RIBA PROMÉ DI YÜLI KONMEMORASHON ABOLISHON DI SKLABITUT.

Kralendijk,- Despues di dia di rei ku kondekorashon real, dia di antriol, dia di rincon, dia di labor, konmemorashon di esnan ku a kai den di dos guera mundial i 5 di mei, ta sigui riba promé di yüli konmemorashon abolishon di sklabitut

Ta tempu pa duna e fecha aki un  kontenido ku ta mustra riba libertat, emansipashon, kontra rasismo i diskriminashon den komunidat boneriano. Ripitishon di pasado ta trese solamente rabia, odio, vengansa, prehuisio kontra Hulanda i trouma. Laga nos no papia só pero aktua dunando honor i partisipashon na desendientenan, tantu di esnan hasí katibu komo di e doñonan di katibu.

Esaki ta kuadra ku pensamentu di Grupo di Diálogo ku ta, diskulpa i pordon, manera Rei Willem a enfatisá. Den kuadro di konsientisashon ta idea di artistanan pa medio di porehèmpel e pelíkula tokante Rincon, kantikanan di Kanto Orkidia tokante sklabitut, di Tutti Frutti manera “Kas di Bara” i “Kòrtadó di sentebibu’ e poesia  “Keho di Katibu” di PierreLauffer, tradusí na hulandes titulá

“De Slaaf” pa e boneriano Nicolaas “Colá: Debrot ta pone un spil dilanti komunidat pa dal stapnan pa bai dilanti. Un inovashon nobo ku maestronan di seremonia ku no ta esnan tradishonal. Un podio dòrná ku blas di tur kolo, ku ta mustra riba e komunidat multikultural i union sin rasismo i diskriminashon. Laga Gezaghèber i Representante di Reino papia riba e tópiko di diskriminashon, siguí pa presentashon di e poesia, Keho di Katibu, presentashon di grupo Tutti Frutti i grupo di Hòfi kultural i klousurá ku “Kòrtadó di sentebibu”.

Ta mas ku klaro ku mester paga maestro òf maestra di seremonia, e gruponan i e deklamadó. No ku un chipi chipi pa motibu ku tin 5.5 mion netamente  pa gruponan sosial ku ta traha riba konsientisashon di kontinuashon di sklabitut den nos komunidat.

Di e forma aki desendientenan di esnan hasí katibu tambe ta bini na remarke. Gobièrnu tin e tarea di  fasilitá i no politisá sklabitut.

FUENTE: ARTHUR SEALY/LIVE99FM