KOOPERATIVA PISKABON DEN KOPERASHON KU  FEDERASHON KOOPERATIVANAN UNÍ DI PRODUKSHON (FKUP) I WWF DUTCH CARIBBEAN, TA BAI ORGANISA UN KURSO PA PISKADÓ I MERKADERA.

Kralendijk,- Eduká i konsientísa piskadónan di Boneiru pa ku kuido di e piská, garantisando piská di kalidat haltu den nos tur su tayó riba nos dushi Isla.

E kurso aki ta pa:

Piskadó, merkadera i tur persona ku ta desea na amplia nan konosementu kon pa atende ku piská for di momentu ku e wòrdu piská te na momentu ku e piská ser entregá na e kliente.

Tópikonan lo ta entre otro:

Desaroyo personal (siña konose bo mes, asumi responsabilidat, un parti di EHBO den e area, etc.);

Higiena i kuido di piská (kuido di piská riba laman, limpia i konserva piská durante di bentá, etc.);

Maneho di empresa chikí (siña i haña tip kon maneha un empresa pa chikí ku e por ta, kosnan basiko di administrashon, etc.).

Kurso lo kuminsa dia 25 di mart 2025. Kursista lo partisipa den 6 seshon di 3 ora pa dia, 3 biaha pa siman, 6’or pa 9’or di anochi i lo tuma lugá na Ofisina di Piskabon, Kaya Nikiboko Noord 2, (Edifisio di Scouting Boneiru).

Interesadonan por inskribi via email na piskabon@gmail.com òf yama/whatsapp na telefòn 777 8318. Kupo ta limita, inskribi na tempu pa bo no keda afó.

E kurso ta kompletamente gratis.

Kooperativa Piskabon, kumpliendo ku e di 7 prinsipio di kooperativa, “Kompromiso ku komunidat”

Mas bo eduka bo mes, mas bo sa

FUENTE: PISKABON/LIVE99FM