CUROIL BONAIRE SU TEAM LOKAL TA KOMPLETO

REINISHA MOLINA TA BIRA HEAD MARKET SERVICES CUROIL BONAIRE

Kralendijk, – For di 1 di yüli 2024, sra. Reinisha Molina a drenta den servisio di Curoil Bonaire komo Head Market Services. Den e funshon aki, sra. Molina ta enkargá ku e proseso komersial pa ku nos klientenan tantu doméstiko komo komersial na Boneiru.

E proseso operashonal, ku ta enserá distribushon di produkto energétiko pa klientenan lokal i internashonal, ta keda na enkargo di sr. Gedeon Giromus, Head Bonaire and International Distribution Services.

Ku yegada di sra. Reinisha Molina, e team lokal di Curoil Bonaire awor ta kompleto i kla pa sigui duna servisio na nos komunidat di Boneiru.

CUROIL/LIVE99