DISKURSO HUMPHREY JR WOUT – DESPEDIDA DI KONSEHO INSULAR.

Kralendijk,- Sr presidente, koleganan di Konseho Insular, miembronan di Kolegio Ehekutivo, konseheronan, tur otro persona den e sala akí i tur ku ta sigui nos, bonochi. 

Sr Presidente, awe frakshon di MPB ta habri un kapítulo nobo den Konseho Insular ku mi despedida i ku entrada di nos lider polítiko.

 Sr Presidente, pa algun luna kaba hopi hende ta aserká mi personalmente ku nan preokupashon ku gobernashon no ta kana i ku kosnan ta mal pegá. Komo lider nobo nos a hasi nos esfuerso pa kuestioná gobiernu riba diferente tópiko. Tin biaha ku resultado, pero hopi biaha sin niun resultado. Tin karta ku nos frakshon a manda ku pregunta ku e gobièrnu akí no tabatin ni e desensia pa kontestá.

Sr Presidente, nos a kuestioná entre otro tambe ku e gobièrnu akí ta traha plan só, pero nada konkreto pa pueblo. Nos a kuestioná gobièrnu su maneho finansiero te ku awor CFT mes a papia palabra kla ku gobièrnu ta ‘Out of Control’.

Sr Presidente, e situashon ta serio. No ta lèntfel so ta na kandela, pero trabounan den konstrukshon tambe a kai drástikamente te ku kompanianan ta manda hende kas. Kompanianan ku ta drecha kaya a manda nan trahadónan otro isla bai traha, wardando pa kos drecha bèk na Boneiru.

Sr Presidente, e gritu di pueblo ku gobernashon ta mal pegá segun lunanan ta pasa a bira mas fuerte. E situashon a eskalá te ku pueblo ta hasiendo apelashon riba nos frakshon i riba oposishon kompletu pa nos hasi algu pa yuda, pa e kosnan por kuminsá kana den gobernashon. Ta p’esei den konsulta ku partido nos a yega na e desishon pa hasi kambio den nos frakshon pa por yuda karga ku e loke nos por yama un krísis den gobernashon di Boneiru.

Sr Presidente, nos no ta den un era di kambio, pero nos ta den un kambio di era.

Pueblo ke gobernantenan ku ta sirbi pa goberná i no gobernantenan ku ta goberná pa traha plan, plan i mas plan.

Pueblo ke mira kambio den su bida diario awó!

Pueblo ke kasnan pagabel awó.

Pueblo ke tereno pa nan traha nan propio kas awó.

Pueblo ke koriente i awa pagabel awó.

Pueblo ke komestibel pagabel awó.

Pueblo ke atenshon pa nos hóbennan awó, pa nan stòp di pleita i bringa riba kaya.

Pueblo ke solushon awó pa nos kayanan ku ta na wèrki i ta trese hopi insiguridat den tráfiko.

Nos kunukeronan i piskadónan ke solushon awó pa nan pone pan riba mesa.

Sr Presidente, e pueblo eifó ta sklama pa gobernantenan ku ke goberná pa sirbi.

Gobernantenan ku ta traha pa e P di Pueblo i no pa e P-nan di:

Puesto, Poder, Plaka i Prestigio.

Sr Presidente, pueblo ke un gobièrnu ku ta goberná pa sirbi i por trese kambio den su bida diario awó!

Sr presidente, mi ta terminá gradisiendo partido MPB ku a duna mi e oportunidat komo lider nobo pa asumí e kargo di miembro di Konseho Insular. Tambe mi ta gradisí tur mi koleganan den Konseho Insular, ofisina di grefi i tur otro persona ku a duna nan sosten i kontribushon pa mi por a hasi e trabou akí. Finalmente mi ta gradisí tur persona ku a depositá nan konfiansa den mi persona i den partido MPB durante e elekshon pa Konseho Insular na luna di mart 2023.

Sr Presidente, partido i frakshon di MPB ta un solo tim. Mi ta keda sirbi pueblo boneriano di otro forma i na momento ku den futuro partido MPB bolbe hasi un apelashon

riba mi persona pa asumí responsabilidat di representante di pueblo, lo mi ta dispuesto pa regresá den Konseho Insular.

FUENTE: HUMPHREY JR WOUT/LIVE99FM

NEDERLANDS:

TOESPRAAK HUMPHREY JR WOUT BIJ ZIJN AFSCHEID VAN DE EILANDSRAAD BONAIRE

Kralendijk,- Mijnheer de voorzitter, collega’s van de Eilandsraad, leden van het Bestuurscollege, adviseurs, alle andere aanwezigen in deze zaal en allen die ons via de media volgen, goede avond.

Meneer de Voorzitter, vandaag opent de MPB-fractie een nieuw hoofdstuk in de Eilandsraad met mijn afscheid en met de toetreding van onze politiek leider.

Meneer de voorzitter, al enkele maanden komen er veel mensen persoonlijk bij mij met hun zorgen dat het bestuur niet functioneert en dat de zaken ernstig vastlopen. Als een nieuwe leider heb ik mij ingespannen om de overheid over verschillende onderwerpen vragen te stellen. Soms met resultaat, maar vaak ook zonder. Er zijn brieven die onze fractie heeft gestuurd met vragen, waarop deze regering niet eens het fatsoen heeft gehad te antwoorden.

Meneer de voorzitter, wij hebben ons onder andere ook afgevraagd of deze regering alleen maar plannen maakt en niets concreets voor de bevolking. Wij hebben het financiële beheer van de overheid tot nu toe in twijfel getrokken. CFT zelf heeft duidelijk gemaakt dat de overheid ‘Out of Control’ is.

Meneer de voorzitter, de situatie is ernstig. Niet alleen de vuilstortplaats staat in brand, ook het aantal banen in de bouwsector is drastisch afgenomen, met het gevolg bedrijven mensen naar huis moesten sturen. Bedrijven die wegen repareren, sturen hun werknemers naar andere eilanden om daar te werken, in afwachting van herstel op Bonaire.

Meneer de voorzitter, de roep van het volk dat het bestuur al maandenlang vastzit, wordt steeds luider. De situatie is zo geëscaleerd dat mensen een beroep doen op onze fractie en de hele oppositie om hulp, zodat er orde op zaken kan worden gesteld in de overheid. Daarom hebben wij in overleg binnen de partij besloten om wijzigingen door te voeren in onze fractie om zo de crisis in het bestuur van Bonaire het hoofd te kunnen bieden.

Meneer de voorzitter, we leven niet in een tijdperk van verandering, maar wel in een verandering van tijdperk.

Het volk wil staatslieden die in staat zijn te regeren, en geen staatslieden die regeren om plannen, plannen en nog eens plannen te maken.

Het volk wil nu verandering zien in hun dagelijks leven!

Het volk wil nu betaalbare huizen.

Het volk wil nu land om hun eigen huizen op te bouwen.

Het volk wil nu betaalbare elektriciteit en water.

Het volk wil nu betaalbaar eten.

Het volk wil nu aandacht voor onze jongeren, niet dat ze stoppen met vechten en vechten op straat.

Het volk wil nu oplossingen voor de straten die worden aangepakt en die voor veel onveiligheid in het verkeer zorgen.

Onze landbouwers en vissers willen nu oplossingen, zodat er brood op de plank komt.

Meneer de voorzitter, de mensen schreeuwen om leiders die willen regeren en dienen.

Heersers die werken voor de P van het Volk/Pueblo en niet voor de P’s van: Positie, Macht/Poder, Geld/Plaka en Prestige.

Meneer de president, mensen willen een regering die dient en verandering teweegbrengt in hun dagelijkse leven!

Meneer de Voorzitter, ik sluit af met het bedanken van de MPB-fractie voor de kans die zij mij als nieuwe leider hebben gegeven om de functie van lid van de Eilandsraad te aanvaarden. Ook wil ik alle collega’s van de Eilandsraad, de griffie en alle andere mensen bedanken die hun steun en bijdrage hebben gegeven, zodat ik dit werk kon doen. Tot slot wil ik iedereen bedanken die tijdens de verkiezingen voor de Eilandsraad in maart 2023 het vertrouwen in mij en de MPB-fractie heeft gesteld. Meneer de voorzitter, de MPB en de MPB-fractie vormen één team.

Ik zal mij op een andere manier blijven inzetten voor de bevolking van Bonaire en als de MPB in de toekomst opnieuw een beroep op mij doet om de verantwoordelijkheid als volksvertegenwoordiger op mij te nemen, ben ik bereid terug te keren naar de Eilandsraad.