Kralendijk – Albert Heijn na Hulanda den forma inmediato ta sakando tur ‘blueberry’ di su propio marka for di su rèkinan. E produkto di dipfris posiblemente ta kontaminá ku hepatítis A.
Na Boneiru tambe nan a bende e ‘blueberry’-nan akí. Supermarket Van den Tweel a saka e ‘blueberry’-nan for di su rèkinan. Ta trata di empakenan di 1 kilo ku ‘AH Zakje met blauwe bessen’ ariba.
Urgentemente ta supliká klientenan ku tin e produkto akí ku fecha di vensementu 14 di aprel 2026 òf mas tempran na kas pa no kome esaki, pero pa hib’é bèk na e supermarket. E kadena di supermarket a emití un atvertensia pa e establesimentunan na Kòrsou i Boneiru.
RIVM i NVWA a emití vários mensahe tokante esaki. Aktualmente na Hulanda tin 12 notifikashon di persona ku hepatítis A konosí na RIVM. Ta posibel ku mas hende tabatin e infekshon sin ku nan a ripará esaki. Dos pashènt a keda interná den hòspital.
Hepatitis A – Preguntanan mas frekuente
Kon mi ta haña e malesa akí?
HepatítisA ta un infekshon di higra ku e vírùs di hepatítis A ta okashoná. Hende ta keda kontagiá pa medio di kontakto ku otro hende ku ta malu i pa medio di kome i bebe kuminda òf awa ku ta kontaminá ku shushi humano ku ta kontené e vírùs. Pa bo no bira malu ta importante pues pa laba bo mannan bon promé ku bo kome, promé ku bo prepará kuminda i despues ku bo a bai WC.
Kuantu tempu ta dura promé ku mi bira malu?
E tempu entre e momentu ku bo keda kontagiá i e momentu ku bo bira malu ta dura un promedio di 28 dia. Den sierto kasonan esaki por dura mas kòrtiku (por ehèmpel 2 siman) i serka otro hende esaki por dura kasi 7 siman, promé ku nan haña keho. Mucha bou di 6 aña mayoria biaha no ta haña keho.
Kua ta e kehonan ku mi por haña?
E malesa por ta asina leve ku un hende no ta ripará mes. Hende ku sí ta bira malu, mayoria biaha ta haña molèster di kansansio, kentura leve, tin ora doló den parti ariba di nan barika i walmentu di stoma. Mayoria biaha hende adulto ta haña dehel tambe. Bo ta ripará esaki pa motibu ku bo kueru òf bo blanku di wowo ta haña un koló hel, bo urina ta haña un koló skur òf bo shushi ta haña un koló kla manera stòpvèrf. Tin ora bo kehonan por dura 6 siman. Bo por keda mas tantu tempu ku molèster di kansansio.
Kuantu tempu mi ta keda kontagioso?
Si bo tin keho, e ora ei bo ta keda mas òf ménos un siman kontagioso. Tin ora bo ta bira malu sin ku bo ta haña keho. E ora ei tambe bo ta kontagioso.
Kiko mi tin ku hasi si mi haña keho?
Tuma kontakto ku bo dòkter di kas si bo haña keho. Bisa bo dòkter di kas ku bo a kome e ‘blueberry’-nan akí i si bo tabatin kontakto ku un hende ku tin (tabatin) hepatítis òf dehel.
Kiko mi tin ku hasi ku e ‘blueberry’-nan?
Departamento di Salubridat Públiko a papia ku Supermarket Van den Tweel i ku e departamento di Supervishon i Mantenshon di Lei. Hendenan ku a kumpra e ‘blueberry’-nan di dipfris den saku di 1 kilo ku fecha di vensementu 14-4-2026, por hiba esakinan bèk i haña nan sèn bèk. Por hiba e ‘blueberry’-nan di dipfris di e propio marka di Albert Heijn ku un fecha di vensementu mas tempran tambe bèk. Bo tin mag di tira e ‘blueberry’-nan afó tambe.
Pa sobrá preguntanan tuma kontakto ku departamento di Salubridat Públiko via 715 – 5324.
FUENTE: OLB/LIVE99FM
NEDERLANDS:
BLAUWE BESSEN ALBERT HEIJN MOGELIJK BESMET MET HEPATITIS A
Kralendijk – De Nederlandse Albert Heijn haalt per direct blauwe bessen van het huismerk uit de schappen. Het diepvriesproduct is mogelijk besmet met hepatitis A. Op Bonaire zijn deze blauwe bessen ook verkocht. Van den Tweel Supermarkt heeft de bessen uit de schappen gehaald. Het gaat om de kiloverpakkingen ‘AH zak met blauwe bessen’. Klanten die dat product met houdbaarheidsdatum 14 april 2026 of eerder in huis hebben, worden “dringend” verzocht het niet te eten, maar terug te brengen naar de winkel. De supermarktketen heeft voor de locaties op Curaçao en Bonaire een waarschuwing afgegeven.
\
Ook het RIVM en de NVWA hebben hierover berichten uitgebracht. Op dit moment zijn in Nederland 12 meldingen van personen met hepatitis A bij het RIVM bekend. Het kan zijn dat meer mensen de infectie ongemerkt hebben gehad. Twee patiënten werden in het ziekenhuis opgenomen.
Hepatitis A – Veelgestelde vragen
Hoe krijg ik deze ziekte?
Hepatitis A is een leverontsteking die wordt veroorzaakt door het hepatitis A-virus. Mensen raken besmet door contact met zieken en door het eten en drinken van voedsel of water dat verontreinigd is met ontlasting dat het virus bevat. Om niet ziek te worden, is het dus belangrijk om goed de handen te wassen voor het eten, voor het klaarmaken van eten en nadat je naar de WC bent geweest.
Hoelang duurt het voor ik ziek word?
De tijd tussen besmet raken en ziek worden is gemiddeld 28 dagen. In sommige gevallen kan het korter duren (bijvoorbeeld 2 weken) en bij anderen bijna 7 weken duren voordat je klachten krijgt. Kinderen onder de zes jaar krijgen meestal geen klachten.
Welke klachten kan ik krijgen?
De ziekte kan zo licht verlopen dat iemand het niet eens merkt. Mensen die wel ziek worden krijgen meestal last van vermoeidheid, lichte koorts, soms pijn in de bovenbuik en misselijkheid. Meestal krijgen volwassenen ook geelzucht. Dit merk je doordat je huid of oogwit een gele kleur krijgen, dat je plas een donkere kleur krijgt of dat je poep een lichte stopverfachtige kleur krijgt. Je klachten kunnen soms 6 weken duren. Van vermoeidheid kan je langer last blijven houden.
Hoe lang ben ik besmettelijk?
Wanneer je klachten hebt, dan ben je ongeveer een week besmettelijk. Soms wordt je ziek zonder dat je klachten krijgt. Dan ben je ook besmettelijk.
Wat moet ik doen als ik klachten krijg?
Neem contact op met je huisarts als je klachten krijgt. Vertel je huisarts dat je deze bessen hebt gegeten en of je contact hebt gehad met iemand die hepatitis of geelzucht heeft (gehad).
Wat moet ik doen met de bessen?
PG heeft met Van den Tweel Supermarkt en met de afdeling Toezicht & Handhaving gesproken. Personen die diepvries blauwe bessen van het huismerk Albert Heijn in zakken van 1 kg met houdbaarheidsdatum 14-4-2026 hebben gekocht, kunnen deze terugbrengen en hun geld terugontvangen. Ook diepvries blauwe bessen van het huismerk met een eerdere houdbaarheidsdatum kunnen worden teruggebracht. De bessen mogen ook worden weggegooid.
Neem voor overige vragen contact op met de Afdeling Publieke Gezondheid via 715-5324.

GIPHY App Key not set. Please check settings