DIA MUNDIAL DI NIR: FUNDASHON MARIADAL TA ORGANISÁ DIA HABRÍ DI DIÁLISIS.

Kralendijk,- Awe ta Dia Mundial di Nir, un dia ku mundialmente ta den signo di konsientisashon tokante salú di nir i importansia di prevenshon i detekshon tempran di malesa di nir.

Pa trese e dia akí na un manera èkstra bou di atenshon, departamento di Diálisis di Fundashon Mariadal a bishitá diferente medio di komunikashon. Durante e entrevistanan akí e enfermera- i enfermeronan di diálisis ta kompartí informashon importante tokante malesa di nir, faktornan di riesgo i importansia di un estilo di bida salú.

Banda di esaki Fundashon Mariadal ta invitá komunidat pa un Dia Habrí di Diálisis riba djárason 2 di aprel 2025. E Dia Habrí akí ta tuma lugá na entrada prinsipal di Fundashon Mariadal i e no ta intenshoná solamente pa pashènt, pero pa tur hende ku ke sa mas tokante salú di nir i prevenshon.

Bishitantenan ta haña oportunidat pa:

• Siña mas tokante kuido di nir i e sistema di traha di departamento di Diálisis.
• Bai den kòmbersashon ku enfermera- i enfermeronan di diálisis i un dietista.
• Haña informashon práktiko tokante prevenshon i tratamentu di malesa di nir.
• Laga kontrolá nan preshon di sanger, nan suku den sanger i nan peso.

Dikon atenshon pa salú di nir ta asina importante?

Hopi biaha nan ta deskubrí malesa di nir te den un fase hopi lat, miéntras ku detekshon tempran i un estilo di bida salú por a prevení komplikashonnan grave. Dia Mundial di Nir ta un momentu pa para ketu na esaki i kompartí konosementu, di manera ku hende ta bira mas konsiente di importansia di nir salú.

FUENTE: FUNDASHON MARIADAL/LIVE99FM

WERELD NIERENDAG: FUNDASHON MARIADAL ORGANISEERT OPEN DAG DIALYSE

Kralendijk,- Vandaag is het Wereld Nierendag, een dag die wereldwijd in het teken staat van bewustwording over niergezondheid en het belang van preventie en vroegtijdige opsporing van nierziekten.

Om deze dag extra onder de aandacht te brengen, heeft de afdeling Dialyse van Fundashon Mariadal verschillende media bezocht. Tijdens deze interviews delen dialyseverpleegkundigen belangrijke informatie over nierziekten, risicofactoren en het belang van een gezonde levensstijl.

Daarnaast nodigt Fundashon Mariadal de gemeenschap uit voor een Open Dag Dialyse op woensdag 2 april 2025. Deze Open Dag vindt plaats bij de hoofdingang van Fundashon Mariadal en is niet alleen bedoeld voor patiënten, maar voor iedereen die meer wil weten over niergezondheid en preventie.

Bezoekers krijgen de kans om:

• Meer te leren over nierzorg en de werkwijze van de afdeling Dialyse.
• In gesprek te gaan met dialyseverpleegkundigen en een diëtist.
• Praktische informatie te krijgen over de preventie en behandeling van nierziekten.
• Hun bloeddruk, bloedsuiker en gewicht te laten controleren.

Waarom is aandacht voor niergezondheid zo belangrijk?

Nierziekten worden vaak pas in een laat stadium ontdekt, terwijl vroegtijdige opsporing en een gezonde levensstijl ernstige complicaties kunnen voorkomen. Wereld Nierendag is een moment om hierbij stil te staan en kennis te delen, zodat meer mensen zich bewust worden van het belang van gezonde nieren.