TUR E GRITUNAN KONTRA FUNSHONAMENTU DI KOLEGIO EHEKUTIVO I KONSEHO INSULAR TA SEÑALNAN KU TIN MALKONTENTU DEN DEMOKRASIA NA BONAIRE.

Kralendijk,- Na hulandes tin e palabranan “ontevreden” i “onbehagen” Ta nifiká ku ta eksistí disgustu, asko i repudio den demokrasia na Bonaire.

Por tira falta riba globalisashon si wak e konsekuensianan di globalisashon, diskushon tokante struktura estatal, instabilidat den kambio di koalishon i Kolegio Ehekutivo, asumí posishon di ta independiente den Konseho Insular i birando un komunidat multikultural ku a trese un skür grandi entre riku i pober, entre nan i nos.

Tantu kolegio Ehekutivo komo Konseho Insular no ta apto pa bai kontra konsentrashon di kapital i poder pa protekshon di esnan pober i trese union. Konsekuensia di e esaki ta ku a dividí e sosiedat i kibra e tradishon di Bonaire.

Historia di Bonaire ta mustra ku e tradishon di Bonaire ta koperativismo. Loke ta balornan manera, planta huntu, kosechá huntu, traha kas huntu, hunga sam, kuido i atenshon di bario pa enfermo i bisiña, yuda den edukashon di hóbennan, rèspèt i keinta wea di bisiña.

Reglanan nobo pa organisá i modernisá e komunidat a plama e esfera sosial for di otro kaminda individualismo ta e kaso. Pa trese kambio Kolegio Ehekutivo i Konseho Insular no mag asumí e posishon di ta struktural riba pueblo i tampoko tin monopolio riba bienestar general. Un komunidat demokrátiko no ta funshoná usando poder i preshon riba siudadanonan.

Komunikashon na manera drechi, no arogante ni direkto, pa komprondé ku aktuashon di kada siudadano tin sentido pa su mes. Si Konsehal i diputadonan no ta interesá pa siudadano su pensamentu i deseo, ningun hende lo komprondé esensia di desishonnan. Konsekuensia ta, mas disgustu, asko, repudio i sinismo.

FUENTE: ARTHUR SEALY/LIVE99FM