AKSIDENTE RIBA KAMINDA YATO BAKO NA KUA DOS PERSONA A RESULTÁ HERIDÁ

Ladronisia di skuter

Kralendijk, – Riba djárason 14 di ougùstùs a drenta keho di ladronisia di un skuter koló shinishi skur di e marka Kymco, ku plachi di number MF-2231. E skuter tabata stashoná na lòk, banda di e kasita di bewaker riba e sitio di stashoná outo na Kaya Bonaire. Entre 11.30 or di anochi riba djamars 13 di ougùstùs i 1.30 or di mardugá riba djárason 14 di ougùstùs, deskonosínan a bai ku e skuter. Ta investigando e kaso.

Aksidente

Riba djaluna 12 di ougùstùs, alrededor di 9.20 or di anochi, ‘meldkamer’ sentral a risibí notifikashon tokante un aksidente riba Kaminda Yato Bako na kua dos persona a resultá heridá. Na yegada di patruya, e agentenan a topa ku un vehíkulo ku daño notabel na e parti dilanti. E vehíkulo a dal den kurá di un kas. E shofùr a deklará ku e tabata kore den direkshon di Playa na momentu ku el a mira un buriku riba kaminda. El a wanta brek pa esaki, pero e pasahero na mes momentu a hisa e brek di man. Pa e motibu aki e shofùr a pèrdè kòntròl i dal den e kurá. Ambulans a transportá ámbos okupante pa hòspital pa tratamentu médiko.

Bo a mira algu sospechoso? Yama 717 8000 òf e liña di tep anónimo 9310.

FUENTE:KPCN/LIVE99FM

NEDERLANDS:

Politieberichten van maandag 12 augustus tot en met woensdag 14 augustus 2024

Diefstal scooter

Op woensdag 14 augustus werd aangifte gedaan van diefstal van een donkergrijze scooter van het merk Kymco, met kentekenplaat MF-2231. De scooter stond op slot, naast het beveiligingshuisje op de parkeerplaats aan de Kaya Bonaire, geparkeerd. Tussen 23:30 uur op dinsdag 13 augustus en 01:30 uur op woensdag 14 augustus, werd de scooter door onbekenden meegenomen. De zaak wordt onderzocht.

Aanrijding

Op maandag 12 augustus, rond 21:20 uur, kreeg de centrale meldkamer melding over een eenzijdige aanrijding op de Kaminda Yato Bako waarbij twee personen gewond raakten. Bij aankomst van de patrouille troffen de agenten een voertuig aan met aanzienlijke schade aan de voorkant. Het voertuig was tegen een omheining van een woning gereden. De bestuurder verklaarde dat hij richting Playa reed toen hij een ezel op de weg zag. Hij remde hiervoor, maar de passagier trok tegelijkertijd aan de handrem. Hierdoor verloor de bestuurder de controle over het stuur en botste tegen de omheining. Beide inzittenden zijn met de ambulance naar het ziekenhuis gebracht voor medische behandeling.

Heeft u iets verdachts gezien? Bel 911/112 of de anonieme tip lijn 9310.