KIKO TA PASANDO KU BONAIRE.NU?

Kralendijk,- Bonaire.nu a skohe atrobe pa publiká sin reflekshon un artikulo di opinion di un misterioso “Keers Hendrik” — ku hopi ta hasi pensa riba un versión lokal di Wim van Huizen, ku desinformashon komo marka di fábrika.

Ku un medio manera Bonaire.nu ta duna espasio pa atakenan anónimo sin transparensia ku no ta kuadra, ta realmente lamentabel, ku tur rèspèt pa libertat di opinion i libertat di prensa. Desinformashon ta e plamamentu deliberadamente di informashon falsu òf engañoso, hopi bia ku un meta spesífiko: manipulashon, konfushon òf influensiá opinion públiko.

Oposishon na Boneiru sigur sigur despues di hopi tempu, demasiado mes, porfin a wak su momentu, i ku bon motibu. Cft (College financieel toezicht) a konfirmá resientemente ku e maneho finansiero di e kolegio ehekutivo ta bai di malu pa direkshon di un desaster.

Den e di tres kuartal a keda nada ménos ku 31.3 millón sin uza. Sèn ku no a lora den komunidat — un prueba palpabel ku oposishon ta den su derecho pa reklamá. I no bin bisa ku ta falta di e gobièrnunan anterior pasobra na 2022 i 2023 e gobièrnu di e tempu ei a haña deklarashon di aprobashon di e akountènt eksterno pa loke ta trata e kuentanan anual pa promé biaha den historia. Pa gobièrnu aki haña un deklarashon di aprobashon di su kuentanan anual di 2024 lo ta algu hopi serka di un milager.

💬 Talbes ta ora ku Bonaire.nu pone mas energia den skrutiná pamfletanan polítiko ora ta publiká artikulonan yen di desinformashon di hendenan deskonosí.

📌 #Transparensia #BonGobernashon #Boneiru #OposishonTinRason #BonaireNu #Cft

FUENTE: WILLEM CECILIA