ENTRENAMENTU PA PISKADÓ LOKAL A FINALISÁ.

Kralendijk,- Piskabon i Federashon Kooperativanan Uní di Produkshon (FKUP) a organisá un entrenamentu pa piskadó lokal na Boneiru durante e e dos siman ku a pasa.

E entrenamentu a tuma lugá na Fundashon Antriol Avanti i a enfoká riba temanan manera desaroyo personal, peska sostenibel ku bista riba futuro, higiena i kalidat di piska, empresa i seguridat riba laman. Ku e método amplio aki, e organisadornan ke duna mas forsa na e piskadónan den nan profeshon i kontribuí na un futuro sostenibel pa e sektor di peska na Boneiru.

Konosementu praktiko pa un futuro sostenibel
Durante e entrenamentu, piskadó lokal a krese nan konosementu i abilidatnan balioso pa praktiká nan profeshon na un manera sostenibel i sigur.

E entrenamentu a bira posibel ku sosten di Wereld Natuur Fonds (WWF-NL), ku regularmente ta duna sosten na inisiativanan pa mehorá sostenebilidat den peska. Temanan manera peska ku bista riba futuro, protekshon di turtuga i koral, i uso di téknika di peska sostenibel tabata parte di e programa. Tambe a duna importansia na protekshon di espesienan vulnerabel manera karkó. Kombinando tur e aspekto aki, e entrenamentu ta yuda na un sektor di peska ku ta balansá interes ekonómiko ku konservashon di naturalesa. Den total, 14 piskadó a kompletá e entrenamentu ku éksito i a haña nan sertifikado.

“Piskabon ta hopi orguyoso ku e promé paso aki den partimentu di informashon ku e piskadónan i merkaderonan di Boneiru, den forma di un tayer. E partisipantenan a bisa ku nan a haña e tayer sumamente útil i edukativo durante e seis seshon. E partisipantenan a mustra hopi esfuerso, pasobra no tabata fásil: seis anochi intensivo yen di informashon.

Piskabon ta gradisí WWF-NL i FKUP pa e oportunidat aki ku nan a duna na nos piskadónan i merkaderonan. Nos ta spera ku hunto ku WWF-NL i FKUP nos por organisá un otro tayer den futuro, pa sigui traha riba kontinuidat den peska sostenibel.”

Enfoke riba desaroyo personal i kalidat
Bandi di konosmentu tokante téknikanan, tabata tin tambe hopi enfoke riba desaroyo personal di e piskadónan. Nan a siña abilidatnan di komunikashon, kon pa trata ku situashonnan difísil òf strès riba laman, i importansia di kuido personal den e trabou diario. Tambe a papia tokante higiena i kalidat di piská: kon pa trata i warda e piskánan kapturá di un manera ku ta garantisá ku e piská ta bon pa konsumo i benta. E abilidatnan aki ta importante pa praktiká e profeshon na un manera profeshonal i ta kontribuí na mas seguridat, resiliensia i balor riba merkado pa e piskadónan.

Kolabrashon lokal ta esensial pa éksito

A realisá e entrenamentu komo resultado di e kolaborashon entre diferente organisashon lokal ku a uni nan eksperensia. Esaki a permití pa ofresé un programa amplio i praktiko ku ta bon ahustá na e realidat di piskadónan na Boneiru. E partisipantenan no a siña solamente tokante peska sostenibel, pero tambe a haña un lès kòrtiku di EHBO, a siña usa aparato di komunikashon manera radio VHF i a haña mas klaridat tokante abilidatnan komo empresario

i responsabilidatnan legal. Ku esaki, a fortalesé e piskadónan den diferente área, ku atenshon pa nan fishi i nan ròl den komunidat.

FUENTE: PISKABON/LIVE99FM

NEDERLANDS:

TRAINING LOKALE VISSERS AFGEROND

Kralendijk – Piskabon en Federashon Kooperativanan Uní di Produkshon (FKUP) hebben de afgelopen twee weken een visserij training georganiseerd voor lokale vissers op Bonaire. De training vond plaats bij Fundashon Antriol Avanti en richtte zich op thema’s als persoonlijke ontwikkeling, toekomstgericht en duurzaam vissen, hygiëne en kwaliteit van vis, ondernemerschap en veiligheid op zee. Met deze brede aanpak willen de organisatoren vissers versterken in hun vak en bijdragen aan een duurzame toekomst voor de visserij op Bonaire.

Praktische kennis voor een duurzame toekomst

Tijdens de training kregen lokale vissers waardevolle kennis en vaardigheden aangereikt om hun beroep op een duurzame en veilige manier uit te oefenen. De training werd mogelijk gemaakt door het Wereld Natuur Fonds (WWF-NL), dat zich regelmatig inzet voor duurzamere visserij. Thema’s als toekomstgericht vissen, bescherming van zeeschildpadden en koraal, en het gebruik van duurzame vistechnieken kwamen uitgebreid aan bod. Ook werd er stilgestaan bij de bescherming van kwetsbare soorten zoals de karkó. Door deze onderwerpen te combineren, draagt de training bij aan een visserijsector die rekening houdt met zowel economische belangen als het behoud van de natuur. In totaal hebben 14 vissers de training succesvol afgerond en hun certificaat ontvangen.

“Piskabon is heel erg trots op deze eerste stap aan informatie delen met de vissers en merkadero’s van Bonaire, in de vorm van een workshop. De deelnemers hebben aangegeven dat zij deze waardevolle workshop als zeer leerzaam hebben ervaren in de zes sessies. De deelnemers hebben flink doorgezet, want het was niet makkelijk, zes intensieve avonden vol informatie.

Piskabon is zowel WWF-NL als FKUP zeer dankbaar om dit mogelijk te maken voor onze vissers en merkadero’s. Hopelijk zullen wij samen met WWF-NL en FKUP in de toekomst een vervolg workshop organiseren om continuïteit voor duurzame visserij te waarborgen.”

Focus op persoonlijke groei en kwaliteit

Naast technische kennis richtte de training zich ook op de persoonlijke ontwikkeling van vissers. Er werd aandacht besteed aan communicatieve vaardigheden, omgaan met onverwachte of stressvolle situaties op zee en het belang van persoonlijke verzorging in het dagelijkse werk. Ook kwamen hygiëne en de kwaliteit van de vis aan bod: hoe vissers hun vangst op de juiste manier kunnen behandelen en bewaren, zodat deze geschikt is voor consumptie en verkoop. Deze vaardigheden zijn belangrijk voor het professioneel uitoefenen van het vak en dragen bij aan meer veiligheid, weerbaarheid en marktwaarde voor de vissers.

Lokale samenwerking als sleutel tot succes

De training kwam tot stand door samenwerking tussen verschillende lokale organisaties die hun expertise hebben gebundeld. Deze aanpak maakte het mogelijk om een breed en praktisch programma aan te bieden dat goed aansluit op de dagelijkse praktijk van vissers op Bonaire. Deelnemers kregen niet alleen informatie over duurzame visserij, maar kregen ook een korte EHBO-les, leerden over communicatieapparatuur zoals VHF-radio’s en kregen inzicht in ondernemersvaardigheden en juridische verantwoordelijkheden. Door deze samenwerking konden vissers op meerdere vlakken worden versterkt, met oog voor zowel hun vakmanschap als hun rol binnen de gemeenschap.