Redakshon
Kralendijk,- Bonairiaanse Tafel Tennis Bond (BTTB)a kuminsá aña 2025 ku hopi espektativa di e hóbennan ku ya kaba di mas ku un aña ta práktika e deporte di pinpòn aki nan Boneiru.
BTTB ku ta e federashon di tènis di mesa aki nan Boneiru, ta mira bek riba un aña 2024 ku hopi satisfakshon mirando e desaroyo di pinpòn bou di nos hóbennan.
BTTB aña pasa a organisá diferente kampionato i tambe a partisipá na un kampamentu/kampionato nan Kòrsou den luna di òktober, i a sa di regresá Boneiru bek ku 4 medaya.
Esaki ta danki na e esfuerso ku BTTB a hasi pa duna e hóbennan aki mas entrenamentu posibel pa nan por halsa nan nivel i asin’aki por partisipá na mas kompetensia Internashonal. Señor Junny Vos presidente di BTTB kier a gradisí na tur e spònsernan ku a koperá ku nos federashon aña pasa, esaki nan ta: Akkermans Auto Supplies, Fundashon Wega di Number Boneiru, Multipost, Milano, International Table Tenis Federation (ITTF), Federashon di tènis di mesa di Paraguay (FTMP) i Indebon.
BTTB ta spera di por sigui konta ku e spònsernan aki den 2025, i ku nos lo logra haña mas di manera ku nos por laga trese un entrenadó di Kòrsou pa un aña di manera ku e por train nos hóben nan pa prepará nan pa kampionato nan ku lo tin e aña aki.
BTTB ke logra e aña aki si pa partisipá ku dos hóben femenil, i dos maskulino na Consude 2025 ku lo wòrdu tene na Brasil.
FUENTE: BTTB/LIVE99FM
GIPHY App Key not set. Please check settings