PROFESOR ANNE-MEI THE TA ANTROPÓLOGO KULTURAL, HURISTA I A PROMOVÉ DEN SIENSIA MÉDIKO.

Kralendijk,- El a desaroyá ‘Sociale Benadering’ i ta katedrátiko den ‘Langdurige Zorg’ i ‘Sociale Benadering Dementie’ (Vrije Universiteit Amsterdam). Na Hulanda ‘Sociale Benadering’ ta un aserkamentu práktiko evaluá positivamente pa tantu hende ku demensia ku ta biba na kas, komo den kas di kuido. Anne-Mei tabata tambe konsehero di Minister di Asuntonan di Grandi na Aruba e último dos añanan.

Profesor The a klousurá su bishita di trabou di ocho dia na Boneiru, riba invitashon di Fundashon Alzheimer Bonaire, djamars 22 di aprel pa 14.00 or’ ku un bishita na diputado di Salubridat Públiko ku lástimamente tabata ousente, pero su konseheronan: Sr. Gerold van Elshuis, Dr. Nicolette Verduin i Drs. Danielle van der Linden a risibié. Anne-Mei tabata kompañá pa Presidente Sr. Piar i Vise Presidente Sra. Winklaar di e direktiva di Fundashon Alzheimer Bonaire pa duna relato di su bishita na Boneiru.

Djamars 15 di aprel tabatin un kòmbersashon di sera konosí ku miembronan di ‘Cockpitgroep Ketenalliantie Ouderen’ (CKO). Anochi Anne-Mei a tene un charla dilanti un sala yen na Fundashon Antriol Avanti ku komo tema ‘Sociale Benadering Dementie’.

Tabatin hopi kolaboradó den kuido i miembronan di famia di hende ku demensia presente. Di djamars te ku djaweps Anne-Mei a bishitá entre otro FKPD, Cocari-Rincon, Kas Sabana. Kas Karkó, Ka’i Mimina, Kas di Kuido (FM) i Pasadia Villa Antonia. Tambe el a papia ku miembronan di direktiva, kolaboradónan den kuido, hende ku demensia i kuidadó amoroso pa haña un bon bista di kuido di demensia na Boneiru.

Direktiva di FAB tin intenshon pa introdusí ‘Sociale Benadering’, natural adaptá na konteksto lokal di Boneiru, pa asina sigui desaroyá i humanisá kuido di demensia i e kadena di demensia. E ambishon akí a haña forsa pa medio di e bishita di trabou i ekspertisio antropológiko di Anne-Mei, ku ta nesesario pa hasi e implementashon eksitoso. Importansia di e posibilidat pa reforsá e kadena di kuido sosial den kombinashon ku retnan informal ku yudansa di ‘Sociale Benadering’ ta visibel.

Profesor The a kompartí i evaluá su eksperensia i konsehonan ku direktiva di FAB, atministrashon lokal i partnernan den kadena. Siguientemente a dun’é e tarea pa sigui elaborá esaki, pa asina riba término korto por duna kontinuashon na implementashon di ‘Sociale Benadering’ na Boneiru.

Tantu direktiva di FAB komo Prof Anne-Mei

The ta mira bѐk riba un bishita di trabou masha eksitoso i tin gana di sigui ku un kolaborashon pa asina mehorá kalidat di bida di hende ku demensia i di kuidadó amoroso na Boneiru.

FUENTE: FUNDASHON ALZHEIMER BONAIRE/LIVE99FM

NEDERLANDS:

PROFESSOR ANNE-MEI THE IS CULTUREEL ANTROPOLOOG, JURIST EN PROMOVEERDE IN DE MEDISCHE WETENSCHAPPEN.

Kralendijk,- Zij ontwikkelde de Sociale Benadering en is hoogleraar Langdurige Zorg en de Sociale Benadering Dementie (Vrije Universiteit Amsterdam).

In Nederland is de Sociale Benadering een positief geëvalueerde praktijkbenadering voor zowel mensen met dementie die thuis wonen, als in het verpleeghuis. Ook was Anne-Mei de afgelopen twee jaar adviseur van de minister van ouderenzaken op Aruba.

Professor The heeft haar achtdaagse werkbezoek aan Bonaire, op uitnodiging van Fundashon Alzheimer Bonaire, dinsdag 22 april j.l. om 14.00 uur afgerond met een bezoek aan de Gedeputeerde van Publieke Gezondheid die helaas afwezig was, maar is ontvangen door haar adviseurs: dhr Gerold van Elshuis, dr Nicolette Verduin en drs Danielle van der Linden. Anne-Mei was vergezeld door de voorzitter dhr Piar en vice-voorzitter mw Winklaar van het bestuur van Fundashon Alzheimer Bonaire om verslag uit te brengen van haar bezoek aan Bonaire.

Op dinsdag 15 april was een kennismakingsgesprek met de leden van Cockpitgroep Ketenalliantie Ouderen (CKO). In de avond hield Anne-Mei een lezing voor een volle zaal bij Fundashon Antriol Avanti met als thema ‘Sociale Benadering Dementie’. Er waren vele zorgmedewerkers en familieleden van mensen met dementie aanwezig. Van dinsdag tot en met donderdag heeft Anne-Mei bezoeken gebracht aan onder meer FKPD, Cocari-Rincon, Kas Sabana, Kas Karko, Ka’i Mimina ,Kas di Kuido (FM) en Pasadia Villa Antonia.

Ook heeft zij met directieleden, zorgmedewerkers, mensen met dementie en mantelzorgers gesproken om een goed beeld van de dementiezorg op Bonaire te krijgen. 

Het bestuur van FAB is voornemens om de Sociale Benadering, uiteraard aangepast aan de lokale context van Bonaire, in te voeren om daarmee de dementiezorg en -keten verder te ontwikkelen en te humaniseren.

Deze ambitie is versterkt door het werkbezoek en de antropologische expertise van Anne-Mei, welke benodigd is om de implementatie tot een succes te kunnen brengen. Het belang en de mogelijkheid van het versterken van de sociale zorgketen in combinatie met informele netwerken met behulp van de Sociale Benadering is duidelijk geworden.

Professor The heeft haar bevindingen en adviezen met het bestuur van FAB, de lokale Overheid en ketenpartners gedeeld en besproken. Aan haar is vervolgens de opdracht gegeven om deze verder uit te werken, zodat op korte termijn vervolg kan worden gegeven aan de invoering van de Sociale Benadering op Bonaire.

Zowel het bestuur van FAB als prof Anne-Mei The kijken terug op een zeer geslaagd werkbezoek en zien uit naar de verdere samenwerking om daarmee de kwaliteit van leven van mensen met dementie en mantelzorgers op Bonaire te verbeteren.