nan sede ta na Morotin unda ta bringa kontra Molina di bientu.

FUENTE:ARTHUR SEALY/LIVE99FM