A DETENÉ HÒMBER DI INISIAL R.M.N. DI 26 AÑA DI EDAT PA MANEHÁ BOU DI INFLUENSIA DI ALKOHÒL.

Menor di edat detené pa ladronisia

Djaluna 31 di mart, alrededor di 2.40 or di atardi, a detené un mucha hòmber di inisial J.T.I. di 15 aña di edat pa ladronisia na warda di polis. A detené e mesun mucha hòmber aki un dia promé, djadumingu 30 di mart, pa maltrato. E detenshon a tuma lugá despues ku e sospechoso a hòrta sèn for di pòtmòni di un empleado di un partner di kadena, den kamber di interogashon na warda di polis. Despues di a listra e sospechoso i den su tas, a bin topa ku e sèn. Mesora a poné na altura ku ta detené pa ladronisia den warda di polis.

Mas lat den oranan di anochi a drenta keho tambe di ladronisia na un establesimentu di hóreka situá na Sorobon. Na e sitio aki tambe e sospechoso lo a kometé ladronisia. Ta investigando e kasonan.

Kiebro den kas

Djaluna 31 di mart a drenta keho di kiebro den un kompleho di apartamentu na Kaya Brida. Deskonosínan a bai ku entre otro un ‘Chromebook-laptop’, un telefòn di e marka Samsung A33 i prenda.

Djadumingu 30 di mart a drenta keho di kiebro den un kas situá na Bulevar Julio A. Abraham. Deskonosínan a drenta via di un bentana i a bai ku un ‘tablet’ di e marka Samsung i un ‘Notebook-laptop’ di e marka HP.

Ta investigando e kasonan.

Trùk ku ta transportá gasòil a kèntel

Djadumingu 30 di mart, alrededor di 12 or di mèrdia, ‘meldkamer’ sentral a risibí notifikashon tokante un trùk ku ta transportá gasòil ku a kèntel na altura di Karpata. Polis, ambulans i brantwer a akudí na e sitio. Na yegada di e servisionan aki, esnan presente tabata duna e shofùr ku a resultá heridá, asistensia médiko. Personal di ambulans a tuma over pa despues transportá e shofùr pa hòspital pa tratamentu médiko. Brantwer a sigurá e vehíkulo pa prevení ku esaki ta pega kandela. Un kantidat grandi di e gasòil ku e vehíkulo tabata transportá, a resultá den laman. Dor di esaki a yama diferente partner di kadena na e sitio pa tene e situashon tantu riba tera komo den laman, bou di kòntròl. Polis a sera kaya na unda kua e aksidente a sosodé, pa tur tráfiko. E shofùr a deklará ku e tabata kore den direkshon di e kompania ku ta produsí koriente na Karpata i dado momentu el a purba brek, pero e brek no tabata traha. E por a solamente maniobrá ku e stür, pero e no por a para e trùk mas. Pa e motibu aki el a purba hinka e vehíkulo den mondi kantu di kaminda pa para esaki pero e vehíkulo a kèntel riba su banda. Despues di tur trabou, a habri e kaya bèk pa tráfiko despues di 5 or di atardi.

Shofùr bou di influensia detené despues di manehá imprudente

Djabièrnè 28 di mart, alrededor di 10 or di anochi, a detené un hòmber di inisial R.M.N. di 26 aña di edat na Hanchi Amboina pa manehá bou di influensia di alkohòl. E detenshon a tuma lugá despues ku un patruya ku tabata riba Kaya Nikiboko Nort, a mira un outo sali for di Kaya Thomas M. Marchena ku komportashon di manehá imprudente i subi Kaya Nikiboko Nort, di kua e shofùr kasi a okashoná un aksidente. Pa e motibu aki e agentenan a disidí pa duna e shofùr señal pa para pa un kòntròl. E shofùr a neglishá e señal pa para i a hisa velosidat di e vehíkulo. El a pasa un outo i a lora na su man robes i subi Hanchi Amboina sin duna indikashon i a bolbe hisa velosidat. E patruya a sigui e outo despues di kua e shofùr a para su vehíkulo. Aki por a konstatá ku e shofùr no tabatin su faha di seguridat bistí. Durante di kòntròl el a haña but pa manehá sin faha di seguridat bistí, pa manehá di forma imprudente i pa no sigui instrukshon di polis pa para su vehíkulo. Dor di e komportashon di manehá di e shofùr, durante di e kòntròl a hasi un tèst di supla tambe kuné for di kua a resultá ku el a konsumí mas alkohòl ku ta permití na momentu ku bo ta manehá un vehíkulo. A detené e sospechoso i a hib’é warda di polis pa un análisis di rosea. A konsekuensia di e resultado di esaki a konfiská su reibeweis.

Detenshon pa destrukshon

Djabièrnè 28 di mart, alrededor di 12.10 or di mèrdia, a detené un hòmber di inisial E.M.M.N. di 56 aña di edat na Bulevar Gobernador N. Debrot pa destrukshon. E detenshon a tuma lugá despues ku a mèldu na ‘meldkamer’ sentral ku un hòmber deskonosí a tira piedra riba un golfkar ku tabata pasando riba e kaya menshoná, kibrando e winshil di e golfkar. Na yegada di polis a detené e sospechoso pa destrukshon. Investigashon den e kaso ta andando.

Detenshon pa maltrato i maltrato ku arma

Djaweps 27 di mart, alrededor di 9.05 or di anochi, a detené un hòmber di inisial E.G.D. di 34 aña di edat na Kaya Gloria pa maltrato i maltrato ku un arma. Ta investigando e kaso.

Ladronisia for di kas den konstrukshon

Djaweps 27 di mart a drenta keho di ladronisia for di un kas den konstrukshon na Kaya Thomas M. Marchena. Entre 5 or di atardi riba djárason 26 di mart i 9 or di mainta riba djaweps 27 di mart, deskonosínan a bai ku un sleiptòl grandi i unu chikitu, i un mashin di bora. Tur hèrmènt menshoná ta di marka Makita. Ta investigando e kaso.

Detenshon pa violensia públiko i maltrato

Djaweps 27 di mart, alrededor di 10.30 or di mainta, a detené un hòmber di inisial G.G.J. di 23 aña di edat na Kaya Patachi pa violensia públiko i maltrato. E detenshon ta den kuadro di e investigashon relashoná ku e bringamentu ku a tuma lugá den oranan di anochi riba djadumingu 2 di mart den ‘centrumgebied’ i riba Kaya L.D. Gerharts. Investigashon den e kaso ta kontinuá.

Kòntròl di tráfiko

Djárason 26 di mart a tene un kòntròl di tráfiko riba Kaya Amsterdam. Aki a para i kontrolá 6 outo, di kua 2 shofùr a haña un but. Ambos but tabata pa manehá sin seguro bálido.

KPCN ta konsehá estriktamente pa kumpli ku e reglanan di Lei di Tráfiko. Ku esaki bo tambe ta kontribuí na un tráfiko seif i sigur riba e isla. E periodo benidero lo bai tene kòntròl regularmente, kaminda lo aktua ku man duru na momentu ku no tin e dokumentunan menshoná ariba na òrdu i tambe si no ta kumpli ku reglanan di tráfiko.

Bo no ta kumpli ku reglanan? Bo por haña un but. E suma di un but pa e violashonnan menshoná ta varia entre $30 te ku $225.

Aksidente entre outo i bròmer

Djárason 26 di mart, alrededor di 5 or di atardi, ‘meldkamer’ sentral a risibí notifikashon tokante un aksidente na e krusada di Hanchi Amboina i Kaya Nikiboko Nort. Na yegada di polis a resultá ku pa motibu di no duna preferensia, un bròmer a bai dal den un outo na e krusada menshoná. E shofùr di e bròmer pa e motibu aki a resultá heridá i ambulans a transport’é pa hòspital pa tratamentu médiko. E shofùr di e outo a haña but pa manehá sin reibeweis. Konforme e maneho di ‘botsen is blazen’, a hasi un tèst di supla ku ámbos shofùr ku un resultado negativo.

Detenshon pa maltrato i menasa

Djárason 26 di mart, alrededor di 08.40 or di mainta, a detené un hòmber di inisial A.M.S.F. di 22 aña di edat na warda di polis pa maltrato i menasa. Ta investigando e kaso.

Bo a mira algu sospechoso? Yama 715 8000 òf e liña di tep anónimo 9310.

FUENTE: KPCN/LIVE99FM

NEDERLANDS:

Politieberichten van woensdag 26 maart tot en met maandag 31 maart 2025

Minderjarige aangehouden voor diefstal

Op maandag 31 maart, rond 14:40 uur, werd een minderjarige jongeman van 15 jaar met initialen J.T.I. aangehouden voor diefstal. Deze jongeman was de dag ervoor, op zondag 30 maart, ook al aangehouden voor mishandeling. De aanhouding vond plaats nadat de verdachte in de verhoorruimte geld had gestolen uit een portemonnee die in de tas van een medewerker van een ketenpartner zat. Na fouillering en doorzoeken van de tas van de verdachte, werd het geld aangetroffen. Hij werd onmiddellijk medegedeeld dat hij aangehouden word voor diefstal binnen het politiebureau.

Iets later in de avond werd ook aangifte gedaan van diefstal bij een horecagelegenheid gelegen bij Sorobon. Daar zou de verdachte ook diefstal hebben gepleegd. De zaken worden onderzocht.

Inbraak woning

Op maandag 31 maart werd aangifte gedaan van inbraak in een appartementencomplex aan de Kaya Brida. Onbekenden hebben onder andere een Chromebook-laptop, een telefoon van het merk Samsung A33 en sieraden meegenomen vanuit de woning.

Op zondag 30 maart werd aangifte gedaan van inbraak in een woning gelegen aan de Bulevar Julio A. Abraham. Onbekenden zijn via een raam naar binnen geklommen en hebben een tablet van het merk Samsung en een Notebook-laptop van het merk HP meegenomen.

De zaken worden onderzocht.

Vrachtwagen met dieselolie gekanteld

Op zondag 30 maart, rond 12:00 uur, kreeg de centrale meldkamer melding over een gekantelde vrachtwagen dat dieselolie vervoerde, ter hoogte van Karpata. De politie, ambulance en brandweer kwamen ter plaatse. Bij aankomst van de hulpdiensten verleenden omstanders eerste hulp aan de gewonde bestuurder. Het ambulancepersoneel nam het over en bracht de bestuurder naar het ziekenhuis voor medische behandeling. De brandweer beveiligde het voertuig om te voorkomen dat het in brand zou vliegen. Een groot deel van de dieselolie die het voertuig vervoerde, kwam in de zee terecht. Hierdoor werden diverse ketenpartners ter plaatse geroepen om de situatie zowel op het land als in de zee onder controle te houden. De weg waar de aanrijding had plaatsgevonden, werd door de politie afgesloten voor het verkeer. De bestuurder verklaarde dat hij richting het bedrijf die elektriciteit produceert bij Karpata reed en op een gegeven moment probeerde te remmen, maar dat de remmen niet werkten. Hij kon alleen nog het stuur bedienen, maar kon de vrachtwagen niet meer stoppen. Hierdoor probeerde hij het voertuig in de mondi langs de weg te krijgen om het tot stilstand te brengen, maar het voertuig kantelde op zijn zijkant. Na alle werkzaamheden werd de weg na 17:00 uur weer vrijgegeven voor het verkeer.

Bestuurder onder invloed aangehouden na roekeloos rijden

Op vrijdag 28 maart, rond 22:00 uur, werd een 26-jarige man met initialen R.M.N. aangehouden aan de Hanchi Amboina voor het rijden onder invloed van alcohol. De aanhouding vond plaats nadat een patrouille die op de Kaya Nikiboko Noord reed, een auto zag die vanuit de Kaya Thomas M. Marchena de Kaya Nikiboko Noord opreed en gevaarlijk rijgedrag vertoonde, waardoor de bestuurder bijna een aanrijding veroorzaakte. Hierdoor besloten de agenten de bestuurder een stopteken te geven voor een controle. De bestuurder negeerde het stopteken en verhoogde de snelheid van het voertuig. Hij haalde een auto in en sloeg zonder richting aan te geven linksaf de Hanchi Amboina op en verhoogde wederom zijn snelheid. De patrouille bleef de auto volgen, waarna de bestuurder zijn voertuig tot stilstand bracht. Er werd geconstateerd dat de bestuurder geen veiligheidsgordel droeg. Tijdens de controle kreeg hij een bekeuring voor het rijden zonder veiligheidsgordel, voor roekeloos rijden en voor het niet opvolgen van een politie stopteken. Door de rijgedrag van de bestuurder werd tijdens de controle ook een blaastest bij hem afgenomen, waaruit bleek dat hij meer dan de toegestane hoeveelheid alcohol had genuttigd. De verdachte werd aangehouden en naar het politiebureau gebracht voor een ademanalyse. Naar aanleiding van het resultaat hiervan werd zijn rijbewijs ingevorderd.

Aanhouding vernieling

Op vrijdag 28 maart, rond 12:10 uur, werd een 56-jarige man met initialen E.M.M.N. aangehouden aan de Bulevar Gobernador N. Debrot voor vernieling. De aanhouding vond plaats nadat er bij de centrale meldkamer was gemeld dat een onbekende man een steen op een langsrijdende golfkar had gegooid, waardoor de voorruit van de golfkar werd beschadigd. Bij aankomst van de politie werd de verdachte aangehouden. Het onderzoek in de zaak loopt.

Aanhouding mishandeling en mishandeling met een wapen

Op donderdag 27 maart, rond 21:05 uur, werd een 34-jarige man met initialen E.G.D. aangehouden aan de Kaya Gloria voor mishandeling en mishandeling met een wapen. De zaak wordt onderzocht.

Diefstal vanuit woning in bouw

Op donderdag 27 maart werd aangifte gedaan van diefstal uit een woning in bouw aan de Kaya Thomas M. Marchena. Onbekenden hebben tussen 17:00 uur op woensdag 26 maart en 09:00 uur op donderdag 27 maart een grote en kleine slijptol en een boormachine meegenomen. Alle genoemde gereedschappen zijn van het merk Makita. De zaak wordt onderzocht.

Aanhouding openlijke geweldpleging en mishandeling

Op donderdag 27 maart, rond 10:30 uur, werd een 23-jarige man met initialen G.G.J. aangehouden aan de Kaya Patachi voor openlijke geweldpleging en mishandeling. De aanhouding vond plaats in het kader van het onderzoek naar de vechtpartij die in de avonduren van zondag 2 maart in het Centrumgebied en op de Kaya L.D. Gerharts hadden plaatsgevonden. Onderzoek in de zaak loopt.

Verkeerscontrole

Op woensdag 26 maart werd een verkeerscontrole gehouden aan de Kaya Amsterdam. Hierbij werden 6 auto’s gestopt voor een controle, waarvan 2 bestuurders een bekeuring kregen. Beide bekeuringen waren voor het rijden zonder een geldige verzekering.

Het KPCN wil een ieder erop attenderen om de nodige bescheiden zoals hierboven genoemd op orde te hebben. Ook het zich houden aan de regels van de verkeersverordening wordt sterk geadviseerd. Hiermee draag je ook bij aan een veilig verkeer op het eiland. Er zullen de komende periode regelmatig controles gehouden worden, waarbij er streng wordt opgetreden als je bovengenoemde niet in orde hebt of als je je niet houdt aan de verkeersregels.

Houdt je je niet aan de regels? Dan kan je een bekeuring krijgen. Het bedrag van een boete voor bovengenoemde overtredingen varieert tussen de $30 en $225.

Aanrijding tussen auto en bromfiets

Op woensdag 26 maart, rond 17:00 uur, kreeg de centrale meldkamer melding over een aanrijding op de kruising van Hanchi Amboina en Kaya Nikiboko Noord. Bij aankomst van de politie bleek dat door het niet verlenen van voorrang, een bromfiets tegen een auto op de genoemde kruising was gebotst. De bestuurder van de motorfiets raakte hierdoor gewond en werd met de ambulance naar het ziekenhuis gebracht voor medische behandeling. De bestuurder van de auto kreeg een bekeuring voor het rijden zonder rijbewijs. Volgens het ‘botsen is blazen’ beleid werd er bij beide bestuurders een blaastest afgenomen, met een negatief resultaat.

Aanhouding mishandeling en bedreiging

Op woensdag 26 maart, rond 08:40 uur, werd een 22-jarige man met initialen A.M.S.F. aangehouden bij het politiebureau voor mishandeling en bedreiging. De zaak wordt onderzocht.

Heeft u iets verdachts gezien? Bel 911 of 715 8000 of de anonieme tip lijn 9310.