HÒMBERNAN DI INISIAL W.R.S., J.C.R. I R.F.Z.  DETENÉ DURANTE E ENTRADANAN HUDISIAL PA VIOLASHON DI LEI DI OPIO BES

Kralendijk, – Djárason 18 di sèptèmber a detené tres persona na Kòrsou en konekshon ku violashon di Lei di Opio BES. E sospechosonan a purba transportá supstansianan narkótiko for di Boneiru skondí den kahanan via di un kompania di karga.

Ta trata di un hòmber di inisial W.R.S. di 38 aña di edat, un hòmber di inisial J.C.R. di 24 aña di edat i un hòmber di inisial R.F.Z. di 41 aña di edat. Despues di e detenshonnan a tene kuater entrada hudisial na Kòrsou.

Durante e entradanan hudisial a konfiská un arma di kandela, munishon i opio. A entregá esakinan na Kuerpo Polisial di Kòrsou (KPC) i pa motibu ku e sospechosonan ta enbolbí den un invetigashon ku ta andando na Boneiru, a trese nan Boneiru pa mas investigashon.

FUENTE: KPCN/LIVE99FM