UN BISTA BÈK RIBA E ENKUENTRONAN DI PARTISIPASHON ‘PAPIA KU PUEBLO’ TOKANTE E TRAYEKTO DI INTENSIVASHON DI MANEHO.

Kralendijk,- Ku satisfakshon Entidat Públiko Boneiru ta wak bèk riba tres eksitoso enkuentro di partisipashon ‘Papia ku Pueblo’ ku resientemente a tuma lugá dia 22 di mart, 7 di aprel i 8 di aprel 2025.

E enkuentronan akí tabata den signo di e Trayekto di Intensivashon di Maneho, un trayekto kaminda gobièrnu hulandes a otorgá 5,5 mion euro pa Boneiru pa e periodo 2025 – 2029. E meta ta pa sostené proyektonan di maneho ku ta kontribuí na oumento di konsientisashon tokante pasado di sklabitut i fortifikashon di Boneiru su identidat kultural.

Durante e enkuentronan a papia ku nos komunidat lokal tokante diferente proyekto ku ta fortifiká konsientisashon tokante pasado di sklabitut i kultura di Boneiru, manera lantamentu di un sentro di patrimonio, desaroyo di un método nobo di enseñansa ‘Hulandes komo idioma stranhero’, i digitalisashon i aksesibilidat di archivo. E kòmbersashonnan tabata habrí i konstruktivo, kaminda e partisipantenan a kompartí nan opinionnan, nan ideanan i nan preokupashonnan tokante kon e proyektonan akí por kontribuí mas mihó na un mihó futuro pa Boneiru.

Apresio pa enbolbimentu aktivo

En total mas òf ménos 80 partisipante a ekspresá nan mes tokante ehekushon di e proyektonan. Nan a papia entre otro tokante importansia di un sentro di patrimonio, konservashon di storianan i konosementu di ántes i nòmber di antepasadonan ku a biba den pasado di sklabitut, i tokante kon por protehá patrimonio di nos isla tantu lokalmente komo regionalmente. E partisipantenan a duna aporte balioso tokante kon e proyektonan akí por kontribuí na nan bida diario, na futuro di nos hóbennan i na fortifikashon di nos komunidat.

Proyektonan pa fortifikashon di maneho

E Trayekto di Intensivashon di Maneho ta enserá vários inisiativa, entre otro:   

1. Sentro di Patrimonio i Museo: Un sitio sentral pa kolekshoná i kompartí kultura i historia di Boneiru.
2. Método di enseñansa Hulandes komo Idioma Stranhero: Un método di lès ku ta konektá mihó ku e ambiente sosial ku nos muchanan boneriano ta lanta aden.
3. Fortifikashon di Kadena Kultural: Fortifikashon di por ehèmpel Plataforma NGO, di manera ku organisashonnan kultural por haña i fortifiká otro i traha huntu ku otro.
4. Liña di tempu di Boneiru: Kolekshonamentu di susesonan, personanan i tradishonnan importante for di den historia di Boneiru, di manera ku por desaroyá un kánòn lokal ku e museonan i enseñansa por usa.
5. Digitalisashon di Archivo: Digitalisashon di dokumentunan i potrètnan    históriko etc. pa hasi nan aksesibel pa tur hende. Esaki ta tuma forma di un kolaborashon konhunto entre Archivo Entidat Públiko Boneiru i FuHiKuBo.
6. Monumentu di nòmber i investigashon di nòmber: Lanta un monumentu pa rekordá hendenan ku bou di sklabitut nan a pone traha obligatoriamente na Boneiru i determinashon di nan nòmbernan di famia (fam).
7. Aporte Archivo Nashonal Kòrsou: Digitalisashon di dokumentunan históriko di Boneiru ku aktualmente ta na Kòrsou.
8. Interkambio di patrimonio: Kompartí patrimonio i ekspertisio kultural entre e islanan den área karibense.

E siguiente pasonan
Aporte di nos komunidat ta keda esensial pa éksito di e inisiativanan akí. Entidat Públiko Boneiru ta enkurashá tur hende pa keda aktivamente enbolbí i pa kompartí nan ideanan. Basá riba fitbèk di nos komunidat i toma di desishon interno (Kolegio Ehekutivo i Konseho Insular), Entidat Públiko Boneiru lo stipulá prioridat i disidí kua ta e proyektonan ku finalmente nan lo inkluí den e agènda di akshon. Naturalmente lo informá siudadanonan mas aleu tokante esaki. 

Informashon di kontakto
Pa mas informashon tokante e agènda di akshon òf futuro enkuentronan tokante pasado di sklabitut, bo por tuma kontakto ku e Kwartiermaker pa Kultura: alfrida.martis@bonairegov.com

FUENTE: OLB/LIVE99FM

NEDERLANDS:

TERUGBLIK OP DE INSPRAAKBIJEENKOMSTEN ‘PAPIA KU PUEBLO’ OVER HET TRAJECT BELEIDSINTENSIVERING.

Kralendijk – Het Openbaar Lichaam Bonaire kijkt met tevredenheid terug op de drie succesvolle inspraakbijeenkomsten ‘Papia ku Pueblo’ die onlangs hebben plaatsgevonden op 22 maart, 7 april en 8 april 2025.

Deze bijeenkomsten stonden in het teken van het Traject Beleidsintensivering, een traject waarbij de Nederlandse overheid 5,5 miljoen euro heeft toegekend aan Bonaire voor de periode 2025-2029. Het doel is om beleidsprojecten te ondersteunen die bijdragen aan het vergroten van het bewustzijn over het slavernijverleden en het versterken de culturele identiteit van Bonaire.

Tijdens de bijeenkomsten werd met de lokale gemeenschap gesproken over verschillende projecten die bewustzijn over het slavernijverleden en de cultuur van Bonaire versterken, zoals het oprichten van een erfgoedcentrum, het ontwikkelen van een nieuwe onderwijsmethode ‘Nederlands als vreemde taal’, en de digitalisering en toegankelijkheid van archieven.

De gesprekken waren open en constructief, waarbij de deelnemers hun meningen, ideeën en zorgen deelden over hoe deze projecten het beste kunnen bijdragen aan een betere toekomst voor Bonaire.

Waardering voor actieve betrokkenheid

In totaal lieten ongeveer 80 deelnemers zich goed horen over de uitvoering van de projecten. Er werd onder andere gesproken over het belang van een erfgoedcentrum, het bewaren van verhalen en kennis van vroeger en namen van voorouders die in het slavernijverleden hebben geleefd, en hoe het erfgoed van het eiland zowel lokaal als regionaal beschermd kan worden.

De deelnemers gaven waardevolle input over hoe deze projecten kunnen bijdragen aan hun dagelijkse leven, de toekomst van jongeren en het versterken van hun gemeenschap.

Projecten ter versterking van beleid

Het Traject Beleidsintensivering omvat diverse initiatieven, waaronder:

1. Erfgoedcentrum & Musea: Een centrale plek voor het verzamelen en delen van de cultuur en geschiedenis van Bonaire.
2. Onderwijsmethode Nederlands als Vreemde Taal: Een lesmethode die beter aansluit bij de leefwereld van Bonairiaanse kinderen.
3. Versterking Culturele Keten: Het versterken van bijvoorbeeld NGO Platform, zodat culturele organisaties elkaar kunnen vinden, versterken en samenwerken.
4. Tijdlijn van Bonaire: Het verzamelen van belangrijke gebeurtenissen, personen en tradities uit de geschiedenis van Bonaire zodat er een lokale canon ontwikkeld wordt en gebruikt kan worden door musea en het onderwijs.
5. Digitalisering van Archieven: Het digitaliseren van historische documenten en foto’s etc. om deze toegankelijk te maken voor iedereen. Dit neemt de vorm aan van een gezamenlijke samenwerking tussen OLB Archief en FuHiKuBo.
6. Namenmonument en Namenonderzoek: Het oprichten van een monument ter herdenking van mensen die onder slavernij gedwongen te werk werden gesteld op Bonaire en het vastleggen van hun familienamen.
7. Bijdrage Nationaal Archief Curaçao: Het digitaliseren van historische documenten van Bonaire die zich momenteel op Curaçao bevinden.
8. Erfgoeduitwisseling: Het delen van erfgoed en culturele expertise tussen de eilanden in het Caribisch gebied.

Volgende stappen
De input van de gemeenschap blijft essentieel voor het succes van deze initiatieven. Het Openbaar Lichaam Bonaire moedigt iedereen aan om actief betrokken te blijven en hun ideeën te delen. Het Openbaar Lichaam Bonaire zal gebaseerd op de feedback van de gemeenschap en interne besluitvorming (Bestuurscollege en Eilandsraad) prioriteiten stellen en beslissen welke projecten uiteindelijk in de actieagenda worden opgenomen. Uiteraard worden burgers hier verder over geïnformeerd.

Contactinformatie
Voor meer informatie over de actieagenda of toekomstige bijeenkomsten over  slavernijverleden, kunt u contact opnemen met de Kwartiermaker cultuur: alfrida.martis@bonairegov.com